Spite Motivation Work| బెంగళూరుకు చెందిన ఓ స్టార్టప్ కంపెనీలో ఉద్యోగుల పని తీరు ఇప్పుడు ఆసక్తికర చర్చకు దారితీసింది.
సాధారణంగా ఉద్యోగులను ఎక్కువగా పనిచేయించేందుకు కంపెనీలు బోనస్లు, ఇన్సెంటివ్లు, ఈక్విటీలు అందిస్తుంటాయి. అయితే, ఓ కంపెనీలో మాత్రం లభించకపోయినా ఉద్యోగులు తీవ్రంగా శ్రమపడుతున్నారు. దీనంతటికి కారణం ప్రత్యర్థి కంపెనీ. ఓ మాజీ కస్టమర్ తమకు ప్రత్యర్థిగా మారడంతో ఉద్యోగుల్లో పోటీ భావన పెరిగిందని సంస్థ వ్యవస్థాపకుడు తెలిపారు. దీంతో కొందరు ఉద్యోగులు రాత్రిళ్లు, ఆదివారాల్లో కూడా స్వచ్ఛందంగా పనిచేస్తున్నారని ఆయన చెప్పారు.
ReferRush CEO ‘విక్రమ్ పై’ ఈ ఆసక్తికర విషయాన్ని సోషల్ మీడియా ప్లాట్ఫామ్ Xలో షేర్ చేశారు. తమ టీమ్తో ఓ మాజీ కస్టమర్ చాలా దారుణంగా వ్యవహరించాడని ఆయన తెలిపారు. ఆ తర్వాత అదే వ్యక్తి తమకు పోటీగా మరో ఉత్పత్తిని రూపొందించినట్లు ఆయన పేర్కొన్నారు. ఈ పరిణామం ఉద్యోగుల్లో తీవ్ర పోటీ భావనను కలిగించిందని విక్రమ్ తెలిపారు.
టీమ్ వేగంగా పనిచేయాలని గతంలో ఎన్నో ప్రయత్నాలు చేశానని విక్రమ్ తన పోస్ట్లో చెప్పారు. అందులో బోనస్లు, ఇన్సెంటివ్లు, డెడ్లైన్లు, ఈక్విటీ వంటి ప్రోత్సాహకాలు ఇస్తామని ప్రకటించానన్నారు. అయితే, ఇవేవీ ఉద్యోగుల్లో ఇప్పుడు కనిపిస్తున్నంత ఉత్సాహాన్ని తీసుకురాలేకపోదట. ప్రత్యర్థి రావడంతో మాత్రం ఉద్యోగులు తమ పనిని మరింత వేగంగా పూర్తి చేయడానికి ప్రయత్నిస్తున్నారని చెప్పారు.
విక్రమ్ తన పోస్టులో ఓ ఉద్యోగి మెసేజ్ స్క్రీన్షాట్ను కూడా షేర్ చేశారు. ఆ ఉద్యోగి మూడు వారాల పాటు ఆదివారాల్లో కూడా పనిచేస్తానని చెప్పినట్లు తెలుస్తోంది. అత్యవసర పరిస్థితి వస్తే మాత్రం ఆ పని నుంచి మినహాయింపు ఉంటుందని ఉద్యోగి పేర్కొన్నారు.
ఈ స్పందన చూసి కంపెనీ వ్యవస్థాపకుడు కూడా ఆశ్చర్యపోయారు. ‘కసి’ కూడా ఉద్యోగులకు బలమైన ప్రేరణగా మారవచ్చని ఆయన సరదాగా అన్నారు.
ఈ ఘటనపై సోషల్ మీడియాలో పలువురు తమ అభిప్రాయాలను పంచుకున్నారు. కొంతమంది ఉద్యోగులకు పోటీ భావన నిజంగానే బలమైన ప్రేరణ ఇస్తుందని చాలా మంది ఏకీభవించారు. మరికొందరు మాత్రం ఈ విధంగా ఎక్కువ గంటలు పనిచేయడం ఎంతకాలం కొనసాగుతుందని ప్రశ్నించారు.
Also Read: నేపాల్ వరదల గురించి ముందే చెప్పిన బాబా వంగా.. తరువాత జరుగబోయేది ఇదే
ఈ ఘటన ఉద్యోగుల ప్రేరణపై కొత్త ప్రశ్నలను లేవనెత్తుతోంది. డబ్బు, ప్రమోషన్లు మాత్రమే ఉద్యోగులను ప్రేరేపించే అంశాలు కావని ఈ ఘటన సూచిస్తోంది. గెలవాలనే పట్టుదల, పోటీ, సంస్థపై బాధ్యత, గుర్తింపు వంటి భావాలు కూడా ప్రభావం చూపుతాయి. అయితే, రాత్రిళ్లు, ఆదివారాల్లో నిరంతరం పనిచేయడం దీర్ఘకాలంలో అలసటకు దారితీస్తాయి. అందుకే పోటీ భావనను శాశ్వత ఉద్యోగ ప్రోత్సాహకంగా ఉపయోగించడం సాధ్యం కాకపోవచ్చు.
Also Read: ఈ వీకెండ్ అలవాట్లు ఉన్నవారిలో క్యాన్సర్ ముప్పు.. అతిగా ఎంజాయ్ చేస్తే యమ డేంజర్
Share
రణరంగంగా మారిన హైదరాబాద్ జేఎన్టీయూ, విద్యార్థుల మధ్య ఫైటింగ్, అర్ధరాత్రి ఏం జరిగింది?
అరె వా ఏమి సౌండ్! బడ్జెట్లో నంబర్ 1 పార్టీ స్పీకర్ ఇదే..
