టాటా SUVలపై బంపర్ ఆఫర్లు.. హారియర్, సఫారీ మరీ ఇంత చౌకా?

Tata May 2026 Offers: ఈ నెలలో కొత్త కారు కొనాలని ప్లాన్ చేస్తున్న వారికి దేశీయ ఆటో మోబైల్ దిగ్గజం టాటా మోటార్స్ మంచి ఆఫర్లను ప్రకటించింది. కంపెనీ తన పెట్రోల్, డీజిల్తో పాటు CNG మోడళ్లపై భారీ డిస్కౌంట్స్ అందిస్తోంది. ముఖ్యంగా హారియర్, సఫారీ SUVలపై పెద్ద మొత్తంలో డిస్కౌంట్లు ఇస్తోంది. క్యాష్ డిస్కౌంట్, ఎక్స్ఛేంజ్ బోనస్, స్క్రాపేజ్ బెనిఫిట్స్, కార్పొరేట్ ఆఫర్లు, లాయల్టీ బోనస్‌ ల రూపంలో తగ్గింపు అందిస్తోంది. ఈ ఆఫర్లు సిటీని బట్టి మారే అవకాశం ఉందని కంపెనీ తెలిపింది. ఇంతకీ ఏ మోడల్ పై ఎంత తగ్గింపు అందిస్తుందో ఇప్పుడు చూద్దాం..

⦿ టాటా సఫారీ: రూ.75,000

ఈ నెలలో ఎక్కువ తగ్గింపు పొందుతున్న మోడళ్లలో టాటా సఫారీ ముందుంది. ఈ ఫ్లాగ్‌ షిప్ SUVపై రూ.75,000 వరకు బెనిఫిట్స్ అందిస్తుంది. MY2025 మోడళ్లపై రూ.25,000 నగదు తగ్గింపు, రూ.50,000 వరకు ఎక్స్ఛేంజ్ బోనస్ ఇస్తుంది. MY2026 మోడళ్లపై కూడా రూ.45,000 వరకు తగ్గింపు ప్రకటించింది. స్క్రాపేజ్ బోనస్ కూడా అదనంగా అందిస్తుంది.

⦿ టాటా హారియర్‌: రూ.75,000

హారియర్ పైనా సఫారీతో సమానమైన ఆఫర్లు ఉన్నాయి. MY2025 హారియర్‌ పై గరిష్టంగా రూ.75,000 వరకు తగ్గింపు లభిస్తుంది. MY2026 మోడళ్లపై రూ.45,000 వరకు తగ్గింపు ప్రకటించింది. క్యాష్ డిస్కౌంట్, ఎక్స్ఛేంజ్ బోనస్, స్క్రాపేజ్ ఆఫర్లు అందుబాటులో ఉన్నాయి.

⦿ టాటా పంచ్ CNG: రూ.60,000

అటు టాటా పంచ్ CNGపై రూ.60,000 వరకు బెనిఫిట్స్ అందిస్తుంది. వీటిలో నగదు తగ్గింపు, ఎక్స్ఛేంజ్ బోనస్, లాయల్టీ బెనిఫిట్స్ ఉన్నాయి. పెట్రోల్ వేరియంట్‌పై కూడా ఇవే ఆఫర్లు అందుబాటులో ఉన్నాయి. స్క్రాపేజ్ బెనిఫిట్స్ అదనంగా లభిస్తాయి.

⦿ టాటా కర్వ్‌: రూ.55,000

కొత్తగా వచ్చిన టాటా కర్వ్‌ పై కూడా భారీ డిస్కౌంట్లు ఉన్నాయి. MY2026 కర్వ్ కొనుగోలు చేసే వారికి రూ.55,000 వరకు ప్రయోజనాలు లభిస్తాయి. ఇందులో నగదు తగ్గింపుతో పాటు ఎక్స్ఛేంజ్ బోనస్ కూడా ఉంది. MY2025 మోడళ్లపై కూడా ప్రత్యేక ఆఫర్లు కొనసాగుతున్నాయి.

⦿ టాటా నెక్సాన్‌: రూ.50,000

ఈ మోడల్ పైనా మేలో ప్రత్యేక ఆఫర్లు ఉన్నాయి. పెట్రోల్, CNG, డీజిల్ వేరియంట్లపై వేర్వేరు ఆఫర్లు ప్రకటించారు. MY2025 నెక్సాన్ కొనుగోలు చేసే వారికి మొత్తం రూ.50,000 వరకు బెనిఫిట్స్ లభించే అవకాశం ఉంది. ఎక్స్ఛేంజ్ బోనస్, స్క్రాపేజ్ ప్రోత్సాహకాలు, లాయల్టీ బోనస్ కూడా అందిస్తున్నారు.

మొత్తంగా మే 2026లో టాటా మోటార్స్ దాదాపు అన్ని పాపులర్ మోడళ్లపై భారీ డిస్కౌంట్లు అందిస్తోంది. కొత్త SUV, హ్యాచ్‌ బ్యాక్ కొనాలని భావిస్తున్న వారికి ఇదే బెస్ట్ టైమ్ అని ఆటో నిపుణులు చెబుతున్నారు.