World’s MosLifestyle: ప్రపంచంలో చాలా మంది ధనవంతులు ఉంటారు. వారి దగ్గర ఎన్నో భవంతులు, లగ్జరీ కార్లు ఉంటాయి. కానీ, బ్రూనే సుల్తాన్ హసనాల్ బోల్కియా లైఫ్ స్టైల్ ముందు వాళ్లంతా దిగదుడుపే అని చెప్పుకోక తప్పదు. ఆయన లావిష్ జీవితాన్ని చూస్తూ ఎవ్వరికైనా మతిపోక తప్పదు. బ్రూనే దేశానికి చెందిన ఈ సుల్తాన్ ప్రపంచంలోనే అత్యంత విలాసవంతమైన జీవితం గడిపే వ్యక్తుల్లో ఒకరుగు గుర్తింపు తెచ్చుకున్నారు.
సుల్తాన్ బోల్కియా లగ్జరీ గురించి చెప్పాలంటే, ముందుగా ఆయన కార్ల గురించి మాట్లాడుకోవాలి. ఆయన దగ్గర ఏకంగా 7,000 లగ్జరీ కార్లు ఉన్నాయి. ఇందులో 600కి పైగా రోల్స్ రాయిస్ కార్లు ఉన్నాయి. 450 ఫెరారీ కార్లు, 380 బెంట్లీ కార్లు కూడా ఆయన కలెక్షన్ లో ఉన్నాయి. లాంబోర్గిని, పోర్షే, బీఎండబ్ల్యూ లాంటి టాప్ లగ్జరీ బ్రాండ్లకు చెందిన కార్లు కూడా పెద్ద సంఖ్యలో ఉన్నాయి. ఈ కార్ల మొత్తం విలువ సుమారు 5 బిలియన్ డాలర్ల వరకు ఉంటుందని భావిస్తున్నారు.
హసనాల్ బోల్కియా దగ్గర ఉన్న కార్లలో కొన్ని చాలా ప్రత్యేకమైనవి. 24 క్యారెట్ల బంగారంతో తయారు చేసిన రోల్స్ రాయిస్ కార్లు, కస్టమ్ డిజైన్ తో చేసిన వాహనాలు ఉన్నాయి. ఆయన లగ్జరీ ప్రయాణానికి ఈ కార్లను వాడుతారు. న కుమార్తె పెళ్లి కోసం గోల్డ్ కోటింగ్ ఉన్న కారును కొనుగోలు చేయడం అప్పట్లో సంచలనం కలిగించింది.
ఇక నివాసం విషయానికి వస్తే, సుల్తాన్ నివసించే ఇస్తానా నురుల్ ఇమాన్ ప్రపంచంలోనే అతిపెద్ద రెసిడెన్షియల్ ప్యాలెస్ గా గుర్తింపు తెచ్చుకుంది. ఈ భవంతి సుమారు 20 లక్షల చదరపు అడుగుల విస్తీర్ణంలో ఉంది. ఇందులో 1700 గదులు, 257 బాత్ రూమ్ లు, 5 స్విమ్మింగ్ పూల్స్ ఉన్నాయి. కార్ల కోసం 110 గ్యారేజీలు కూడా ఉన్నాయి. ఈ భవనాన్ని 22 క్యారెట్ల బంగారంతో అలంకరించడం విశేషం.
సుల్తాన్ లగ్జరీ ఇక్కడితో ఆగిపోదు. ఆయన దగ్గర కస్టమ్ డిజైన్ చేసిన Boeing 747 ప్రైవేట్ జెట్ ఉంది. ఇందులో బెడ్ రూమ్ సూట్ తో పాటు బంగారం పూతతో చేసిన ఫర్నీచర్, వాష్ బేసిన్లు ఉన్నాయి. అందుకే ఈ విమానాన్ని ఎగిరే రాజభవనంగా అభివర్ణిస్తారు. అదే కాకుండా, తన హెయిర్ కట్ కోసం ప్రత్యేకంగా లండన్ నుంచి బార్బర్ ను ప్రైవేట్ జెట్ లో తీసుకురావడం ఆయన లైఫ్ స్టైల్ ను మరింత ప్రత్యేకంగా ఉండేలా చేస్తుంది.
బోల్కియా సంపదకు ప్రధాన కారణం బ్రూనే దేశంలోని చమురు, సహజ వాయువు బిజినెస్ లు. ఈ రంగాల్లో ఆయన ఆధిపత్యం కొనసాగుతోంది. భారీగా సంపద పోగేశారు. ప్రస్తుతం ఆయన నికర ఆస్తుల విలువ సుమారు 30 బిలియన్ డాలర్లు అంటే భారత కరెన్సీలో సుమారు 2.5 లక్షల కోట్ల వరకు ఉంటుందని అంచనా. ఒకప్పుడు 1980లలో ప్రపంచంలోనే అత్యంత ధనవంతుడిగా కూడా గుర్తింపు పొందారు.
Read Also: స్మార్ట్ టెక్నాలజీతో కారు కవర్, ఇక మీ వెహికల్ భద్రతకు ఢోకా లేదు!
Share
వాట్సాప్ హ్యాకర్ల కొత్త స్కెచ్.. మీ చాట్స్ సేఫ్గా ఉండాలంటే వెంటనే ఈ 5 సెట్టింగ్స్ మార్చండి!
సన్న బియ్యం ఆలోచన నాది కాదు.. సీఎం రేవంత్ రెడ్డిదే: మంత్రి ఉత్తమ్
