Discounts on Maruti Hybrid Cars: దేశీయ మార్కెట్ లో తనకంటూ ఓ బలమైన వాటాను కలిగి ఉంది మారుతి సుజుకి. ఈ ఏడాది అద్భుతమైన కార్లు విడుదల చేసిన కంపెనీ, 2026లో సరికొత్త కార్లను లాంచ్ చేయబోతోంది. ఇప్పటికే ఆయా కార్లకు సంబంధించిన వివరాలను వెల్లడించింది. ఓవైపు కొత్త కార్లు మార్కెట్లోకి తీసుకురాబోతున్న మారుతి సుజుకి, మరోవైపు ప్రస్తుతం అమ్మకాలు కొనసాగిస్తున్న కార్లపై క్రేజీ ఆఫర్లు ప్రకటించింది. ముఖ్యంగా స్ట్రాంగ్ హైబ్రిడ్ కార్లుపై డిసెంబర్ 2025 ఆఫర్ల పేరుతో భారీగా తగ్గింపు అందిస్తుంది.
మారుతి సుజుకి ఇప్పుడు పవర్ ఫుల్ టెక్నాలజీతో రెండు మోడల్స్ అందుబాటులో ఉన్నాయి. వాటిలో ఒకటి గ్రాండ్ విటారా స్ట్రాంగ్ హైబ్రిడ్ కాగా, మరొకటి ఇన్విక్టో (ప్రీమియం MPV). డిసెంబర్ 2025 ఇయర్ ఎండ్ సేల్స్ సందర్భంగా భారీ ఆఫర్లు ప్రకటించింది. ముఖ్యంగా క్యాష్ డిస్కౌంట్, ఎక్స్చేంజ్ బోనస్, స్క్రాపేజ్ బెనిఫిట్, ఎక్స్ టెండెడ్ వారంటీ, కార్పొరేట్ ఆఫర్లు అందిస్తుంది. ఇంతకీ ఏ కారుపై ఎంత తగ్గింపు అందిస్తుందో ఇప్పుడు తెలుసుకునే ప్రయత్నం చేద్దాం..
ఈ కారుపై మొత్తం బెనిఫిట్స్ రూ. 2.00 లక్షల నుంచి రూ. 2.74 లక్షల వరకు అందిస్తుంది. వేరియంట్, స్టాక్ బట్టి మారుతూ ఉంటుంది. రూ. 75,000 నుంచి రూ. 90,000 క్యాష్ డిస్కౌంట్, రూ. 50,000 ఎక్స్చేంజ్/అప్గ్రేడ్ బోనస్, రూ. 45,000 నుంచి రూ. 65,000 స్క్రాపేజ్ బెనిఫిట్, రూ. 27,000 నుంచి రూ. 32,000 విలువైన ఫ్రీ ఎక్స్టెండెడ్ వారంటీ (5 ఇయర్స్) అందిస్తుంది. AWD స్ట్రాంగ్ హైబ్రిడ్ వేరియంట్లపై గరిష్టంగా రూ. 2.74 లక్షల వరకు ఆదా పొందే అవకాశం ఉంది. ఇది ఈ నెలలో అత్యధిక డిస్కౌంట్ పొందిన మోడల్గా గుర్తింపు తెచ్చుకుంది.
ఈ హైబ్రిడ్ కారుపై మొత్తం బెనిఫిట్స్ రూ. 2.15 లక్షల నుంచి రూ. 2.18 లక్షల వరకు అందిస్తుంది. రూ. 1 లక్షల వరకు ఎక్స్చేంజ్ బోనస్, రూ. 1 లక్ష వరకు స్క్రాపేజ్ బెనిఫిట్, రూ. 15,000 నుంచి రూ. 18,000 అదనపు కన్జ్యూమర్/కార్పొరేట్ ఆఫర్లు అందిస్తుంది. ఆల్ఫా ప్లస్ వేరియంట్పై గరిష్ట ఆదా లభిస్తుంది.
మారుతి సుజుకి అందిస్తున్న ఈ ఆఫర్లు డీలర్, సిటీ, అందుబాటులో ఉన్న స్టాక్ అధారంగా మారే అవకాశం ఉంటుంది. ముఖ్యంగా ఎక్స్చేంజ్, స్క్రాపేజ్ బట్టి మారవచ్చు. గ్రాండ్ విటారా మైల్డ్ హైబ్రిడ్, పెట్రోల్ వేరియంట్లపై కూడా రూ. 1 లక్షకు పైగా ఆఫర్లు ఉన్నాయి. కానీ స్ట్రాంగ్ హైబ్రిడ్పైనే ఎక్కువగా ఆఫర్లు అందిస్తుంది. ఈ ఆఫర్లు డిసెంబర్ 31, 2025 వరకు మాత్రమే చెల్లుబాటు అవుతాయి. కచ్చితమైన ఆఫర్ వివరాలు, ఆన్ రోడ్ ధర కోసం దగ్గర లోని మారుతి NEXA డీలర్ను సంప్రదించడం బెస్ట్. స్టాక్ త్వరగా అయిపోవచ్చు.. కాబట్టి త్వరగా కార్లను కొనుగోలు చేయడం బెస్ట్.
Share
U19 Asia Cup 2025: ఊర కుక్కల్లాగా రెచ్చిపోయిన పాకిస్తాన్ ప్లేయర్లు..బ్యాన్ చేసేందుకు ఐసీసీ స్కెచ్ ?
KCR With JAGAN: జగన్కు కేసీఆర్ గిఫ్ట్.. వైసీపీ నేతలు ఫుల్ ఎంజాయ్, మేటరేంటి?
