Maruti Cars Under 5 Lakh: S-ప్రెస్సో To సెలెరియో.. చీప్ అండ్ బెస్ట్ మారుతి సుజుకి కార్లు ఇవే!

Maruti Cars Under 5 Lakh 2025: మారుతి సుజుకి బడ్జెట్ సెగ్మెంట్‌ లో చక్కటి కార్లను తీసుకొచ్చింది. మధ్య తరగతి ప్రజలు కొనుగోలు చేసేలా చీప్ అండ్ బెస్ట్ కార్ల అమ్మకాలు కొనసాగిస్తోంది. ఆల్టో K10, S-ప్రెస్సో కార్లు.. బేస్ వేరియంట్స్‌ లో రూ. 5 లక్షల లోపు (ఎక్స్-షోరూమ్) ధరలో లభిస్తున్నాయి. వ్యాగన్ R, సెలెరియో బేస్ మోడల్స్ 5 లక్షలకు కాస్త అటు ఇటుగా ఉన్నాయి. చాలా మంది తక్కువ ధరలో మారుతి కారు కొనాలని ప్లాన్ చేస్తుంటారు. అయితే, రూ. 5 లక్షల లోపు బెస్ట్ కారు ఏంటనేది ఇప్పుడు తెలుసుకుందాం..

రూ. 5 లక్షల లోపు టాప్ మారుతి సుజుకి కార్లు

⦿ మారుతి సుజుకి S-ప్రెస్సో (S-Presso)- రూ. 3.50 లక్షలు

మారుతి సుజుకి కంపెనీకి సంబంధించి తక్కువ ధరలో లభించే బెస్ట్ కారు S-ప్రెస్సో. ఈ కారు బేస్ వేరియంట్ ధర రూ.3.50 లక్షలు కాగా హైఎండ్ కారు రూ. 4.60 లక్షలకు అందుబాటులో ఉంటుంది. మినీ SUV స్టైల్ ను కలిగి ఉండే ఈ కారు, హై గ్రౌండ్ క్లియరెన్స్ తో వస్తుంది. 1.0L పెట్రోల్ ఇంజిన్ ను కలిగి ఉండి, 25 kmpl మైలేజ్ పొంతుంది. టాప్ వేరియంట్ లో టచ్‌ స్క్రీన్ ఇన్ఫోటైన్‌మెంట్ ఉంటుంది. ఈ కారు యంగ్ బయ్యర్స్‌ కు ఫేవరెట్. బోల్డ్ డిజైన్, వాల్యూ ఫర్ మనీ కారణంగా ఎక్కువగా ఇష్టపడుతారు.

⦿ మారుతి సుజుకి ఆల్టో K10 (Alto K10)- రూ. 3.70 లక్షలు

తక్కువ ధరకు లభించే మరో బెస్ట్ కారు మారుతి సుజుకి ఆల్టో K10. ఈ కారు ధర రూ.3.70 – 4.50 లక్షలు ఉంటుంది. కాంపాక్ట్ హ్యాచ్‌ బ్యాక్, 1.0L పెట్రోల్ ఇంజన్, మంచి మైలేజ్ (24 kmpl) ఇస్తుంది. సిటీ డ్రైవింగ్‌కు పర్ఫెక్ట్. డ్యూయల్ ఎయిర్‌ బ్యాగ్స్ తో వస్తుంది. దేశంలో అత్యధిక అమ్మకాలు సాధించిన ఎంట్రీ లెవల్ కారు ఆల్టో K10 గుర్తింపు తెచ్చుకుంది.

⦿ మారుతి సెలెరియో (Celerio) – రూ. 4.70 లక్షలు

మారుతి సుజుకి సెలెరియో (Celerio)తో పాటు వ్యాగన్ R (Wagon R) కూడా తక్కువ ధరలో లభించే బెస్ట్ కార్లు. సెలెరియో ధర రూ.4.70 లక్షల నుంచి ప్రారంభం కాగా, వ్యాగన్ R ధర రూ.4.99 లక్షల నుంచి ప్రారంభం అవుతుంది. సెలెరియో బెస్ట్ మైలేజ్ (35 kmpl CNG), స్పేషియస్గా ఉంటుంది. వ్యాగన్ R టాల్ బాయ్ డిజైన్, మంచి స్పేస్, CNG ఆప్షన్ ను కలిగి ఉంటుంది.

ఈ కార్లు ఫ్యామిలీ యూజ్‌కు పాపులర్. బేస్ మోడల్స్ రూ. 5 లక్షల బార్డర్‌ లైన్‌లో ఉన్నాయి. ఈ కార్లు సిటీ డ్రైవింగ్, లో మెయింటెనెన్స్, మంచి మైలేజ్ కోసం బెస్ట్ ఆప్షన్ గా చెప్పుకోవచ్చు.