KCR Role Revealed In Phone Tapping Case(Breaking news in telangana): ఇప్పటి వరకు అంతో ఇంతో డౌట్ ఉండేది.. కథ మొత్తం నడిపించింది ఆయనే అని ఆరోపణలు ఉండేవి. కానీ ఇప్పుడు ట్యాపింగ్ కథ నడిపింది ఎవరో తేలిపోయింది. రాధాకిషన్ రావు కుండబద్ధలు కొట్టేశారు. బీఆర్ఎస్ సుప్రీమో చెప్పారు. తాము అదే చేశామని చెప్పేశారు. మరి బీఆర్ఎస్ సుప్రీమో ఎవరో అందరికి తెలిసిందే. మరోవైపు ప్రభాకర్ రావు ఫ్లైట్ హైదరాబాద్‌లో ల్యాండ్ కానుంది. ఆయన దిగాక బయటపడే అంశాలే ఈ కేసుకు పొలిటికల్ ట్విస్ట్ ఇవ్వబోతున్నాయి. ఫోన్ ట్యాపింగ్ కేసు క్లైమాక్స్‌కు చేరిందా? పాత్రధారులంతా జైలుకు చేరారు. త్వరలో వారి పక్క బ్యారెక్‌లో సూత్రధారులు కూడా ఉండబోతున్నారా? బల్లగుద్దీ మరీ చెప్పలేం కానీ.. సిట్యూవేషన్స్‌ అయితే అలానే ఉన్నాయి.
ఎందుకింత కాన్ఫిడెంట్‌గా చెప్పాల్సి వస్తుందంటే.. రాధాకిషన్ రిమాండ్‌ రిపోర్ట్‌లో సంచలన విషయాలు ఇప్పుడు బయటపడ్డాయి. బీఆర్ఎస్ అధినేత నుంచి వచ్చిన ఆదేశాలతోనే ప్రతిపక్ష నేతలపై నిఘా పెట్టాం.. ఎన్నికల సమయంలో పోలీస్ వాహనాల్లోనే డబ్బు తరలించాం. 2023, 2018 అసెంబ్లీ ఎన్నికల సమయంలోనూ.. టాస్క్‌ఫోర్స్ వాహనాల్లోనే డబ్బు తరలించాము దుబ్బాక, మునుగోడు ఉప ఎన్నికల్లోనూ.. పోలీసుల ద్వారానే డబ్బు తరలించాం. హుజూర్‌నగర్, దుబ్బాక, మునుగోడు ఉప ఎన్నికల టైంలో.. ఇతర పార్టీల నేతలపై దృష్టిపెట్టాం. ప్రణీత్‌రావు, భుజంగరావు, వేణుగోపాల్ రావు ఎప్పుడూ.. బీఆర్ఎస్ బలోపేతం గురించే చర్చించేవారు. ఇవీ మచ్చుకు కొన్ని మాత్రమే.. రాధాకిషన్ రావు ఇన్నాళ్లు చేసిన ఘోరాలను పూసగుచ్చినట్టు చెప్పేశారు. మరి బీఆర్ఎస్ సుప్రీమ్ ఎవరు.
రాష్ట్రంలో చిన్న పిల్లాడిని అడిగినా చెబుతారు.. కల్వకుంట్ల చంద్రశేఖర్‌ రావు అని.. రాధాకిషన్ రావు చెప్పిన ఈ విషయాలన్ని ఇప్పుడు ప్రభాకర్ రావు కన్ఫామ్ చేయడం ఒక్కటే బాకీ ఉంది. ఇప్పుడు ప్రభాకర్ రావు నోరు తెరిస్తే.. ఈ కేసులో అప్రూవర్‌గా మారితే.. సిట్యూవేషన్ ఏంటి? ప్రణీత్‌రావు, రాధాకిషన్ రావు, భుజంగరావు, తిరుపతన్న.. వీరంతా ఫోన్ ట్యాపింగ్ వ్యవహారంలో అరెస్టైన నిందితులు.. వీరందరి నోటి నుంచి వచ్చిన మాట ఒకటే.. పై నుంచి ఆదేశాలు వచ్చాయి. మేం పాటించాం. ఇదే చెబుతూ వస్తున్నారు.. మరి వీళ్లందరికి ఆదేశాలు ఇచ్చిన ఆ పెద్ద ప్రభాకర్ రావు.. అలాంటి ప్రభాకర్ వచ్చి విచారణకు సహకరిస్తే.. కథ మొత్తం మారిపోనుంది మరి ఆయన కావాలనే చేశారా? ఎవరైనా చెబితే చేశారా? ఆయనకు ఆదేశాలు ఇచ్చిన అప్పటి పెద్దలు ఎవరు? అన్నది తేలిపోనుంది. అయితే ప్రభాకర్‌రావు.. మీరు ఇప్పుడు నాయకులు చెప్పినట్టు ఎలా చేస్తున్నారో.. మేం కూడా అప్పుడు అలాగే అధికారంలో ఉన్నవారు చెప్పినట్టు చేశామని.. ఓ పోలీస్ ఉన్నతాధికారితో చర్చించారని.. అయితే అదే విషయాన్ని అధికారిక పోలీసు మెయిల్‌కు పంపాలనగానే.. కాల్ కట్ చేసినట్టు ఇప్పటికే ప్రచారం జరిగింది.
