Tata Punch EV Facelift Launch: దేశ వ్యాప్తంగా టాటా కార్లకు మంచి క్రేజ్ ఉంది. వినియోగదారులను మరింత ఆకట్టుకునేలా ఎప్పటికప్పుడు తన కార్లను కొద్ద కొత్త వెర్షన్లలో అందుబాటులోకి తీసుకొస్తుంది. అందులో భాగంగానే టాటా మోటార్స్ ఇటీవల ICE పంచ్ ఫేస్ లిఫ్ట్ ను ప్రారంభించింది. త్వరలోనే పంచ్ EV కూడా ఫేస్ లిఫ్ట్ వెర్షన్ లో అందుబాటులోకి రానుంది.
ఇక పంచ్ ICE, EV వెర్షన్‌ల మధ్య కీలకమైన డిజైన్ తేడాలు, ఫీచర్ల గురించి తెలుసుకునే ప్రయత్నం చేద్దాం. కనెక్ట్ చేయబడిన LED డేటైమ్ రన్నింగ్ ల్యాంప్‌లు, ఫ్రంట్ ఛార్జింగ్ క్యాప్, ఏరోడైనమిక్‌ గా రూపొందించిన అల్లాయ్ వీల్స్‌ తో సహా పలు ఫీచర్లను అలాగే కొనసాగించనునట్లు తెలుస్తోంది. అయితే, ఫేస్ లిఫ్టెడ్ పంచ్ EV, దాని ICE కౌంటర్‌ పార్ట్ లాగా కనెక్ట్ చేయబడిన LED టెయిల్ లైట్‌లతో వచ్చే అవకాశం ఉంది. ICE పంచ్ లో ADAS సూట్ లేదు. కానీ, ఇది ఇతర వాహనాలలో కనిపించే రాడార్ ఆధారిత సెన్సార్ హౌసింగ్‌ను పోలి ఉండే ఫ్రంట్ బంపర్‌లో హౌసింగ్‌ను కలిగి ఉంది. పంచ్ EV ADAS ప్యాకేజీని కలిగి ఉండే అవకాశం ఉంది.
పంచ్ EV ఫేస్‌లిఫ్ట్ లోపల డాష్‌ బోర్డ్ లే అవుట్ లో ఎలాంటి మార్పులు ఉండవని తెలుస్తోంది. అయితే, టాటా మోటార్స్ దీనిని నెక్సాన్ EVలో మాదిరిగా 12.3-అంగుళాల టచ్‌ స్క్రీన్ ఇన్ఫోటైన్‌ మెంట్ సిస్టమ్‌ తో అమర్చవచ్చు. 10.25-అంగుళాల డ్రైవర్ డిస్‌ ప్లే, ఆటోమేటిక్ క్లైమేట్ కంట్రోల్, వెంటిలేటెడ్ ఫ్రంట్ సీట్లు, వైర్‌ లెస్ ఫోన్ ఛార్జర్, 360 డిగ్రీ కెమెరా, ఆటో డిమ్మింగ్ ఇన్‌సైడ్ రియర్‌వ్యూ మిర్రర్, యాంబియంట్ లైట్లు లాంటి ఇతర ఫీచర్లు అలాగే ఉంటాయి.
టాటా మోటార్స్ ఫేస్ లిఫ్టెడ్ మోడల్ పవర్‌ ట్రెయిన్ ఎంపికలను ఇంకా కన్ఫార్మ్ చేయనప్పటికీ, మారే అవకాశం ఉంది. రాబోయే పంచ్ EV వరుసగా 265 కిమీ, 365 కిమీల క్లెయిమ్ రేంజ్‌లతో 25kWh, 35kWh బ్యాటరీ ప్యాక్ ఆప్షన్స్ ను పొందే అవకాశం ఉంది. చిన్న బ్యాటరీ ప్యాక్ 82hp/114Nm ఎలక్ట్రిక్ మోటారును కలిగి ఉంటుంది. అయితే, 35kWh యూనిట్ 122hp/190Nm మోటారుతో వస్తుంది.
Read Also: రూ. 10 లక్షల్లోపు అదిరిపోయే కార్లు.. సిటీ ట్రాఫిక్ లో జర్నీకి ఇవే బెస్ట్!
టాటా పంచ్ EV ఫేస్ లిఫ్ట్ ప్రస్తుతం అందుబాటులో ఉన్న మోడల్ కంటే కొంచెం ప్రీమియం ధరను కలిగి ఉంటుందని భావిస్తున్నారు. దీని ధర రూ. 9.99 లక్షల నుంచి రూ. 14.44 లక్షల వరకు ఉంటుందని ఆటో నిపుణులు అంచనా వేస్తున్నారు.
Read Also: 50 వేల కార్ల అమ్మకం.. రూ.50 వేల తగ్గింపు.. స్కోడా గుడ్ న్యూస్!
Share
Dell vs HP Laptops: బలమైన డిజైన్ లేదా స్టైలిష్ లుక్.. డెల్ vs హెపీ ల్యాప్‌టాప్స్.. ఏది బెటర్ ఆప్షన్
Star Singer Death: ప్రముఖ సింగర్ మృతి.. ఇంత నరకం అనుభవించారా?
