Mahindra XUV 3XO EV vs XUV400 EV: మహీంద్రా నుంచి క్రేజీ ఈవీలు.. వీటిలో ఏది బెస్ట్ అంటే?

మహీంద్రా తన ఎలక్ట్రిక్ వెహికిల్స్ పోర్ట్‌ ఫోలియోను రోజు రోజుకు మరింత విస్తరిస్తోంది. అందులో భాగంగానే దేశీ మార్కెట్ లోకి కొత్త XUV 3XO EVని విడుదల చేసింది. న్యూ మిడ్ సైజ్ ఎలక్ట్రిక్ SUV ICE బేస్డ్ XUV 3XO ధర రూ. 13.89 లక్షల నుంచి ప్రారంభం అవుతోంది. ఇంచుమించు ఇదే ధరలో మహీంద్రా నుంచి XUV400 EV అందుబాటులో ఉంటుంది. ఈ కొత్త ఎలక్ట్రిక్ SUV లాగా ఎక్కువ ఫీచర్లను కలిగి లేదు. మీకు ఏది బాగా సూట్ అవుతుందో తెలియాలంటే.. కొత్త XUV 3XO EV, XUV400 EV మధ్య ఫీచర్లు, స్పెఫికేషన్లు సహా పూర్తి వివరాలను కంపార్ చేద్దాం..

డిజైన్, రేంజ్..

ఈ రెండింటి మధ్య డిజైన్ లో పెద్దగా తేడాలు లేవు. ఈ ఎలక్ట్రిక్ SUVల కొలతలు ఒకేలా ఉంటాయి. రెండింటి మధ్య ప్రధాన వ్యత్యాసాన్ని ఎక్యుప్ మెంట్స్ లో చూడవచ్చు. కొత్త XUV 3XO EV లో 39.4 kWh బ్యాటరీ ఉంటుంది. ఇది ఒక్క ఛార్జ్ పై 285 కి.మీ రేంజ్ అందిస్తుంది. అటు XUV400 EV 34.5 kWh,39.4 kWh బ్యాటరీ ఆప్షన్స్ లో లభిస్తుంది. ఈ రెండు వరుసగా 359 కి.మీ, 456 కిమీల MIDC సర్టిఫైడ్ రేంజ్ ను కలిగి ఉన్నాయి.

వేరియంట్స్

ఈ రెండు SUVలు రెండు ప్రధాన వేరియంట్లలో అందించబడతాయి. XUV 3XO AX5, AX7L వేరియంట్‌ లను కలిగి ఉంది. అయితే XUV400 EC Pro, EL Pro వేరియంట్‌లను కలిగి ఉంటుంది. EL Pro చిన్న బ్యాటరీ ప్యాక్‌తో కూడా ఒక ఆప్షన్ ను కలిగి ఉంటుంది. శక్తివంతమైన XUV400 EL Pro పవర్‌ట్రెయిన్ XUV 3XO EVలో ప్రామాణికంగా వస్తుంది. దీని అర్థం 3XO EV పెద్ద బ్యాటరీ ప్యాక్ ను కలిగి ఉంటుంది. 147 hp పవర్, 310 Nm టార్క్ ను ప్రొడ్యూస్ చేస్తుంది.

ధరల్లో పోలిక

ఈ రెండు ఎలక్ట్రిక్ SUVల మధ్య ధర విషయంలో భారీ వ్యత్యాసం ఉంది. కొత్త 3XO EV ధర RS 13.89 లక్షల నుంచి రూ. 14.96 లక్షల వరకు ఉంటుంది. కొత్త డిజైన్, మెరుగైన టెక్నాలజీ ఫీచర్లను కలిగి ఉంటుంది. XUV400 EV ధర రూ.15.99 లక్షల నుంచి రూ.18.99 లక్షల మధ్య ఉంది. చిన్న బ్యాటరీ ప్యాక్ కలిగిన EL ప్రో వేరియంట్ ధర రూ. రూ.16.49 లక్షలు ఉంటుంది.

ఏ కారు బెస్ట్ అంటే?

కొత్త XUV 3XO EV దాని టాప్ ఎండ్ AX7L వేరియంట్‌ లో పనోరమిక్ సన్‌ రూఫ్, డ్యూయల్ జోన్ క్లైమేట్ కంట్రోల్, 80 కంటే ఎక్కువ కనెక్ట్ చేయబడిన ఫీచర్లతో కూడిన అడ్రినాక్స్ సూట్ ను కలిగి ఉంటుంది. 17 అంగుళాల అల్లాయ్ వీల్స్, 7 స్పీకర్ హార్మోన్ కార్డాన్ ఆడియో సిస్టమ్ తో వస్తుంది. XUV 400 EV కంటే లెవల్ 2 ADAS సేఫ్టీ ఫంక్షన్‌లు తక్కువ ధరకు లభిస్తాయి.