Top Diesel SUVs Under 15 Lakhs: భారత్ లో డీజిల్ SUVలకు మంచి డిమాండ్ ఉంది. ముఖ్యంగా ఎక్కువ టార్క్, మంచి మైలేజ్, లాంగ్ డ్రైవ్స్ కు అనువుగా ఉండటం వల్ల చాలా మంది కొనుగోలుదారులు డీజిల్ కార్లను ఇష్టపడుతున్నారు. అదే సమయంలో ఆటోమేటిక్ ట్రాన్స్ మిషన్ సౌకర్యాన్ని కోరుకుంటున్నారు. డ్రైవింగ్ మరింత సులభంగా, కంఫర్ట్ గా ఉండేలా చూసుకుంటున్నారు. రూ. 15 లక్షల లోపు ఒక డీజిల్ ఆటోమేటిక్ SUV కొనాలని ఆలోచిస్తున్నట్లయితే, ఈ టాప్ 5 మోడళ్లను ఓసారి చెక్ చేయండి.
ఈ లిస్టులో బెస్ట్ కారు కియా సోనెట్. ఇది కాంపాక్ట్ SUV సెగ్మెంట్ లో చాలా పాపులర్ మోడల్. ఇందులో 1.5 లీటర్ డీజిల్ ఇంజిన్ తో పాటు 6 స్పీడ్ ఆటోమేటిక్ గేర్ బాక్స్ లభిస్తుంది. ఇది 116 PS పవర్, 250 Nm టార్క్ ఇస్తుంది. ఫీచర్లలో పెద్ద టచ్ స్క్రీన్, BOSE సౌండ్ సిస్టమ్, సన్ రూఫ్ లాంటి ప్రీమియం ఆప్షన్లు కూడా ఉంటాయి.
ఆ తర్వాత హ్యుందాయ్ వెన్యూ ఉంటుంది. ఇది సోనెట్ మాదిరిగానే ఉంటుంది. ఎందుకంటే అదే ఇంజిన్ ను కలిగి ఉంటుంది. కానీ, వెన్యూలో కొత్త టెక్నాలజీ ఫీచర్లు ఎక్కువగా ఉంటాయి. డ్యూయల్ 12.3 ఇంచ్ స్క్రీన్లు, వెంటిలేటెడ్ సీట్లు, ADAS లాంటి ఆధునిక ఫీచర్లు ఇందులో అందుబాటులో ఉన్నాయి. సిటీ డ్రైవింగ్ కోసం మంచి ఎంపిక.
టాటా నెక్సాన్ దేశంలో ఎక్కువగా అమ్ముడవుతున్న SUVలలో ఒకటి. ఇందులో 1.5 లీటర్ డీజిల్ ఇంజిన్ తో 6-స్పీడ్ AMT గేర్ బాక్స్ ఉంటుంది. 115 PS పవర్, 260 Nm టార్క్ తో మంచి పనితీరును కలిగి ఉంటుంది. నెక్సాన్ భద్రత, ఫీచర్లలో ఇది చాలా బలంగా ఉంటుంది. పనోరమిక్ సన్ రూఫ్, పెద్ద టచ్ స్క్రీన్, ADAS లాంటి ఫీచర్లు ఉన్నాయి.
కియా సెల్టోస్ పెద్ద SUV అయినప్పటికీ, దాని ఎంట్రీ లెవల్ డీజిల్ ఆటోమేటిక్ వేరియంట్ రూ. 15 లక్షలలోపే వస్తుంది. అదే 1.5 లీటర్ డీజిల్ ఇంజిన్తో 6-స్పీడ్ AT ఉంటుంది. పెద్ద సైజ్, ప్రీమియం లుక్, ఎక్కువ ఫీచర్లతో మంచి వాల్యూను ఇస్తుంది. పనోరమిక్ సన్ రూఫ్, హెడ్స్ అప్ డిస్ ప్లే, డ్యూయల్ జోన్ క్లైమేట్ కంట్రోల్ లాంటి హైఎండ్ ఫీచర్లు అందుబాటులో ఉంటాయి.
ఈ లిస్టులో చివరి కారు మహీంద్రా XUV 3XO. ఇది సబ్ కాంపాక్ట్ SUV సెగ్మెంట్ లో ఒక బలమైన పోటీదారుగా కొనసాగుతోంది. ఇందులో 1.5 లీటర్ డీజిల్ ఇంజిన్ 300 Nm టార్క్ ఇస్తుంది. 6-స్పీడ్ AMT గేర్బాక్స్తో మంచి డ్రైవింగ్ అనుభవాన్ని అందిస్తుంది. ఫీచర్లలో పనోరమిక్ సన్ రూఫ్, హర్మాన్ కార్డాన్ సౌండ్ సిస్టమ్, ADAS లాంటి ఆధునిక సౌకర్యాలు ఉన్నాయి.
Read Also: 8 ఏళ్ల వారెంటీతో.. జస్ట్ రూ. 49,999కే అదిరిపోయే ఎలక్ట్రిక్ బైక్!
Share
SRH సన్ రైజర్స్ ఫస్ట్ బ్యాటింగ్..11 మంది అభిమానులకు నివాళి, రెండు నిమిషాల పాటు మౌనం
Footpaths: పాదాచారులకు బిగ్ రిలీఫ్.. మరో సంచలన నిర్ణయం తీసుకున్న తెలంగాణ సర్కార్..!
