Mercedes-Benz Reveals VLE electric Van: లగ్జరీ బ్రాండ్ మెర్సిడెస్ బెంజ్ విజన్ V కాన్సెప్ట్ నుంచి ఆల్ ఎలక్ట్రిక్ VLE వ్యాన్ను లాంచ్ చేసింది. అత్యంత లగ్జరీ ప్రయాణానికి అనుకూలంగా దీనిని తయారు చేసింది. ఈ సంవత్సరం చివర్లో విడుదల చేసే అవకాశం ఉంది. స్టాండర్డ్, లాంగ్ వీల్ బేస్ మోడల్స్ రెండూ ఆఫర్ లో ఉంటాయి. స్టాండర్డ్ VLEతో పాటు, కొనుగోలుదారులు AMG లైన్, AMG లైన్ ప్లస్, ఎక్స్ క్లూజివ్ వెర్షన్లను కూడా కొనుగోలు చేసే అవకాశం ఉంటుంది.
VLE EV కొత్త VAN.EA బేస్పై నిర్మించిన మొదటి మోడల్. ఇందులో 8 మంది ప్రయాణీకులు చక్కగా ప్రయాణించే అవకాశం ఉంటుంది. 4,078 లీటర్ల లగేజ్ స్థలం కోసం వెనుక సీట్లను పూర్తిగా తొలగించవచ్చు. ఈ వ్యాన్ 115kWh, 80kWh బ్యాటరీ ప్యాక్స్ తో అందుబాటులో ఉంటుంది. ఇందులో మొదటి వేరియంట్ VLE 300.. 276hp పవర్ ను ఉత్పత్తి చేస్తుంది. 700 కి.మీ కంటే ఎక్కువ పరిధిని అందిస్తుంది. పెద్ద 115kWh NMC బ్యాటరీని ఉపయోగిస్తుంది. ఇది 800V ఎలక్ట్రికల్ ఆర్కిటెక్చర్ పై నడుస్తుంది. ఇది కేవలం 15 నిమిషాల్లో 320 కి.మీ వేగాన్ని అందుకుంటుంది. VLE 400 ఆల్ వీల్ డ్రైవ్ ను అందిస్తుంది. 415hp పవర్ తో 6.5 సెకన్లలో 0-100 కిలో మీటర్ల వేగాన్ని అందిస్తుంది. చిన్న 80kWh లిథియం ఐరన్-ఫాస్ఫేట్ బ్యాటరీ కలిగిన మోడల్స్ తరువాత వస్తాయని భావిస్తున్నారు.
మెర్సిడెస్ బెంజ్ VLE 0.25Cd జారే డ్రాగ్ కోఎఫీషియంట్ తో చక్కటి, ఏరోడైనమిక్ ఆకారాన్ని కలిగి ఉంటుంది. పొడవైన ముందు ఓవర్ హాంగ్, మృదువైన రూఫ్ లైన్, గుండ్రని వెనుక భాగాన్ని కలిగి ఉంటుంది. ఇది దీనికి స్ట్రీమ్ లైన్డ్ లుక్ ఇస్తుంది. ఒక లైట్ స్ట్రిప్ హెడ్ లైట్లను కలుపుతుంది. DRLలు స్టార్ ఆకారంలో ఉంటాయి. పవర్ విండోస్ కూడా ఉంటాయి. 19-22 అంగుళాల వీల్ ఆప్షన్స్ ఉంటాయి.
VLE కాన్ఫిగరేషన్ ను బట్టి ఐదు నుండి ఎనిమిది మంది వరకు కూర్చోవచ్చు. దీని వెనుక సీట్లను పూర్తిగా తొలగించవచ్చు. 4,078 లీటర్ల వరకు సామాను తీసుకెళ్లే అవకాశం ఉంటుంది. సీట్లు రోలర్లతో అమర్చబడి ఉంటాయి. డాష్ బోర్డ్ సూపర్ స్క్రీన్ ను కలిగి ఉంటుంది. ఇది క్యాబిన్ వెడల్పు అంతటా 10.25-అంగుళాల డ్రైవర్ డిస్ప్లే, 14 అంగుళాల టచ్ స్క్రీన్, 14 అంగుళాల ప్యాసింజర్ స్క్రీన్ ను కలుపుతుంది. ఈ కారు ఓవర్ ది ఎయిర్ అప్ డేట్లకు కూడా సపోర్టు చేస్తుంది. 750 వాట్, 22 స్పీకర్ డాల్బీ అట్మాస్ సౌండ్ సిస్టమ్ తో పాటు పనోరమిక్ గ్లాస్ రూఫ్ తో వస్తుంది. సెంటర్ కన్సోల్ లో డ్రింక్స్ ను వెచ్చగా లేదంటే చల్లగా ఉంచే కంపార్ట్ మెంట్ ఉంటుంది. భద్రత, డ్రైవర్ సహాయం కోసం, VLE 10 కెమెరాలు, ఐదు రాడార్లు, 12 అల్ట్రాసోనిక్ సెన్సార్లను ఉపయోగిస్తుంది.
ప్రస్తుతానికి, మెర్సిడెస్ బెంజ్ VLE భారతదేశంలో లాంచ్ అవుతుందా? లేదా? అనేది తెలియదు. త్వరలోనే ధర సహా పూర్తి వివరాలు వెల్లడి కానున్నాయి.
Read Also: ఓలా క్రేజీ ఆఫర్, అదనపు ఖర్చు లేకుండా S1 ప్రో+, రోడ్స్టర్ X+ ఛాంపియన్స్ ఎడిషన్!
Share
Jayam Ravi: జయం రవి సంచలన వ్యాఖ్యలు..హీరోకు మాజీ భార్య సోదరి స్ట్రాంగ్ రిప్లై
Jagan: దానికే దిక్కులేదు కానీ.. ముగ్గురు పిల్లలకు డబ్బులా? సీఎం చంద్రబాబుపై జగన్ ఆగ్రహం
