ఢిల్లీతో సంబంధాలు మొన్నటిదాకా బాగానే ఉన్నాయి. కానీ చంద్రబాబు ఈ ఇద్దరి రహస్య స్నేహితుల మధ్య చిచ్చు పెట్టాడు. జగన్‌పై ఉన్న అవినీతి కేసులను తిరగడడమే కాదు.. ఈడీని ఉసిగొల్పలాని కేంద్రానికి సూచించడంతో కథ మళ్లీ మొదటికొచ్చింది. ఈడీ ఎంట్రీ ఇచ్చింది. జగన్ వెంట పడింది. ఇక జగన్ మాత్రం ఎందుకు సైలెంట్‌గా ఉంటాడు. తనూ మౌనాన్ని వీడాడు.
ఇప్పటికే కాక్రోచులకు మద్దతు తెలుపుతూ వస్తున్నాడు. ఇప్పుడు ఏకంగా కేంద్ర ఎన్నికల ప్రధాన కమిషనర్‌.. సీఈసీ నియామకంలో కేంద్ర నిర్ణయాన్ని తాము కూడా సమర్థించడం బ్లండర్‌ మిస్టేక్‌ అని ఒప్పుకున్నాడు. గుడ్డిగా మోడీని అనుసరించినందుకు పశ్చాత్తాపం ప్రకటించాడు. ఎన్నికల వ్యవస్థ మీదే నమ్మకం లేకుండా పోయిందని కడుపులో ఉన్నదంతా కక్కేశాడు.
ఇప్పటిదాకా రహస్యంగా ఎన్డీయేకు సహకరిస్తూ వచ్చిన జగన్.. చంద్రబాబు మధ్యలో దూరి మోడీని రెచ్చగొట్టడం.. ఆయన కూడా రెచ్చిపోవడంతో తనూ రెచ్చిపోయి.. ఇలా ప్రధాన లోపమైన ప్రధాన ఎన్నికల కమిషనర్‌ నియామకంపైనే ఎదురుదాడికి దిగాడు. ప్రతిపక్ష నేత, సీజేఐల ప్రమేయంతోనే సీఈసీని నియమించడం కరెక్టని, ఇలా అధికార పార్టీకే పూర్తి పగ్గాలివ్వడం మూలంగా.. ఇలాంటి చర్యలు జరుగుతున్నాయని పరోక్షంగా ఎస్ఐఆర్‌ విధానం పూర్తిగా తప్పు అని అర్థం వచ్చేలా కామెంట్‌ చేశాడు.
ఓట్‌ చోరీ నిజమేననే విధంగానే జగన్ ఎదురుదాడికి దిగడం ఏపీ రాజకీయాల్లో కలకలం రేపుతోంది. ఓ వైపు మున్సిపల్ ఎన్నికల వాడీ వేడీ వాతావరణానికి జగన్ ఈ కామెంట్లతో మరింత ఆజ్యం పోశాడు. ఆ గట్టునుంటావా? ఈ గట్టుకొస్తావా? అనే తర్జన భర్జన నుంచి బయటపడినట్టే బయటపడినా.. ఇంకా పూర్తిగా బయటపడలేదు. ఇండీ కూటమికి దగ్గరా కాలేదు. అందుకే అటూ ఇటూ కాకుండా మధ్యలో చౌరస్తాలో నిలబడి ఉన్నట్టే ఉంది జగన్ పొలిటికల్ స్టాండ్‌.
ఈ మధ్య సీపీఐ నేతలు కలిసి ఈ ప్రస్తావన తెచ్చినా.. తన నిర్ణయాన్ని క్లారిటీగా వెలువర్చలేకపోయాడు జగన్. షర్మిలా కాంగ్రెస్‌ పార్టీ అధ్యక్షురాలిగా ఉండటం, సాధారణ ఎన్నికలకు ఇంకా చాలా సమయం ఉండటంతో ఆ నిర్ణయాన్ని పెండింగ్‌లో పెట్టాడు. కానీ మారుతున్న రాజకీయ వాతావరణాన్ని బట్టి ఎన్నికలకు ఆరు నెలల ముందు కచ్చితంగా ఏదో ఒక స్టాండ్‌ తీసుకోవాల్సే ఉంటుంది.
ఎన్డీయేతో ఇప్పుడు గ్యాప్‌ పెరిగిన నేపథ్యంలో… ఇండీ కూటమికి అప్పటి వరకు అనుకూల గాలులు వీచినట్టుగా కనిపిస్తే .. లోకల్‌ రాజకీయాలు పక్కన బెట్టి.. జాతీయ రాజకీయాల్లో తను కూడా కీలకంగా ఉండేందుకు ఇండీ కూటమికి జై కొట్టే పరిస్థితులు వచ్చినా రావొచ్చంటున్నారు.
కానీ, ఇప్పటికైతే మోడీతో దూరం కంటిన్యూ కావడం ఖాయంగా కనిపిస్తుంది. ఇండీ కూటమితో చెట్టాపట్టాలేసుకు తిరగడం కూడా ఉండకపోవచ్చు అనే అభిప్రాయాలు వ్యక్తమవుతున్నాయి.
Share
నవరాత్రుల వేళ హెబ్బా పటేల్ స్పెషల్ ట్రీట్..ఫ్యాన్స్‌కు కనువిందే!
మీ వీధిలో ప్రమాదకరంగా కరెంట్ తీగలు ఉన్నాయా.. అయితే మీకో గుడ్ న్యూస్!
