విన్‌ ఫాస్ట్ భారత మార్కెట్లో ఎలక్ట్రిక్ కార్లను మరింత విస్తరించేందుకు రెడీ అవుతోంది. ఇటీవల మూడు వరుసల సీట్లతో కూడిన VF MPV 7 ఎలక్ట్రిక్ ఫ్యామిలీ వాహనాన్ని పరిచయం చేసిన ఈ కంపెనీ, ఇప్పుడు చిన్న ఎలక్ట్రిక్ కార్ల సెగ్మెంట్‌ పై దృష్టి పెట్టింది. ముఖ్యంగా VF 3 హ్యాచ్‌ బ్యాక్, VF 5 ఎలక్ట్రిక్ SUVలను భారత్ లోకి తీసుకురావాలని భావిస్తోంది.
VF 5 సబ్‌ కాంపాక్ట్ SUV భారత మార్కెట్లో టాటా పంచ్ EVకు గట్టి పోటీ ఇవ్వొచ్చని భావిస్తున్నారు. అదే సమయంలో VF 3 హ్యాచ్‌ బ్యాక్, MG కామెట్ EV, టాటా టియాగో EV, సిట్రోయెన్ eC3 లాంటి చిన్న ఎలక్ట్రిక్ కార్లతో పోటీ పడే అవకాశం ఉంది.
ప్రస్తుతం విదేశీ మార్కెట్లలో విక్రయిస్తున్న విన్‌ ఫాస్ట్ VF5 రెండు బ్యాటరీ ఆప్షన్లతో అందుబాటులో ఉంది. మొదటి వేరియంట్ లో 29.6kWh బ్యాటరీ ప్యాక్ ఉంటుంది. ఇది ఫ్రంట్ వీల్స్ కు పవర్ అందించే ఎలక్ట్రిక్ మోటార్ తో పని చేస్తుంది. ఈ మోటార్ 95bhp పవర్, 135Nm టార్క్‌ ను ఉత్పత్తి చేస్తుంది. ఒక్కసారి పూర్తి ఛార్జ్ చేస్తే సుమారు 268 కిలోమీటర్ల వరకు రేంజ్ ఇస్తుంది. హైయర్ వేరియంట్ లో పెద్ద 37.23kWh బ్యాటరీ ప్యాక్ ఉంటుంది. ఇందులో మరింత శక్తివంతమైన మోటార్ ను ఉపయోగించారు. ఇది 136bhp పవర్ ను ఉత్పత్తి చేస్తుంది. ఈ వేరియంట్ పూర్తి ఛార్జ్ పై సుమారు 326 కిలోమీటర్ల వరకు ప్రయాణించే అవకాశం ఉంటుంది.
కొలతల పరంగా చూస్తే, VF 5 ఒక కాంపాక్ట్ SUV అయినప్పటికీ, టాటా పంచ్ EV కంటే కొంచెం పొడవుగా ఉంటుంది. దీని పొడవు దాదాపు 3,967mm కాగా, వీల్ బేస్ కూడా ఎక్కువగా ఉంటుంది. దీని వల్ల లోపల కూర్చునే వారికి కొంత ఎక్కువ స్థలం లభించే అవకాశం ఉంది. ఈ SUVలో 169mm గ్రౌండ్ క్లియరెన్స్ అందిస్తున్నారు. భారతీయ రోడ్ల పరిస్థితులను అనుకూలంగా ఉంటుంది. 260 లీటర్ల బూట్ స్పేస్ కూడా అందుబాటులో ఉంటుంది. వెనుక సీట్లను మడిచితే ఈ స్థలాన్ని 900 లీటర్ల వరకు పెంచుకోవచ్చు. కుటుంబ అవసరాలకు ఉపయోగకరంగా ఉంటుంది.
డిజైన్ విషయానికి వస్తే, VF 5లో సింపుల్, మోడ్రన్ లుక్ ఉంటుంది. క్యాబిన్ మొత్తం బ్లాక్ థీమ్‌ లో ఉంటుంది. డాష్‌ బోర్డ్, స్టీరింగ్ వీల్, AC వెంట్లపై సిల్వర్ ఫినిషింగ్ హైలైట్స్‌ ఉన్నాయి.
ఫీచర్ల పరంగా కూడా ఈ SUV బాగానే కనిపిస్తోంది. ఇందులో 8 అంగుళాల టచ్‌ స్క్రీన్ ఇన్ఫోటైన్‌ మెంట్ సిస్టమ్, 7 అంగుళాల డిజిటల్ డ్రైవర్ డిస్‌ ప్లే, స్మార్ట్‌ ఫోన్ కనెక్టివిటీ, కీలెస్ ఎంట్రీ, ఆటో హెడ్‌ ల్యాంప్స్ లాంటి ఫీచర్లు ఉన్నాయి. అలాగే లెదరెట్ సీట్లు, 4 స్పీకర్ ఆడియో సిస్టమ్, PM2.5 ఎయిర్ ఫిల్టర్ లాంటి ఫీచర్లు కూడా ఉన్నాయి.
Read Also: అల్ట్రావైలెట్ టెసరాక్ట్ కొనాలనుకుంటున్నారా? ముందు ఈ 5 విషయాలు తెలుసుకోండి!
Share
శాంసంగ్ మోస్ట్ పవర్ఫుల్ ఫోన్ తక్కువలో కావాలా? అయితే అమెజాన్లో ఈ ఆఫర్ చూస్తే ఎగిరి గంతేస్తారు!
తెలంగాణలో ఇళ్లకు కరెంట్ మీటర్ల గండం: జగదీష్ రెడ్డి!
