Volkswagen Layoffs:జర్మనీ కార్ల తయారీ దిగ్గజం ఫోక్స్‌వ్యాగన్ భారీ సంఖ్యలో ఉద్యోగులను తగ్గించుకోనుంది. ఖర్చులను తగ్గించుకునే చర్యల్లో భాగంగా.. ఈ దశాబ్దం చివరినాటికి లక్ష ఉద్యోగాలకు కోత పెట్టనుంది. ఈ మేరకు యాజమాన్యం, కార్మిక సంఘాలు అంగీకారానికి వచ్చాయని కంపెనీ ప్రకటించింది.
మొదట 50 వేల మందిని తొలగించాలని భావించినా.. మరో 50 వేల మంది తగ్గింపు ప్రణాళికను కూడా ఆమోదించారు. ఫోక్స్‌వ్యాగన్ గ్రూప్‌లో ప్రస్తుతం ప్రపంచవ్యాప్తంగా 6 లక్షల 67 వేల మంది పనిచేస్తున్నారు. వీరిలో ఒక్క జర్మనీలోనే.. 43 శాతం మంది పనిచేస్తున్నారు. తాజా నిర్ణయంతో.. దాదాపు 15 శాతం మంది ఉద్యోగాలు కోల్పోనున్నారు.
ఎలక్ట్రిక్ వాహనాల తయారీకి అవుతున్న భారీ ఖర్చు, చైనా కంపెనీల నుంచి ఎదురవుతున్న తీవ్ర పోటీ, అంతర్జాతీయ టారిఫ్‌ల ఒత్తిళ్లను తట్టుకునేందుకే.. ఈ కఠిన నిర్ణయం తీసుకున్నట్లు కంపెనీ స్పష్టం చేసింది. ఉద్యోగాల కోతతో పాటు జర్మనీలోని నాలుగు ప్రధాన ప్లాంట్లను దశలవారీగా మూసివేయనున్నారు.
also read:సెప్టెంబర్ 7 నుంచి తెలంగాణ అసెంబ్లీ సమరం.. మాటల తూటాలకు రెడీ!
గతంలో దివాలా సమయంలో జనరల్ మోటార్స్ సంస్థ తీసుకున్న నిర్ణయాల రికార్డులను సైతం ఫోక్స్‌వ్యాగన్ లేఆఫ్‌లు అధిగమించాయి. తీవ్రమైన ఆర్థిక సవాళ్లను ఎదుర్కొనేందుకు కార్మిక సంఘాలతో రాజీకి వచ్చి మరీ.. ఈ భారీ కోతలకు సిద్ధమవ్వడం ఆటోమొబైల్ మార్కెట్‌లో ఎలాంటి పరిణామాలకు దారితీస్తుందనేది ఆసక్తిగా మారింది.
Share
సురేఖకు సవాళ్ల మీద సవాళ్లు.. ఎమ్మెల్యే పదవికి రాజీనామా చేస్తారా?
ప్యాంట్లు మార్చినంత ఈజీగా పాకిస్తాన్ కోచ్ లను మార్చుతున్నారు !
