VinFast EV Cars: పెట్రోల్ కార్లు ఇక ఎలక్ట్రిక్ వెర్షన్ లో.. విన్ ఫాస్ట్ క్రేజీ ఆఫర్!

ప్రముఖ ఎలక్ట్రిక్ వాహనాల తయారీ సంస్థ విన్ ఫాస్ట్ తన ఈవీ మార్కెట్ ను మరింత పెంచుకునే ప్రయత్నం చేస్తోంది. అందులో భాగంగా భారత్ లో ICE to EV ఎక్స్ఛేంజ్ ప్రోగ్రామ్‌ ను లాంచ్ చేసింది. ఈ కంపెనీకి చెందిన పాపులర్ మోడల్స్ VF 6, VF 7 కార్లను ఇకపై ఎలక్ట్రిక్ వెర్షన్ లో తీసుకురావాలని నిర్ణయించింది. ఇప్పటికే అందుబాటులో ఉన్న పెట్రో కార్లను కూడా ఎలక్ట్రిక్ వెర్షన్ లోకి మార్చనుంది. ఇండియన్ ఎలక్ట్రిక్ వాహన మార్కెట్లో తన సత్తాను మరింగా చాటుకునే ప్రయత్నంలో భాగంగా ముందడుగు వేస్తోంది.

తమిళనాడులో విన్ ఫాస్ట్ ప్లాంట్ ఏర్పాటు

తమిళనాడులోని ప్లాంట్ లో స్థానిక అసెంబుల్ కార్యకలాపాలను ఏర్పాటు చేసిన కంపెనీ, కొత్త VF 6, VF 7 ఎలక్ట్రిక్ SUVలను అందుబాటులోకి తీసుకురాబోతోంది. ఇప్పటికే ఈ కార్లకు సంబంధించి స్థానిక అసెంబ్లీని నిర్ధారించిన తర్వాత విన్ ఫాస్ట్ భారత్ లో రిటైల్ కార్యకలాపాలను ప్రారంభించింది. ఈ ఎక్స్ఛేంజ్ డ్రైవ్‌తో, బ్రాండ్ అప్‌ గ్రేడ్‌ను పరిశీలిస్తున్న పాత పెట్రోల్ కార్ల యజమానులను లక్ష్యంగా చేసుకుంది.

ఎక్స్ఛేంజ్ ప్రోగ్రామ్ ప్రత్యేకత ఏంటి?

ఇక విన్ ఫాస్ట్ కంపెనీ తమ కార్లకు పెద్ద బ్యాటరీ ప్యాక్ ను అందిస్తుంది. VF 6 59.6 kWh బ్యాటరీ ప్యాక్‌ను యాడ్ చేస్తుంది. ఇది ఒకే ఛార్జ్ తో 468 కి.మీ వరు ప్రయాణిస్తుంది. DC ఫాస్ట్ ఛార్జింగ్‌కు సపోర్ట్ చేస్తుంది. 25 నిమిషాల్లో 10 నుంచి 70 శాతం ఛార్జ్ ను అందిస్తుంది. అటు VF 7 ఎక్కువ అవుట్‌ పుట్ వేరియంట్‌ లతో అందించబడుతుంది. రెండు SUVలు భారత్ NCAP క్రాష్ టెస్ట్ లో 5 స్టార్ రేటింగ్‌లను పొందాయి.

వినియోగదారులను కలిగే కీలక ప్రయోజనం

కంపెనీ తాజా ఎక్స్ఛేంజ్ ప్రొగ్రామ్ లో భాగంగా విన్ ఫాస్ట్ దాని సపోర్ట్ నెట్‌ వర్క్‌ ను విస్తరిస్తున్నట్లు చెబుతోంది. కంపెనీ పలు నగరాల్లో డీలర్ భాగస్వాములతో ఒప్పందాలు కుదుర్చుకుంది. EV కేంద్రీకృత వర్క్‌ షాప్‌లను స్థాపించడానికి సర్వీస్ ప్రొవైడర్లతో కలిసి పని చేస్తోంది. V-గ్రీన్, ఇంధన రిటైల్ భాగస్వాముల సహకారంతో ఛార్జింగ్ మౌలిక సదుపాయాలను అభివృద్ధి చేస్తుంది. ఎంపిక చేసిన ఫ్యూయెల్ స్టేషన్లు, పట్టణ ప్రాంతాలలో ఫాస్ట్ ఛార్జర్లను ప్లాన్ చేస్తుంది. ఇక ఈ కంపెనీకి చెందిన కొత్త ఈవీ కార్లకు, ఓనర్ షిప్ ప్యాకేజీలో వేరియంట్ ను బట్టి 10 సంవత్సరాల వరకు వారంటీ, ఉచిత మెయింటెనెన్స్ ఆఫర్లు, పరిమిత కాల ఛార్జింగ్ ప్రయోజనాలను అందిస్తుంది. కొత్త ప్రోగ్రామ్‌ తో, విన్ ఫాస్ట్ VF 6, VF 7లను సాంప్రదాయ కాంపాక్ట్, మిడ్ సైజ్ SUV లను ఎలక్ట్రిక్ వెర్షన్ లో అందించనుంది. ఇప్పటికే ఉన్న కార్ల యజమానులకు ఎలక్ట్రిక్ మొబిలిటీకి మారడానికి ఆర్థికంగా సపోర్టు చేస్తుంది.