Best Mileage Maruti Suzuki Cars: సెలెరియో To స్విఫ్ట్.. బెస్ట్ మైలేజ్ ఇచ్చే మారుతి సుజుకి CNG కార్లు!

Best Mileage Maruti Suzuki CNG Cars: వాస్తవానికి హైబ్రిడ్, ఎలక్ట్రిక్ కార్లు చాలా ఖరీదైనవి. అందుకే చాలా మంది మధ్య తరగతి ప్రజలు ఇప్పటికీ వాటిని కొనుగోలు చేసేందుకు కాస్త తక్కువ ఆసక్తి చూపిస్తున్నారు. CNG కార్లు పేద, మధ్య తరగతి కుటుంబ ప్రయాణాలకు అనుకూలంగా ఉన్నాయి. అందుకే, ఈ కార్ల కొనుగోలుకు మొగ్గు చూపుతున్నారు. పెట్రోల్ కంటే CNG చౌకైనది మాత్రమే కాదు, ఈ కార్లు అద్భుతమైన మైలేజీని కూడా ఇస్తాయి. భారత్ లో మంచి మైలేజీ ఇచ్చే మారుతి సుజుకి టాప్ 5 CNG కార్ల గురించి ఇప్పుడు తెలుసుకుందాం..

⦿ మారుతి సుజుకి సెలెరియో

మంచి మైలేజ్ ఇచ్చే మారుతి సుజుకి కార్లలో సెలెరియో ఒకటి. ఈ కారు CNG విభాగంలో దేశంలో మైలేజ్ ఛాంపియన్ గా కొనసాగుతోంది. ఇది కిలో CNGకి ఏకంగా 34.43 కి.మీ మైలేజ్ ఇస్తుంది. దీని VXI CNG మోడల్ ఎక్స్ షోరూమ్ ధర రూ. 5.98 లక్షలు. తక్కకువ ధరలో మంచి లుక్, ఫీచర్లను కోరుకుంటే ఈ కారు బెస్ట్ ఆప్షన్ గా చెప్పుకోవచ్చు.

⦿ మారుతి సుజుకి వ్యాగన్ R

మధ్యతరగతి కుటుంబాలు ఎక్కువగా ఇష్టపడే కారు మారుతి సుజుకి వ్యాగన్ R. ఇది రెండు CNG వేరియంట్లలో వస్తుంది. కిలో CNGకి 34 కి.మీ మైలేజీని అందిస్తుంది. LXI CNG మోడల్ ధర రూ. 5.89 లక్షలు కాగా, VXI CNG మోడల్ ధర రూ.6.42 లక్షలుగా ఉంది.

⦿ మారుతి సుజుకి ఆల్టో K10

మారుతి సుజుకి ఆల్టో K10 దేశంలో రెండవ అత్యంత చౌకైన CNG కారుగా గుర్తింపు తెచ్చుకుంది. ఈ కారు ఎంట్రీ లెవల్ హ్యాచ్‌ బ్యాక్ కోసం చూస్తున్న ఎవరికైనా బెస్ట్ ఆప్షన్ గా చెప్పుకోవచ్చు. ఈ కారు కిలో CNGకి 33.85 కి.మీ మైలేజీని ఇస్తుంది. LXI S-CNG వేరియంట్ రూ. 4.82 లక్షలకు, VXI S-CNG వేరియంట్ రూ.5.32 లక్షలకు అందుబాటులో ఉంది.

⦿ మారుతి సుజుకి డిజైర్

సెడాన్ విభాగంలో మారుతి సుజుకి డిజైర్ అత్యధికంగా అమ్ముడవుతోంది. ఇది CNG ఎంపికతో కూడా లభిస్తుంది. ఈ కారు కిలో CNGకి 33 కి.మీ మైలేజీని అందిస్తుంది. VXI CNG మోడల్ ధర రూ. 8.03 లక్షలు కాగా, ZXI CNG వేరియంట్ ధర రూ. 9.04 లక్షల వరకు ఉంది.

⦿ మారుతి సుజుకి స్విఫ్ట్

ప్రీమియం హ్యాచ్‌ బ్యాక్ విభాగంలో మారుతి సుజుకి స్విఫ్ట్ తన ఆధిపత్యాన్ని కొనసాగిస్తోంది. దీని CNG వెర్షన్ కిలో CNGకి 32 కి.మీ మైలేజీని ఇస్తుంది. VXI CNG మోడల్ ధర రూ. 7.45 లక్షల నుంచి ప్రారంభమై, టాప్ ఎండ్ ZXI CNG మోడల్ ధర రూ.8.39 లక్షల వరకు ఉంటుంది.