అటు.. ప్రభాకర్ రావు అప్రూవర్‌గా మారనున్నారని తెలుస్తోంది. ఎందుకంటే ప్రభాకర్ రావుపై లుకౌట్ నోటీసు జారీ చేశారు.. అవసరమైతే ఇంటర్‌పోల్ సాయం తీసుకునేందుకు కూడా రెడీ అవుతున్నారు. ఎట్ ది సేమ్ టైమ్.. పరిస్థితి చేజారిపోతుంది.. ఇంకా ఆలస్యమైతే పీకల్లోతు కష్టాల్లో మునిగిపోతావని.. ప్రభాకర్‌రావు క్లోజ్‌ ఎయిడ్స్ కూడా అతడికి వార్నింగ్‌తో కూడిన సజెషన్స్ ఇచ్చారని టాక్.. అందుకే ఆయన తాను వచ్చేస్తున్నానని రాయబారం పంపారని ప్రచారం. అంతేకాదు ఈ కేసులో అప్రూవర్‌గా మారుతానని సన్నిహితులతో చెప్పినట్టు తెలుస్తోంది. ఇదే కనుక నిజమైతే ఫోన్ ట్యాపింగ్ కేసులో ఇదో బ్రేక్‌ త్రూ.. ఒక్కసారి కనుక అధికారుల ముందు నోరు విప్పితే.. కేసు మొత్తం టర్న్‌ కానుంది. ఎందుకంటే ప్రభాకర్ రావు ఫోన్ ట్యాపింగ్ చేసి సాధించింది ఏం లేదు.
ఎవరి కోసమో.. ఎవరో చెబితేనో ఆయన ట్యాప్ చేయాలి.. మరి అది కేసీఆరేనా? ఆయన చెబితేనే ఇదంతా జరిగిందా? ప్రభాకర్ రావుకు ఫోన్ నంబర్స్‌ ఇచ్చింది బీఆర్ఎస్ సుప్రిమోనేనా? అధికారుల నుంచి అందిన ఇన్ఫర్మేషన్‌ను ప్రభాకర్ రావు పంపింది కేసీఆర్ కేనా? అన్నది తేలిపోనుంది. ఇదే కాదు ఫోన్ ట్యాపింగ్ కేసులో మరో కోణం కూడా ఉంది.. వ్యాపారులు, ఇతర ప్రైవేట్ వ్యక్తుల నుంచి భారీగా వసూళ్లు జరిగాయి.. ఇది రాధాకిషన్ రావు స్టేట్‌మెంట్‌లోనే ఉంది.. పోలీస్ వెహికల్స్‌లోనే డబ్బులు ట్రావెల్ చేయడం.. చేరాల్సిన వారికి చేరవేయడం.. ఇదంతా ఇప్పుడు పోలీసులకు తెలిసిపోయింది.. అయితే చివరికి ఎవరికి చేరాయి? దీనిపై కూడా పోలీసులు కాన్సన్‌ట్రేట్ చేశారు.
అంతేకాదు.. అసలు ఎంత డబ్బు వసూలు చేశారు? ఆ డబ్బు ఎంత మందికి చేరింది? ఆ నేతలు ఎవరు? ఆ డబ్బును ఎంత మేర ఎన్నికల్లో ఉపయోగించారు? ఈ లెక్కలు కూడా బయటికి తీయనున్నారు పోలీసులు.. సో ప్రస్తుతమున్న రాధాకిిషన్ రావు స్టేట్‌మెంట్.. త్వరలో ప్రభాకర్ రావు ఇచ్చే స్టేట్‌మెంట్‌తో రాజకీయ పార్టీ పెద్దలు.. ఆ పార్టీ ప్రతినిధులు.. మరికొందరు పోలీసు అధికారులు అడ్డంగా బుక్కవ్వడం ఖాయంగా కనిపిస్తోంది. ఇప్పటికే కేసీఆర్ దాదాపుగా బుక్కయ్యినట్టు కనిపిస్తోంది. ప్రభాకర్ రావు కూడా కేసీఆర్ పేరును కన్ఫామ్ చేస్తే.. బీఆర్ఎస్ కథ కంచికి చేరడం ఖాయమనే చెప్పాలి.
Share
Family Star: కళ్యాణి వచ్చా వచ్చా.. మృణాల్ కు అది సెట్ అవ్వలేదు
Phone Tapping Case : ఫోన్ ట్యాపింగ్ కేసు.. నేడు ఇండియాకు ప్రభాకర్ రావు
