Viral Video: అదేదో సినిమాలో చెప్పినట్లు టాలెంట్ అనేది ఎవరి సొత్తు కాదు. బుర్ర పెట్టి ఆలోచిస్తే అద్భుతాలు చెయ్యొచ్చు. అచ్చంగా ఇలాంటి ప్రయత్నమే చేశాడు ఓ బైక్ మెకానిక్. ఇతడు ఎంత టాలెంట్ అంటే సాధారణ బైకులను కూడా అసాధారణ బైకులుగా మార్చగల సత్తా ఉన్నోడు. రీసెంట్ గా @MyWishIsUs అనే ఎక్స్ వినియోగదారుడు ఓ వీడియోను షేర్ చేశాడు. సుమారు అర నిమిషం నిడివి ఉన్న ఈ వీడియోలో సదరు మెకానిక్ హీరో స్ప్లెండర్ ను ఏకంగా రాయల్ ఎన్ఫీల్డ్ గా మార్చేశాడు. ప్రస్తుతం ఈ వీడియో సోషల్ మీడియాలో తెగ వైరల్ అవుతోంది.
ఈ పోస్టుకు “99 missed calls from Royal Enfield CEO” అంటూ ఎక్స్ యూజర్ షేర్ చేశాడు. ఈ వీడియోలో ఒక మోటార్ సైకిల్ను మార్చి, కస్టమైజ్ చేస్తున్నట్లు కనిపిస్తుంది. ఓ సాధారణ హీరో స్ప్లెండర్ ను రాయల్ ఎన్ఫీల్డ్ లాగా మార్చుతాడు. ముందుగా స్ప్లెండర్ ను గ్యారేజీకి తీసుకొచ్చి, దాని హెడ్ లైట్, హ్యాండిల్ సహా పలు పలు పార్ట్ లను తొలగిస్తారు. దానికి రాయల్ ఎన్ఫీల్డ్ హెడ్ లైట్, హ్యాండిల్ ఏర్పాటు చేస్తాడు. బైక్ ట్యాంక్ మీద రాయల్ ఎన్ఫీల్డ్ లాగా లుక్ ఇచ్చేలా కవర్ ను అతికిస్తాడు. ఆ తర్వాత దాని మీద MAG 1501 అని రాసి ఉండే స్టిక్కర్ అంటిస్తాడు. పెద్ద హెడ్ లైట్, హార్న్, ఇతర మోడిఫికేషన్లు చేస్తాడు. కాసేపట్లోనే ఆ బైక్ ఏకంగా రాయల్ ఎన్ఫీల్డ్ రెడీ అవుతోంది.
ప్రస్తుతం ఈ వీడియో సోషల్ మీడియాలో బాగా వైరల్ అవుతోంది. అయితే, ఈ బైక్ నెంబర్ ప్లేట్ DL 15 TB 6624 అని ఉండటం వల్ల ఈ మోడిఫికేషన్ ఢిల్లీలో జరిగినట్లు అర్థం అవుతోంది. స్ప్లెండర్ ను అద్భుతమైన హై మైలేజ్ రాయల్ ఎన్ఫీల్డ్ స్టైల్లో మార్చడం వల్ల, రాయల్ ఎన్ఫీల్డ్ CEO కాల్ చేస్తున్నాడంటూ ఫన్నీ వేలో ఎక్స్ యూజర్ ఈ వీడియోను షేర్ చేశాడు. రాయల్ ఎన్ఫీల్డ్ బైక్లు స్టైలిష్ గా ఉంటాయి. కానీ, మైలేజ్ తక్కువ ఇస్తాయి. అయితే, ఈ మోడీఫై రాయల్ ఎన్ఫీల్డ్ అద్భుతమైన మైలేజ్ ఇస్తుందంటూ ఫన్ చేశాడు.
99 missed calls from Royal Enfield CEO 😂 pic.twitter.com/zKandKxUlk
— Mehwish (@MyWishIsUs) December 30, 2025
ఇక ఈ వీడియోపై నెటిజన్లు క్రేజీగా రియాక్ట్ అవుతున్నారు. ఇప్పటికే లక్షల కొద్ది వ్యూస్ సాధించింది. “బెస్ట్ మైలేజ్ ఇచ్చే అద్భుతమైన రాయల్ ఎన్ఫీల్డ్ ఇది” అంటూ ఓ నెటిజన్ కామెంట్ చేశాడు. “రాయల్ ఎన్ఫీల్డ్ సీఈవో కాల్ చేసినా తను పట్టించుకోవడం లేదు. ఎందుకంటే, తనే పర్సనల్ గా వచ్చి కలవాలని భావిస్తున్నాడు” అని నెటిజన్ కామెంట్ పెట్టాడు. “గుడ్ మైలేజ్ రాయల్ ఎన్ఫీల్డ్” అని మరో వ్యక్తి రాసుకొచ్చాడు. “ఇతడి కోసం ఇస్రో కూడా వెతుకుతోంది” అని ఇంకో నెటిజన్ రాసుకొచ్చాడు. మొత్తంగా ఈ వీడియో ఇప్పుడు సోషల్ మీడియాలో నెటిజన్లకు ఫుల్ ఫన్ పంచుతోంది.
Read Also: టాటా నుంచి కళ్లు చెదిరి కారు.. అవిన్యా ఈవీని చూస్తే వావ్ అనాల్సిందే!
Share
Divi Vadthya: బెడ్ పై దివి అందాల విందు.. కుర్రాళ్ళు ఏమైపోతారో..
Nandyal District: దారుణం.. ముగ్గురు పిల్లలను చంపిన తండ్రి, ఆపై సూసైడ్, ఏం జరిగింది?
