Uday Krishna Reddy: ఖాకీవనంలో కామతురాణం.. లైంగిక వేధింపుల కేసులో ట్రైనీ ఐపీఎస్ ఉదయ్ కృష్ణారెడ్డి భవితవ్యం ఎటువైపు టర్న్ కాబోతుంది. నిజంగానే తప్పు చేశారా? లేదంటే మరేదైనా కోణం వుందా? ఇది డే1 నుంచి జరుగుతున్న చర్చనే. అలాగే సూసైడ్ అటెంప్ట్ వ్యహారం కూడా చర్చగా రచ్చగా మారింది.
తాగిన మైకంలో ఏం రాశానో..
స్పహాలోకి వచ్చిన ఉదయ్ కృష్ణారెడ్డి తాను ఆత్మహత్యాయత్నం చేయలేదని, ఆవేదనతో మద్యం ఎక్కువగా తాగానంటూ క్లారిటీ ఇచ్చారు. మరి వైరలైన లెటర్ సంగతేంటి? తాగిన మైకంలో ఏం రాశానో తనకు తెలియదని డాక్టర్లు చెప్పారట. కట్ చేస్తే ఉదయ్ కృష్ణారెడ్డి హాస్పిటల్ నుంచి డిశ్చార్జయ్యారు. మరోవైపు తనపై వచ్చిన అభియోగాలు అవాస్తవమంటూ తెలంగాణ హైకోర్టులో క్వాష్ పిటిషన్ దాఖలు చేశారు. ఐతే ఉదయ్ కృష్ణారెడ్డి పిటిషన్పై విచారణను సోమవారానికి వాయిదా వేసింది హైకోర్టు. అప్పటి వరకు ఎలాంటి చర్యలు తీసుకోవద్దన్న ఆయన అభ్యర్థను కోర్టు తిరస్కరించింది. ఇక ఉదయ్ కృష్ణారెడ్డిపై ఫిర్యాదు చేసిన ట్రైనీ ఐపీఎస్ వాంగ్మూలాన్ని రికార్డు చేశారు పోలీసులు.
ఏది నిజం..? ఎవరు నిజం..?
లేడీ ట్రైనీ ఐపీఎస్ ఫిర్యాదుతో అత్తాపూర్ పీఎస్లో ఉదయ్ కృష్ణారెడ్డిపై కేసు ఫైలయింది. తనను లైంగికంగా వేధించడమే కాకుండా తన ఫ్యామిలీకి వీడియోలు పంపి ఉదయ్ కృష్ణారెడ్డి తమను తీవ్ర మానసిక క్షొభకు గురి చేశాడని వాపోయారామె. ఆమె వాంగ్మూలాన్ని రికార్డు చేశారు డీసీపీ లావణ్య . మరోవైపు తప్పుడు ఆరోపణలు.. తప్పుడు సెక్షన్లతో తనపై తప్పుడు కేసు పెట్టారంటున్నారు ఉదయ్ కృష్ణా రెడ్డి. ఏది నిజం? ఎవరు నిజం? వైడ్ యాంగిల్లో జరుగుతోన్న ఎంక్వయిరీలో పోలీస్ అకాడమీలో బ్లూ ట్రూత్ ఏంటో రేపో మాపో తెరపైకి రాకతప్పదు.
చట్టం తన పనితాను చేసుకెళ్తుంది. కానీ ప్రజల ధన ప్రాణ మానాలను రక్షిస్తామని ప్రమాణం చేసే పోలీస్ అకాడమీలో లైంగిక వేధింపులు తెరపైకి రావడం వివాదాస్పదంగా మారింది. ఈ కేసు ఎలాంటి టర్న్ తీసుకుంటుంది? ఇంకా ఎలాంటి సంచలనాలు బయటకు వస్తాయనే చర్చ జరుగుతోంది.
Share
అమ్మబాబోయ్... ప్రేమను నిరూపించుకోవడానికి సినిమాను మించిన స్టంట్
PCB మరో దిక్కుమాలిన కండీషన్.. 'పాడెల్' ఆడితేనే జట్టు ఛాన్స్
