Electric Scooters: ప్రస్తుతం దేశంలో ఎలక్ట్రిక్ స్కూటర్ల హవా క్రమంగా పెరుగుతోంది. అయితే కొత్తగా ఈవీ కొనుగోలు చేసేవారు మైలేజ్, ధరతో పాటు.. ‘సీట్ ఎత్తు’ ను సైతం పరిగణలోకి తీసుకుంటున్నారు. ముఖ్యంగా హైట్ తక్కువ ఉన్న మహిళలు, వయోవృద్ధులు ట్రాఫిక్‌లో ఈజీగా స్కూటర్ ను కంట్రోల్ చేసేందుకు తక్కువ సీటుకే ప్రాధాన్యం ఇస్తున్నారు. ఈ నేపథ్యంలో పరిమిత సైజులో, సీటు తక్కువ ఎత్తులో ఉన్న టాప్ – 5 ఈవీ స్కూటర్ల లిస్ట్ ఈ కథనంలో అందించడం జరుగుతోంది. వాటిపై ఓ లుక్కేయండి.
ఇటీవలే విడుదలైన హోండా QC1.. ఈ జాబితాలో అగ్రస్థానంలో నిలుస్తోంది. దీని సీట్ ఎత్తు కేవలం ‘704 మిల్లీ మీటర్లు’ మాత్రమే. కాబట్టి హైట్ తక్కువ ఉన్నవారు సైతం ఎంతో ధైర్యంగా, నిరభ్యంతరంగా ఈ స్కూటర్ ను నడుపవచ్చు. దీని బరువు సైతం తక్కువగా ఉండటం వల్ల ట్రాఫిక్‌లో తేలిగ్గా వెళ్లిపోవచ్చు.
ప్రీమియం కేటగిరీలో సరికొత్త డిజైన్‌తో వచ్చిన BMW CE 02 మోడల్ సైతం.. రైడర్ కంఫర్ట్‌కు పెద్దపీట వేసింది. దీని సీట్ ఎత్తు ‘745 మి.మీ – 750 మి.మీ’ మధ్య ఉంటుంది. భిన్నమైన స్టైలిష్ లుక్‌తో పాటు.. సులభంగా కాళ్లు నేలకు ఆనేలా దీనిని రూపొందించారు.
ఫ్యామిలీ కస్టమర్లను లక్ష్యంగా చేసుకుని తీసుకొచ్చిన టీవీఎస్ ఆర్బిటర్ ‘763 మి.మీ’ ఎత్తుతో లభిస్తుంది. కాంపాక్ట్ సైజ్, ఫ్లాట్ ఫుట్‌బోర్డ్, కంఫర్ట్ గా ఉండే సీటింగ్ పొజిషన్ వల్ల ఇది యూజర్లకు ఎంతో ప్రయోజనకరంగా ఉండనుంది.
బజాజ్ చేతక్ ఈవీ సిరీస్‌లో C2501 మోడల్ ‘763 మి.మీ’ సీట్ ఎత్తు కలిగి ఉంది. ట్రాఫిక్ సిగ్నల్స్ వద్ద ఆగినప్పుడు దీన్ని చాలా ఈజీగా బ్యాలెన్స్ చేయవచ్చు. ఈ స్కూటర్ క్లాసిక్ మెటల్ బాడీ చూడటానికి ఎంతో ఆకర్షణీయంగా ఉంటుంది.
Also Read: మార్కెట్లోకి ఖరీదైన స్పోర్ట్స్ బైక్.. ఒక్కసారి రోడ్డుపైకి వెళ్తే.. రేసింగ్ ప్రియులకు పూనకాలే!
సుజుకి చెందిన ఇ-యాక్సెస్ ఎలక్ట్రిక్ స్కూటర్ ‘765 మి.మీ’ సీట్ ఎత్తును కలిగి ఉంది. తక్కువ హైట్ వారు నడిపినా కూడా.. ట్రాఫిక్ లో బండి ఆగినప్పుడు రెండు పాదాలు సులభంగా కిందకు తగులుతాయి.
Also Read: బైక్ లవర్స్‌కి అదిరిపోయే గుడ్ న్యూస్.. మార్కెట్లోకి బజాజ్ ఫస్ట్ ఈవీ బైక్.. ఎప్పుడో తెలుసా?
Share
శుక్రవారం ఒక్కరోజే ఓటీటీలోకి 20కి పైగా సినిమాలు... ఇవి మాత్రం అస్సలు మిస్ అవ్వొద్దు
చిన్న పిల్లలు నిద్రలో ఎందుకు నవ్వుతారు? దీని వెనక ఉన్న అసలు సీక్రెట్ ఇదే!
