Honda Unicorn Vs SP 160 Comparison: హోండా కంపెనీకి చెందిన రెండు సూపర్ బైక్స్ యునికార్న్, SP 160. SP 160 లేటెస్ట్, స్పోర్టీ కమ్యూటర్ను అప్ డేట్ చేసిన టెక్నాలజీని కోరుకునే వారికి బెస్ట్ ఆప్షన్ గా చెప్పుకోవచ్చు. యునికార్న్ కంఫర్ట్ ఫస్ట్ ఫార్ములాకు అనుగుణంగా ఉంటుంది. SP 160 ధర రూ. 1,15,020 నుంచి రూ. 1,20,530 వరకు ఉంటుంది. యునికార్న్ ధర రూ. 1,12,892తో వస్తుంది. ఈ రెండు బైక్స్ కు సంబంధించి పూర్తి వివరాలను ఇప్పుడు తెలుసుకుందాం..
హోండా SP 160.. TFT ఇన్స్ట్రుమెంట్ కన్సోల్ ను కలిగి ఉంటుంది. బ్లూటూత్ కనెక్టివిటీతో వస్తుంది. LED హెడ్ లైట్ ను కలిగి ఉంటుంది. హజార్డ్ లైట్లు ఉంటాయి. అటు హోండా యునికార్న్ లో LCD ఇన్స్ట్రుమెంట్ కన్సోల్ ఉంటుంది. బ్లూటూత్ కనెక్టివిటీ లేదు. హెడ్లైట్ LEDతో వస్తుంది. టైప్ C USB ఛార్జింగ్ పోర్ట్ ను కలిగి ఉంటుంది. హజార్డ్ లైట్లు లేవు. ఇన్స్ట్రుమెంట్ కన్సోల్, కనెక్టివిటీ ఉంటుంది. రెండు బైక్ల మధ్య అతిపెద్ద తేడా ఇన్స్ట్రుమెంట్ క్లస్టర్. హోండా SP 160 హోండా రోడ్ సింక్ డుయో యాప్ ద్వారా బ్లూటూత్ కనెక్టివిటీతో TFT డిస్ప్లేను కలిగి ఉంటుంది. ఇది రియల్ టైమ్ మైలేజ్, సగటు ఫ్యూయెల్ పరిధితో పాటు కీలక వివరాలను వెల్లడిస్తుంది. ఇది లేటెస్ట్ ఫీల్ ను కలిగిస్తుంది. హోండా యునికార్న్ బ్లూటూత్ లేని LCD కన్సోల్తో వస్తుంది. ఇది వేగం, ఫ్యూయెల్ లెవెల్, ట్రిప్ మీటర్లు, గేర్ ప్లేస్ లాంటి ప్రైమరీ ఇన్ఫర్మేషన్ ను ఇస్తుంది. ఇది ఈజీగా అర్థమయ్యేలా ఉంటుంది.
రెండు హోండా బైక్లు ముందు డిస్క్ బ్రేక్తో పాటు సింగిల్ ఛానల్ ABSను ప్రామాణికంగా కలిగి ఉన్నాయి. SP వెనుక డిస్క్ బ్రేక్ ను కలిగి ఉంది. యునికార్న్ వెనుక డ్రమ్ బ్రేక్తో మాత్రమే వస్తుంది. రెండు బైక్లు సైడ్ స్టాండ్ ఇంజిన్ కట్ ఆఫ్, ఇంజిన్ కిల్ స్విచ్ను కూడా కలిగి ఉంటాయి. ఇది రోజువారీ భద్రతను మెరుగుపరుస్తుంది. SP 160 అదనంగా హజార్డ్ లైట్లు, స్విచ్ను కలిగి ఉంటుంది. ఇవి ఎమర్జెన్సీ స్టాప్లు, బ్రేక్ డౌన్ టైమ్ లో ఉపయోగపడుతుంది.
ఒకవేళ మీరు లేటెస్ట్ ఫీచర్లు, మంచి టెక్నాలజీ, కొంచెం స్పోర్టియర్ ఫీల్ ను కలిగిన కమ్యూటర్ను కోరుకుంటే SP 160 బెస్ట్ ఆప్షన్ గా చెప్పుకోవచ్చు. ఇది ఇన్స్ట్రుమెంటేషన్, భద్రతా విషయంలో అడ్వాన్స్ డ్ గా ఉంటుంది. అదే సమయంలో, యునికార్న్ గాడ్జెట్ల కంటే సౌకర్యం, విశ్వసనీయతతో మంచి గుర్తింపు తెచ్చుకుంది. దీనికి ఫీచర్లు లేకపోవచ్చు. కానీ, ఇది చాలా మంది ప్రయాణికులు ఇప్పటికీ ఈజీ రైడింగ్ అందిస్తుందని ఫీల్ అవుతారు. సో, ఇక మీకు ఏది నచ్చితే ఆ బైక్ కోనుగోలు చేయండి.
Read Also: ఓలా అదిరిపోయే ఆఫర్.. ఆ స్కూటర్ పై ఏకంగా రూ. 50 వేలు తగ్గింపు!
Share
Mysterious Wells: రామేశ్వరం వెళ్తున్నారా..? అయితే ఖచ్చితంగా ఈ మిస్టరీ బావుల గురించి తెలుసుకోవాల్సిందే
Yellamma Glimpse: ఎల్లమ్మ తాజా పోస్టర్ విడుదల..మిస్టరీకి తెరలేపే ఫస్ట్ గ్లింప్స్..!
