Trending Cars in India May 2026: భారత కార్ల మార్కెట్ లో ఈ మధ్య కొత్త మోడళ్లపై భారీ ఆసక్తి కనిపిస్తోంది. ముఖ్యంగా ఫేస్ లిఫ్ట్ వెర్షన్లు, ఎలక్ట్రిక్ కార్లు, ప్రీమియం ఎస్యూవీలు కొనుగోలుదారుల దృష్టిని ఆకర్షిస్తున్నాయి. ఆటో కంపెనీలు కూడా వినియోగదారుల అభిరుచులకు తగ్గట్టుగా కొత్త టెక్నాలజీ, ఆధునిక డిజైన్, మెరుగైన ఫీచర్లతో కార్లను మార్కెట్లోకి తీసుకొస్తున్నాయి. ప్రస్తుతం విడుదలకు సిద్ధంగా ఉన్న, ఇప్పటికే ట్రెండింగ్ లో ఉన్న కార్ల గురించి ఇప్పుడు తెలుసుకుందాం..
కారు లవర్స్ ఎంతగానో ఎదురుచూస్తున్న మోడళ్లలో మారుతి సుజుకి బ్రెజ్జా 2026 ఒకటి. దేశంలో అత్యంత ప్రజాదరణ పొందిన కాంపాక్ట్ ఎస్యూవీలలో బ్రెజ్జా ముందుంటుంది. కొత్త వెర్షన్ లో స్టైలిష్ డిజైన్, అప్ డే టెడ్ ఇంటీరియర్, కొత్త టెక్నాలజీ ఫీచర్లు వచ్చే అవకాశం ఉంది. దీని ప్రారంభ ధర సుమారు రూ.8.50 లక్షలుగా ఉండొచ్చని తెలుస్తోంది.
ఈ కారు కూడా మార్కెట్లో మంచి ఆసక్తి రేకెత్తిస్తోంది. సెడాన్ కార్లలో హోండా సిటీకి మంచి పేరు ఉంది. ఈ కొత్త ఫేస్ లిఫ్ట్ లో చిన్న డిజైన్ మార్పులు, కొత్త ఫీచర్లు, మెరుగైన ఇన్ఫోటైన్మెంట్ సిస్టమ్ ఉండొచ్చని భావిస్తున్నారు. దీని ధర సుమారు రూ.12.50 లక్షల నుంచి ప్రారంభమయ్యే అవకాశం ఉంది.
ఈవీ విభాగంలో టయోటా అర్బన్ క్రూయిజర్ ఎబెల్లా పేరు ఎక్కువగా వినిపిస్తోంది. టయోటా నుంచి రానున్న ఈ ఎలక్ట్రిక్ ఎస్యూవీపై వినియోగదారుల్లో భారీ అంచనాలు ఉన్నాయి. పొల్యూష్ ఫ్రీ డ్రైవింగ్ తో పాటు టయోటా బ్రాండ్ నమ్మకాన్ని అందించనున్న ఈ కారు ధర రూ.18 లక్షల నుంచి రూ.21 లక్షల మధ్య ఉండొచ్చని సమాచారం.
ప్రీమియం సెగ్మెంట్ లో ఎంజీ మ్యాజెస్టర్ కూడా హాట్ టాపిక్గా మారింది. లగ్జరీ ఫీచర్లు, పవర్ఫుల్ పనితీరు, పెద్ద ఎస్యూవీ డిజైన్ తో ఈ మోడల్ మార్కెట్లోకి రానుంది. దీని ధర సుమారు రూ.39.50 లక్షల నుంచి రూ.43.25 లక్షల మధ్య ఉండొచ్చని అంచనా.
లగ్జరీ కార్ల అభిమానులు ఆసక్తిగా చూస్తున్న మరో మోడల్ BMW M440i. ఇది హై పర్ఫార్మెన్స్ కన్వర్టిబుల్ కారు. 3.0 లీటర్ టర్బో పెట్రోల్ ఇంజిన్, ఎలక్ట్రిక్ సాఫ్ట్ టాప్ వంటి ప్రత్యేక ఫీచర్లతో ఈ కారు రానుంది. దీని ధర సుమారు రూ.1.10 కోట్ల వరకు ఉండొచ్చని సమాచారం.
ఇక ప్రస్తుతం మార్కెట్లో అత్యధికంగా ట్రెండింగ్లో ఉన్న కార్లలో వోక్స్ వ్యాగన్ టైగన్ ఒకటి. మంచి డిజైన్, సేఫ్టీ ఫీచర్లు, డ్రైవింగ్ అనుభవంతో ఇది వినియోగదారులను ఆకట్టుకుంటోంది. దీని ప్రారంభ ధర రూ.11 లక్షలుగా ఉంది.
టాటా నెక్సాన్ కూడా తన క్రేజ్ను కొనసాగిస్తోంది. కాంపాక్ట్ ఎస్యూవీ విభాగంలో నెక్సాన్ కు మంచి డిమాండ్ ఉంది. పెట్రోల్, డీజిల్, ఈవీ వెర్షన్లలో అందుబాటులో ఉంది. దీని ధర రూ.7.37 లక్షల నుంచి ప్రారంభమవుతుంది.
పెద్ద ఎస్యూవీ కోరుకునే వారికి మహీంద్రా XUV 7XO మంచి ఎంపికగా మారింది. విశాలమైన కేబిన్, పవర్ ఫుల్ ఇంజిన్, ఆధునిక ఫీచర్లతో ఈ మోడల్ మంచి ఆదరణ పొందుతోంది. దీని ధర రూ.13.66 లక్షల నుంచి రూ.24.92 లక్షల వరకు ఉంటుంది
హైబ్రిడ్ కార్లలో ఈ కారు మంచి గుర్తింపు తెచ్చుకుంది. మెరుగైన మైలేజ్, హైబ్రిడ్ టెక్నాలజీ కారణంగా ఇది ప్రస్తుతం ఎక్కువగా అమ్ముడవుతున్న మోడళ్లలో ఒకటిగా నిలుస్తోంది.
Read Also: 6.6 సెకన్లలో 100 కిమీ స్పీడ్.. స్పోర్టీ లుక్ లో మినీ కూపర్ కొత్త ఎడిషన్ అదిరింది!
Share
సమాజ సేవలో యువ నటుడు సంజోష్.. స్కాలర్షిప్స్ పంపిణీ!
Aditirao Hydari : గార్జీయస్ లుక్ లో అదితిరావు.. క్యూట్ గా ఉంది కదూ..!
