హ్యుందాయ్ మోటార్ ఇండియా వినియోగదారులకు గుడ్ న్యూస్ చెప్పింది. ఎంపిక చేసిన వేరియంట్లలో ధరలను సవరించింది. i20 హ్యాచ్ బ్యాక్ అందుబాటులోకి వచ్చిన నేపథ్యంలో ఈ నిర్ణయం తీసుకుంది. ప్రస్తుతం i20 ధర రూ. 5.99 లక్షల (ఎక్స్ షోరూమ్) నుంచి ప్రారంభం అవుతుంది. ఈ నిర్ణయంతో ప్రీమియం హ్యాచ్ బ్యాక్ విభాగంలో మారుతి సుజుకి బాలెనో, టాటా ఆల్ట్రోజ్ లాంటి కార్లతో i20 మరింత బలంగా పోటీ పడనుంది.
అటు హ్యుందాయ్ i20 ఎరా కొత్త ఎంట్రీ పాయింట్ గా మరింది. కారు ధర తగ్గించినప్పటికీ, హ్యుందాయ్ కారులో అవసరమైన ఏ యాక్సెసరీస్ ను తొలగించలేదు. గతంలో మాదిరిగానే ఫీచర్లు అందుబాటులో ఉన్నాయి. ఎరా వేరియంట్ లో ఆరు ఎయిర్ బ్యాగ్లు, డిజిటల్ ఇన్స్ట్రుమెంట్ క్లస్టర్, బాడీ కలర్డ్ ORVMలు, డోర్ హ్యాండిల్స్, ముందు, వెనుక స్కిడ్ ప్లేట్లు, టైప్-C USB ఛార్జర్, టెలిస్కోపిక్ స్టీరింగ్ ఉన్నాయి. ఒక్క మాటలో చెప్పాలంటే బేసిస్ స్థాయిలో కూడా ప్రీమియం అనుభూతిని, బలమైన భద్రతను అందిస్తుంది.
హ్యుందాయ్ మాగ్నా ఎగ్జిక్యూటివ్, మాగ్నా వేరియంట్ల ధరలను కూడా సవరించింది. ప్రస్తుతం వీటి ధరలు వరుసగా రూ. 6.74 లక్షలు, రూ. 6.99 లక్షలు (ఎక్స్ షోరూమ్)గా ఉన్నాయి. మాగ్నా ఎగ్జిక్యూటివ్ వేరియంట్ అత్యాధునిక సాంకేతికత, భద్రతపై దృష్టి పెడుతుంది. ఇందులో డిజిటల్ ఇన్స్ట్రుమెంట్ క్లస్టర్, TPMS, ఆటోమేటిక్ హెడ్ ల్యాంప్ లు, కీలెస్ ఎంట్రీ, ఎలక్ట్రికల్ గా అడ్జెస్ట్ చేయగలిగే ORVMలు, స్టీరింగ్ మౌంటెడ్ ఆడియో, బ్లూటూత్ కంట్రోల్స్, షార్క్ ఫిన్ యాంటెన్నా, టెలిస్కోపిక్ స్టీరింగ్ ఉన్నాయి.
ఇక మాగ్నా వేరియంట్ కు ఎలక్ట్రిక్ సన్ రూఫ్, LED DRLలు, వెనుక AC వెంట్లు, స్టోరేజ్ తో కూడిన ఫ్రంట్ ఆర్మ్ రెస్ట్ లాంటి లక్షణాలతో సౌకర్యం, సౌలభ్యాన్ని అందిస్తుంది. హై ట్రిమ్ల లోకి వెళ్లకుండా మరింత ఖరీదైన అనుభవాన్ని కోరుకునే కొనుగోలుదారులకు ఇది ఉపయోగపడుతుంది.
మంచి లుక్ కు తోడు, హ్యుందాయ్ వైర్ లెస్ ఆపిల్ కార్ ప్లే, ఆండ్రాయిడ్ ఆటోతో కూడిన 10.1 అంగుళాల టచ్ స్క్రీన్ ఇన్ఫోటైన్మెంట్ సిస్టమ్ ను డీలర్ ఇన్స్టాల్ చేసిన ఆప్షన్ గా, బ్యాక్ కెమెరాతో పాటు అందిస్తోంది. రూ. 14,999 ధరతో కూడిన ఈ ప్యాకేజీకి మూడు సంవత్సరాల వారంటీ ఉంది. ఇది కొనుగోలుదారులకు సరసమైన అప్గ్రేడ్గా మారుతుంది.
హ్యుందాయ్ i20 1.2-లీటర్ నేచురల్లీ ఆస్పిరేటెడ్ ఫోర్-సిలిండర్ పెట్రోల్ ఇంజిన్ ను కలిగి ఉంటుంది. ఇది 5-స్పీడ్ మాన్యువల్ గేర్ బాక్స్ CVTతో జత చేయబడింది. ఇంజిన్ 83bhp పవర్, 114.7Nm టార్క్ను అందిస్తుంది. మెరుగైన సామర్థ్యం కోసం ఇంటిగ్రేటెడ్ స్టార్టర్ జనరేటర్ ను కలిగి ఉంటుంది.
Read Also: మార్కెట్ లోకి OSM Vextra ఎలక్ట్రిక్ స్కూటర్, ఫీచర్లు చూస్తే మతిపోవాల్సిందే!
Share
River: మనదేశంలో 5 రాష్ట్రాల నుంచి ప్రవహించే ఒకే ఒక నది ఏదో తెలుసా?
Revanth Reddy: కేసీఆర్, కేటీఆర్, హరీష్లను బొక్కలో వేయాలి.. బీజేపీకి రేవంత్ సవాల్
