Bike Mileage: ప్రస్తుతం ఉన్న పెట్రోల్ రేట్లు చూస్తుంటే సామాన్యుడికి గుండె గుభేల్ అంటోంది. ఒకప్పుడు లీటర్ కొట్టిస్తే ఊరంతా తిరిగే రోజులు పోయి, దురదృష్టవశాత్తూ ఇప్పుడు బంక్ దాటకముందే రిజర్వ్లోకి వచ్చేస్తోంది. ముఖ్యంగా మన మిడిల్ క్లాస్ లైఫ్ లో బైక్ అనేది కేవలం లగ్జరీ కాదు, అదొక ఎమోషన్! అందుకే హీరో నుంచి బజాజ్ దాకా ఏ బైక్ కొన్నా మనం ఫస్ట్ అడిగే ప్రశ్న “మైలేజ్ ఎంతిస్తుంది?”. అయితే కంపెనీ వాడు 80 వస్తుందని చెప్పినా, మన చేతికి వచ్చేసరికి అది 40 కి పడిపోతుంటుంది. నిజానికి దీనికి కారణం ఇంజిన్ ప్రాబ్లం మాత్రమే కాదు బాస్.. మనం బైక్ ని మెయింటైన్ చేసే వింత పద్ధతులు కూడా! మీ బైక్ ని పెట్రోల్ తాగే రాక్షసిలా కాకుండా, పొదుపుగా వెళ్లే దేవతలా మార్చుకోవాలంటే ఖచ్చితంగా కొన్ని క్రేజీ ట్రిక్స్ ఫాలో అవ్వాలి.
అసలు విషయంలోకి వస్తే, చాలామంది చేసే బిగ్గెస్ట్ మిస్టేక్ ఏంటంటే సర్వీసింగ్ ని నెగ్లెక్ట్ చేయడం. ఇంజిన్ స్మూత్ గా ఉండాలంటే కంపెనీ చెప్పిన టైమ్ కి ఆయిల్ మార్పించాల్సిందే. ఒకవేళ తక్కువ ధరకి వస్తుందని లోకల్ ఆయిల్ పోయిస్తే, ఇంజిన్ లో ఘర్షణ పెరిగి అది పెట్రోల్ ని జర్రున తాగేస్తుంది. అంతేకాకుండా, చాలామంది టైర్లని అరిగిపోయేదాకా వదిలేస్తుంటారు. టైరుకి గ్రిప్ లేకపోయినా, గాలి తక్కువగా ఉన్నా రోడ్డు మీద పట్టు దొరకదు. ఫలితంగా ఇంజిన్ మీద లోడ్ పడి పెట్రోల్ వృథా అవుతుంది. అందుకే టైర్లలో ఎయిర్ ప్రెజర్ కరెక్ట్ గా ఉందో లేదో ఎప్పటికప్పుడు చెక్ చేసుకోవాలి.
మరో ముఖ్యమైన విషయం ఏంటంటే, మన డ్రైవింగ్ స్టైల్! కొందరు సిగ్నల్ పడగానే అమాంతం యాక్సిలరేటర్ ఇచ్చి రేసు గుర్రంలా దూసుకెళ్తారు. కానీ అలా చేస్తే మైలేజ్ రాదు సరికదా, ఇంజిన్ లైఫ్ కూడా గోవిందా! దీనికి బదులుగా ప్రశాంతంగా, మీడియం స్పీడ్ లో వెళ్లడం వల్ల మీ జేబుకి చిల్లు పడదు. అదేవిధంగా అనవసరంగా క్లచ్ నొక్కడం, పదే పదే బ్రేకులు వేయడం కూడా పెట్రోల్ కి శత్రువులే. వీటికి తోడు ఎయిర్ ఫిల్టర్లో దుమ్ము పేరుకుపోతే ఇంజిన్కి ఊపిరాడదు, అప్పుడు అది ఆటోమేటిక్ గా ఎక్కువ పెట్రోల్ లాగేస్తుంది. కాబట్టి ఎయిర్ ఫిల్టర్, స్పార్క్ ప్లగ్, చైన్ సెట్ ని ఎప్పటికప్పుడు క్లీన్ గా ఉంచుకోవాలి.
నిజానికి బైక్ నడపడం ఒక ఆర్ట్! సిగ్నల్ దగ్గర 30 సెకన్ల కంటే ఎక్కువ వెయిట్ చేయాల్సి వస్తే వెంటనే ఇంజిన్ ఆఫ్ చేయడం నేర్చుకోండి. ముఖ్యంగా గేర్లు మార్చేటప్పుడు స్పీడ్ కి తగ్గట్టుగా ఉండాలి తప్ప, తక్కువ స్పీడ్ లో టాప్ గేర్ వేసి ఇంజిన్ ని ఏడిపించకూడదు. ఎప్పుడైతే మీరు ఈ చిన్న చిన్న జాగ్రత్తలు పాటిస్తారో, అప్పుడు మీ బైక్ మైలేజ్ అమాంతం పెరిగిపోతుంది. చివరికి పెట్రోల్ ఖర్చు మిగిలితే ఆ డబ్బుతో వీకెండ్ లో చక్కగా పార్టీ చేసుకోవచ్చు!
ఇక ఆలస్యం ఎందుకు? ఈరోజే మీ బైక్ హెల్త్ చెక్ చేయండి, పెట్రోల్ ని ఆదా చేయండి. ఈ టిప్స్ కనుక మీరు ఫాలో అయితే మీ బైక్ ఒక మైలేజ్ మెషిన్ లా మారిపోవడం ఖాయం. సో రైడర్స్, అడ్డగోలుగా రేస్ చేయకండి, పొదుపుగా ప్రయాణించి మీ మనీని సేవ్ చేసుకోండి!
also read: Theatres: థియేటర్లు ఇక మూసుకోవాల్సిందేనా ?
Share
AC And induction: ఏసీ,ఇండక్షన్ ఒకేసారి వాడుతున్నారా? మీ కరెంట్ మీటర్ పేలిపోకముందే ఇది చూడండి!
Iran Vs America War: ఖార్గ్ ఐలాండ్ ఆపరేషన్కు అమెరికా ప్లాన్? భారీగా ఇరాన్ బలగాలు, ఆ భయం..
