Honda Activa Hits 50 Lakh Sales: ఇండియన్ టూవీలర్ మార్కెట్ లో హోండా యాక్టివా సరికొత్త రికార్డు నెలకొల్పింది. ఈ స్కూటర్ ను ప్రారంభించి 25 వసంతాలు పూర్తి అయిన నేపథ్యంలో కంపెనీ కీలక ప్రకటన చేసింది. దేశ వ్యాప్తంగా లక్షలాది యాక్టివా స్కూటర్లను అమ్మినట్లు తెలిపింది. అయితే, ఇందులో ఒకే రాష్ట్రంలో ఏకంగా 50 లక్షల యూనిట్లను సేల్ చేసినట్లు ప్రకటించింది. ఇప్పటి వరకు ఏ కంపెనీకి సాధ్యంకాని ఘనతను తాము సాధించినట్లు వివరించింది.
హోండా మోటార్ సైకిల్ & స్కూటర్ ఇండియా తన యాక్టివా స్కూటర్ 25 సంవత్సరాలలో మహారాష్ట్రలో 50 లక్షల యూనిట్ల యాక్టివా అమ్మకాలను చేరుకున్నట్లు తెలిపింది. దేశంలోని అతిపెద్ద ద్విచక్ర వాహన మార్కెట్లలో ఒకటైన ఈ మోడల్ నాటి నుంచి నేటి వరకు అద్భుతమైన ప్రజాదరణతో దూసుకెళ్తుందని వెల్లడించింది. పూణే, ముంబై, థానే, నాగ్పూర్, నవీ ముంబై లాంటి ప్రధాన పట్టణ కేంద్రాల్లో ఎక్కువ డిమాండ్ ఉన్నట్లు తెలిపింది. ఈ సిటీలు తమ టూవీలర్ వినియోగంలో ఎక్కువ వాటాను కలిగి ఉన్నట్లు వివరించింది. ముఖ్యంగా రోజువారీ ప్రయాణానికి ఎక్కువగా వాడుతున్నట్లు చెపపింది. ప్రస్తుతం మహారాష్ట్ర అంతటా 700 పైగా సేల్, సర్వీస్ పాయింట్లను నిర్వహిస్తున్నట్లు తెలిపింది.
మహారాష్ట్రలో యాక్టివా 50 లక్షల యూనిట్ల అమ్మకాల మైలురాయిని దాటడం పట్ల హోండా మోటార్ సైకిల్ & స్కూటర్ ఇండియా సేల్స్, మార్కెటింగ్ డైరెక్టర్ ముట్సువో ఉసుయ్ సంతోషం వ్యక్తం చేశారు. “మహారాష్ట్రలో 5 మిలియన్ల యాక్టివా అమ్మకాలను దాటడం గత 25 సంవత్సరాలుగా బ్రాండ్పై కస్టమర్లు ఉంచిన నమ్మకాన్ని ప్రతిబింబిస్తుంది. మహారాష్ట్ర అత్యంత డైనమిక్ మార్కెట్లలో ఒకటిగా ఉంది. ఈ విజయం రోజువారీ ప్రయాణానికి తమ స్కూటర్ ఎంతగా ఉపయోగపడుతుందో సూచిస్తుంది. కస్టమర్ అనుభవాన్ని బలోపేతం చేయడం, మంచి సర్వీస అందించడం ద్వారానే సాధ్యం అయ్యింది” అని వివరించారు.
ఇక యాక్టివా లైనప్ కు కంపెనీ ఎప్పటికప్పుడు సరికొత్త అప్ డేట్స్ చేస్తోంది. కొత్త ఫీచర్లతో పాటు సాంకేతిక మార్పులతో తీసుకొస్తుంది. ప్రస్తుతం పలు ఇంజిన్ ఎంపికలలో అందుబాటులో ఉంచింది. ఎలక్ట్రిక్ వాహనాలకు మార్కెట్ లో మంచి డిమాండ్ పెరుగుతున్న నేపథ్యంలో రీసెంట్ గా యాక్టివా ఎలక్ట్రిక్ వెర్షన్ను కూడా తీసుకొచ్చింది.
ఇక యాక్టివాతో పాటు HMSI పలు ఇంజిన్ సామర్థ్యం గల విభాగాలలో స్కూటర్లు, మోటార్ సైకిళ్ల అమ్మకాలను కొనసాగిస్తుంది అధిక సామర్థ్యం గల మోటార్ సైకిళ్లు బిగ్ వింగ్ నెట్ వర్క్ ద్వారా రిటైల్ చేయబడుతున్నాయి. కమ్యూటర్ మోడల్స్ ఎక్కువగా అమ్మకాలు కొనసాగిస్తున్నాయి. ఒకే రాష్ట్రంలో ఒకే మోడల్ కు సంబంధించి 50 లక్షల యూనిట్లు అమ్మడం అంత ఈజీ వ్యవహారం కాదంటున్నారు నిపుణులు. మార్కెట్లో బ్రాండ్ మీద ఉన్న నమ్మకానికి నిదర్శనం అంటున్నారు.
Read Also: పెట్రోల్ కార్లు ఇక ఎలక్ట్రిక్ వెర్షన్ లో.. విన్ ఫాస్ట్ క్రేజీ ఆఫర్!
Share
Today Gold Rate: కొండెక్కిన పసిడి ధర.. నేటి మార్కెట్లో తులం బంగారం ఎంతంటే?
Kodava Wedding: ‘విరోష్’ వివాహంలో కొడవ సంప్రదాయాల వెనుక ఉన్న విశిష్టత ఇదే?.. దాన్ని నరకాల్సిందేనా?
