Best First Cars in India: మొదటిసారి కారు కొనాలనుకునే వారికి సరైన ఎంపిక అనేది కొంచెం కష్టంగా ఉంటుంది. కారు కొనేటప్పుడు బడ్జెట్, మైలేజ్, మెయింటెనెన్స్ ఖర్చులు, సేఫ్టీ ఫీచర్లు ఇలా ఎన్నో అంశాలను పరిగణలోకి తీసుకోవాలి. అందుకే, తొలిసారి కారు కొనుగోలుదారులకు సులభంగా ఉపయోగించుకునే, నమ్మకంగా ఉండే ఐదు కార్ల మోడల్స్ గురించి ఇప్పుడు తెలుసుకుందాం..
మారుతి సుజుకి ఆల్టో K10 దేశంలో చాలా మంది మొదటి కారుగా ఎంచుకునే మోడల్. చిన్న సైజు, తక్కువ ధర, మంచి మైలేజ్ ఇవన్నీ దీని ప్రత్యేకతలు. సిటీ ట్రాఫిక్ లో సులభంగా నడిపే అవకాశం ఉంటుంది. మెయింటెనెన్స్ ఖర్చు కూడా తక్కువగా ఉండటం వల్ల కొత్తగా డ్రైవింగ్ ప్రారంభించే వారికి ఇది మంచి ఎంపిక.
రెనాల్ట్ క్విడ్ లుక్ పరంగా చిన్న SUVలా కనిపిస్తుంది. బడ్జెట్లో ఉండి కూడా స్టైలిష్ డిజైన్ ను అందిస్తుంది. గ్రౌండ్ క్లియరెన్స్ కొంచెం ఎక్కువగా ఉండటంతో గుంతల రోడ్లపై కూడా సౌకర్యంగా ఉంటుంది. మైలేజ్ కూడా బాగానే ఉంటుంది. మొదటి కారుగా కొంచెం డిఫరెంట్ లుక్ కావాలనుకునే వారికి ఇది సరిపోతుంది.
టాటా టియాగో కారు సేఫ్టీ పరంగా మంచి పేరు సంపాదించింది. బలమైన బాడీ నిర్మాణం, స్టేబుల్ డ్రైవింగ్ ఎక్స్ పీరియెన్స్ దీని ప్రత్యేకత. ఇంటీరియర్ కూడా సింపుల్ గా, ఉపయోగకరంగా ఉంటుంది. కుటుంబంతో ప్రయాణించాలనుకునే వారికి ఇది మంచి ఆప్షన్. అలాగే మైలేజ్, మెయింటెనెన్స్ ఖర్చులు కూడా తక్కువగా ఉంటాయి.
హ్యుందాయ్ గ్రాండ్ i10 నియోస్ కూడా కంఫర్ట్, ఫీచర్ల విషయంలో కొంచెం ప్రీమియం ఫీలింగ్ ఇస్తుంది. స్మూత్ డ్రైవింగ్, మంచి ఇన్టీరియర్ క్వాలిటీ, యూజర్ ఫ్రెండ్లీ ఫీచర్లు దీన్ని ప్రత్యేకంగా నిలబెడతాయి. సిటీ డ్రైవింగ్ కోసం అనుకూలంగా ఉంటుంది. మొదటి కారు కొంచెం ఫీచర్ రిచ్గా ఉండాలని అనుకునే వారికి సరైన ఎంపికగా చెప్పుకోవచ్చు.
ఈ లిస్టులో చివరిది మారుతి సుజుకి స్విఫ్ట్. ఇది యువతలో చాలా పాపులర్. స్పోర్టీ లుక్, మంచి పనితీరు, ఈజీ హ్యాండ్లింగ్ ప్రధాన ఆకర్షణలు. మైలేజ్ కూడా బాగుంటుంది. డ్రైవింగ్ లో కొంచెం ఫన్ ఎక్స్ పీరియెన్స్ కావాలనుకునే వారికి ఇది బాగా నచ్చుతుంది.
మొదటి కారు కొనేటప్పుడు పెద్దగా ఖర్చు చేయడం కంటే, ఉపయోగకరంగా ఉండే, నమ్మకమైన మోడల్ను ఎంచుకోవడం మంచిది. పై చెప్పిన కార్లు బడ్జెట్కు సరిపోవడంతో పాటు, డ్రైవింగ్ నేర్చుకోవడానికి కూడా సులభంగా ఉంటాయి. మీ అవసరాలు, ప్రయాణ శైలి, బడ్జెట్ను దృష్టిలో పెట్టుకుని సరైన కారును ఎంచుకుంటే, మీ మొదటి కారు ఎక్స్ పీరియెన్స్ మరింత బాగుంటుంది.
Read Also: చెత్త రోడ్ల పైనా చెడుగుడు ఆటుకుంటూ దూసుకెళ్లే క్రేజీ కార్లు ఇవే!
Share
Hyderabad: ఎమ్మెల్సీలుగా కోదండరామ్, అజారుద్దీన్ ప్రమాణ స్వీకారం, ప్రజల కోసం కష్టపడి పని చేస్తాం
రోజుకు 14-15 గంటలు కూలర్ వాడితే.. పవర్ బిల్ ఎంత వస్తుందో తెలుసా? ఈ లెక్కలు చూస్తే మతిపోవాల్సిందే!
