Credit Card Bill: ఇప్పుడు స్వైప్ చేయండి, తర్వాత చెల్లించండి, రివార్డులు, తగ్గింపులు అంటూ క్రెడిట్ కార్డులపై ఆఫర్లు ఇచ్చి మరీ ఖర్చు చేయిస్తారు. తీరా బిల్లు కట్టేటప్పుడే అసలు సమస్య మొదలవుతుంది. అనుకున్న సమయానికి అకౌంట్ లో డబ్బులు లేకపోయినా.., బిల్లు అమౌంట్ కాస్త తగ్గినా భారీగా ఛార్జీలు పడతాయి. ఒక్కోసారి కార్డుదారులు చిన్న మొత్తాలను చెల్లించకుండా వదిలేస్తుంటారు. కనీసం 100 రూపాయల బిల్లు కట్టకపోయినా.. చైన్ ఎఫెక్ట్ తో మీ క్రెడిట్ కార్డు బెనిఫిట్స్ ను తుడిచిపెట్టేస్తుంది. అసలు బ్యాంకులు వడ్డీని ఎలా లెక్కిస్తాయి.
క్రెడిట్ కార్డులకు చాలా వరకు 50 రోజుల పాటు ఇంట్రెస్ట్ ఫ్రీ పీరియడ్ ఉంటుంది. పూర్తి బిల్లును ఇన్ టైమ్ లో చెల్లిస్తేనే ఇంట్రెస్ట్ ఫ్రీ పీరియడ్ అప్లై అవుతుంది. ఈ పీరియడ్ ను రెండు భాగాలుగా డివైడ్ చేస్తారు. మొదటి భాగం బిల్లింగ్ సైకిల్, మీరు ఏదైనా వస్తువు కొనుగోలు చేసినప్పటి నుంచి 30 రోజులు వరకు ఉంటుంది. రెండో భాగం గ్రేస్ పీరియడ్, ఇది సుమారు 20 రోజులు ఉంటుంది. బిల్లు జనరేట్ అయిన తర్వాత బకాయిలు చెల్లించడానికి 20 రోజుల టైం ఇస్తారు.
ఉదాహరణకు, మీ బిల్లింగ్ సైకిల్ జనవరి 1 నుంచి జనవరి 31 వరకు.. బిల్లు డ్యూ డేట్ ఫిబ్రవరి 19. అంటే జనవరి 1న ఏదైనా కొనుగోలు చేస్తే ఆ బిల్లు చెల్లించడానికి మీకు దాదాపుగా 50 రోజుల టైం ఉంటుంది. జనవరి 31న కొనుగోలు చేస్తే 20 రోజుల టైం మాత్రమే ఉంటుంది. ఇంట్రెస్ట్ ఫ్రీ పీరియడ్ పొందాలంటే డ్యూ డేట్ లోపు బిల్లు మొత్తం కట్టేయాలి. లేకపోతే వడ్డీ ఛార్జీలు విధిస్తారు.
క్రెడిట్ కార్డు బిల్లు పూర్తిగా చెల్లించకపోతే, దాని ఎఫెక్ట్ అనేక విధాలుగా ఉంటుంది. డ్యూ డేట్ నాటికి మీరు చెల్లించాల్సిన మొత్తం కంటే తక్కువ చెల్లిస్తే, ఇంట్రెస్ట్ ఫ్రీ పీరియడ్ ను క్యాన్సిల్ చేస్తారు. పెండింగ్ బ్యాలెన్స్ నెక్ట్స్ సైకిల్కు ట్రాన్స్ ఫర్ చేస్తారు. దీంతో పాటు వడ్డీ వేయడం స్టార్ట్ చేస్తారు. కానీ అది అక్కడితో ఆగదు. కొత్త కొనుగోళ్లకు ఇంట్రెస్ట్ ఫ్రీ పీరియడ్ బెనిఫిట్స్ ఉండవు. లావాదేవీ జరిగిన రోజు నుంచే వడ్డీ పడుతుంది. దీనికి తోడు, లేట్ ఫీజు కూడా యాడ్ అవుతుంది.
ఉదాహరణకు మీ క్రెడిట్ కార్డు మొత్తం బిల్లు 50,100 రూపాయలు. మీరు 50 వేల రూపాయలు చెల్లించి, 100 రూపాయలు పెండింగ్ లో పెట్టారు. ఇది చాలా చిన్న మొత్తమే కదా అనుకున్నారు. కానీ బ్యాంకు దృష్టిలో, ఆ బిల్లు క్లియర్ కానట్లే. చెల్లించని ఆ చిన్న మొత్తం.. మీ ఇంట్రెస్ట్ ఫ్రీ పీరియడ్ ను పూర్తిగా రద్దు చేస్తుంది. నెక్ట్స్ బిల్లింగ్ సైకిల్లో మరో 30,000 రూపాయలు ఖర్చు చేశారనుకుందాం. ఇంట్రెస్ట్ ఫ్రీ పీరియడ్ లేకపోవడంతో డే 1 నుంచి మొత్తం 30,100 రూపాయలపై వడ్డీ పడుతుంది. 3.75 శాతం నెలవారీ వడ్డీ రేటుతో, ఫైనాన్స్ ఛార్జీ సుమారుగా 1,129 రూపాయలు అవుతుంది. దీనికి జీఎస్టీని కూడా కలిపితే, మొత్తం ఖర్చు దాదాపు 1332 రూపాయలు అవుతుంది. కాబట్టి, క్రెడిట్ కార్డు నుంచి టోటల్ బెనిఫిట్స్ పొందాలనుకుంటే, ప్రతిసారీ పూర్తి బిల్లును చెల్లించాలి.
Also Read: క్రెడిట్ కార్డు ఖర్చులు కంట్రోల్ ఉంచే 6 టిప్స్
Share
రికార్డులు తిరగరాసిన బోటనీ బాలాజీ స్కూల్.. 276 ర్యాంకులతో అదరహో..!
అక్కినేని మల్టీస్టారర్.. సంక్రాంతికి ‘బంగార్రాజు’ మ్యాజిక్ రిపీట్ అవుతుందా?
