Hyundai Cars: హ్యుందాయ్ ఇయర్ ఎండ్ ఆఫర్లు, ఆ కారుపై ఏకంగా రూ. 1.68 లక్షల డిస్కౌంట్!

Hyundai December Delight: హ్యుందాయ్ మోటార్ ఇండియా డిసెంబర్ 2025లో ‘Hyundai December Delight’ పేరుతో ఇయర్ ఎండ్ ఆఫర్లు ప్రకటించింది. ఈ ఆఫర్లు క్యాష్ డిస్కౌంట్, ఎక్స్చేంజ్ బోనస్, కార్పొరేట్ బెనిఫిట్స్, స్క్రాపేజ్ బోనస్ లాంటి కలిగి ఉంటాయి. ఎంపిక చేసిన మోడళ్లపై రూ. లక్షకు పైగా ఆఫర్ పొందే అవకాశం కల్పిస్తుంది కంపెనీ. ఈ ఆఫర్లు డిసెంబర్ 31 వరకు అందుబాటులో ఉంటాయని తెలిపింది.

హ్యుందాయ్ కార్లపై డిసెంబర్ 2025 డిస్కౌంట్లు

⦿ గ్రాండ్ i10 నియోస్- రూ. 1.43 లక్షలు

హ్యుందాయ్ పాపులర్ హ్యాచ్‌ బ్యాక్‌ లలో ఒకటైన గ్రాండ్ i10 నియోస్ రూ. 73,808 GST ప్రయోజనాలతో పాటు రూ. 70,000 వరకు అదనపు ప్రయోజనాలను అందిస్తుంది. ఈ మోడల్‌పై మొత్తం రూ. 1.43 లక్షల తగ్గింపు పొందే అవకాశం ఉంది.

⦿ గ్రాండ్ i20 నియోస్- రూ. 1.68 లక్షలు

గ్రాండ్ i20 నియోస్ ఇంకా ఎక్కువ పొదుపును పొందుతుంది. GST తగ్గింపులు రూ. 98,053, రూ. 70,000 అదనపు ప్రయోజనాలు కలిపి మొత్తం రూ. 1.68 లక్షలు డిస్కౌంట్ పొందే అవకాశం ఉంది.

⦿ ఎక్స్‌ టర్- రూ. 1.74 లక్షలు

హ్యుందాయ్ మైక్రో SUV, ఎక్స్‌టర్, ఈ డిసెంబర్‌లో అత్యధిక డిస్కౌంట్‌ను పొందుతుంది. ఇది రూ. 89,209 వరకు GST ప్రయోజనాలతో పాటు రూ. 85,000 వరకు అదనపు ప్రయోజనాలను పొందుతుంది. మొత్తంగా రూ. 1.74 లక్షల పొదుపును పొందుతుంది.

⦿ ఆరా- రూ. 1.11 లక్షలు

హ్యుందాయ్ సెడాన్ శ్రేణికి వెళితే, ఆరా రూ. 78,465 వరకు GST తగ్గింపులు, రూ. 33,000 అదనపు ప్రయోజనాలతో కొనుగోలు చేసే అవకాశం ఉంది. మొత్తంగా రూ. 1.11 లక్షల తగ్గింపు లభిస్తుంది.

⦿ వెర్నా- రూ. రూ. 1.35 లక్షలు

హ్యుందాయ్ మిడ్-సైజ్ సెడాన్ అయిన వెర్నా, రూ. 60,640 వరకు GST ప్రయోజనాలను, రూ. 75,000 విలువైన అదనపు ఆఫర్‌లను కలిగి ఉంటుంది. దీనితో మొత్తం రూ. 1.35 లక్షల పొదుపు లభిస్తుంది.

⦿ అల్కాజార్- రూ. 1.15 లక్షలు

పెద్ద, ఎక్కువ ప్రీమియం ఆఫర్‌ను చూస్తున్న కొనుగోలుదారుల కోసం, అల్కాజార్ కూడా ఇయర్ ఎండ్ లో భాగంగా భారీ తగ్గింపు పొందే అవకాశం ఉంది. మూడు వరుసల SUV రూ. 75,376 GST ప్రయోజనాలతో పాటు రూ. 40,000 అదనపు ప్రయోజనాలతో కలిపి మొత్తం డిస్కౌంట్లు రూ. 1.15 లక్షల తగ్గింపును పొందే అవకాశం ఉంది. ఇయర్ ఎండింగ్ దగ్గర పడుతున్న నేపథ్యంలో వినియోగదారులు త్వరగా కొనుగోలు చేయాలని కంపెనీ ప్రతినిధులు కోరుతున్నారు. డిసెంబర్ 31 తర్వాత ఈ ఆఫర్లు ఉండవంటున్నారు.