ఒక్కొక్కరికి ఒక్కో ఫేవరెట్ కలర్ ఉంటుంది. వాళ్లు ఏ పని చేసినా, తమకు నచ్చిన రంగులకు ప్రాధాన్యత ఇస్తారు. అలాగే తాము కొనుగోలు చేసే కార్లను కూడా ఇష్టమైన రంగులోనే తీసుకంటారు. అయితే, తాజాగా ఇండియన్స్ ఎక్కువగా ఇష్టపడే కార్ల రంగుకు గురించి BASF కలర్ రిపోర్ట్ 2025 కీలక వివరాలను వెల్లడించింది. ఇందులో ప్రజలు ఎక్కువగా ఆసక్తి చూపించే రంగును ప్రస్తావించింది.
దేశంలో తెలుపు అత్యంత ప్రజాదరణ పొందిన కారు రంగుగా BASF కలర్ రిపోర్ట్ వెల్లడించింది. 2025లో మార్కెట్లో 48 మంది వైట్ కలర్ కార్లు కొనుగోలు చేసినట్లు తెలిపింది. అయితే, ఇతర రంగుల పైనా భారతీయులు ఆసక్తి చూపిస్తున్నట్లు ఈ రిపోర్టు వెల్లడించింది. వాటిలో ఎక్కువగా నలుపు, నీలం, ఆకుపచ్చ లాంటి కలర్స్ ఉన్నట్లు తెలిపింది. అదే సమయంలో సురక్షితమైన, తటస్థ రంగులు ఇప్పటికీ మార్కెట్ లో ఆధిపత్యం చెలాయిస్తున్నట్లు తెలిపాయి.
ఇండియన్స్ ఎక్కువగా ఇష్టపడే రంగుల విషయానికి వస్తే బూడిద రంగు 17 శాతంతో రెండవ స్థానంలో ఉంది. బ్లాక్, సిల్వర్ 10 శాతంతో సమానం మూడో స్థానంలో ఉన్నాయి. క్రోమాటిక్ రంగులలో నీలం 7 శాతాన్ని కలిగి ఉంది. ఎరుపు 5 శాతంతో ఉంది. ఆకుపచ్చ, లేత గోధుమరంగు, ఆరెంజ్ 1 శాతాన్ని కలిగి ఉన్నాయి.
దేశం బలమైన రంగుగా వైట్ కలిగి ఉంది. దీని మార్కెట్ రోజు రోజుకు పెరుగుతున్నట్లు BASF నివేదిక వెల్లడించింది. తెలుపు రంగు టాప్ లో ఉండటానికి పలు కారణాలు ఉన్నట్లు నివేదిక తెలిపింది. తెలుపు వేడి, దుమ్ము ధూళి నుంచి ఎక్కువ రక్షణను అందిస్తుంది. అదే సమయంలో ఎక్కువ రీసేల్ వ్యాల్యూను కలిగి ఉంటుంది. పగటిపూట కారు బాడీ లైన్లను బాగా హైలైట్ చేస్తుంది. ముదురు షేడ్స్ కంటే దుమ్ము, చిన్న గీతలను కనపడకుండా చేస్తుంది.
ఇక చాలా మంది కార్ల తయారీదారులు ఇప్పుడు డార్క్ ఎడిషన్, బ్లాక్ వేరియంట్లను అందిస్తున్నప్పటికీ, నలుపు రంగు వాటాలో కేవలం 10 శాతం మాత్రమే ఉంద. సిల్వర్ తో ముడిపడి ఉన్న గ్రే కలర్ తో పోల్చినా వెనుకే ఉంది. అక్రోమాటిక్ రంగుల పరంగా, తెలుపు 2 శాతం, నలుపు 1 శాతం పెరిగినట్లు నివేదిక వెల్లడించింది. అయితే బూడిద రంగు 1 శాతం తగ్గింది.
క్రోమాటిక్ షేడ్స్ లో నీలం టాప్ లో ఉంది. 7 శాతం వాటాను కలిగి ఉంది. ఎరుపు రంగు 5 శాతంగా ఉంది. దేశంలో ఆకుపచ్చ రంగు SUVలు ఎక్కువగా అమ్ముడు అవుతున్నాయి. అయితే, దాని మొత్తం వాటా 1 శాతం మాత్రమే. లేత గోధుమరంగు, ఆరెంజ్ కూడా 1 శాతంగా ఉన్నాయి. ఇక SUV కొనుగోలుదారులు ఆకుపచ్చ రంగుకు ప్రాధాన్యత ఇస్తున్నారు. EVలు నీలం, సిల్వర్ వైపు మొగ్గు చూపుతున్నాయి.
Read Also: ఇకపై ఎలక్ట్రిక్ కార్లు సౌండ్ చేయాలట, ఎందుకో తెలుసా?
Share
HBD Namratha Sirodhkar : బర్త్ డే స్పెషల్.. నమ్రత కెరీర్ లో మర్చిపోలేని మెమోరీ.. మహేష్ వల్లే దూరం..
Kalyani priyadarshan: బ్లాక్ డ్రెస్ లో కిల్లింగ్ లుక్ కళ్యాణి ప్రియదర్శన్.. మైండ్ బ్లాక్ అవ్వాల్సిందే..
