TOYOTA Fortuner: జీరో డౌన్ పేమెంట్ తో టయోటా ఫార్చ్యూనర్ మీ సొంతం.. ఈఎంఐ, పూర్తి వివరాలు ఇలా

TOYOTA Fortuner: ఇటీవల కాలంలో చాలా మంది పెద్ద కార్లకు ప్రాధాన్యత ఇస్తున్నారు. ముఖ్యంగా టయోటా ఫార్చ్యూనర్‌ వంటి కార్లను ఎంపిక చేసుకుంటున్నారు. ఫార్చ్యూనర్ కారును జీరో డౌన్ పేమెంట్‌తో సొంతం చేసుకోవచ్చు. అంటే దాదాపు రూ.40 లక్షల రుణంతో ఫార్చ్యూనర్ కారును కొనుగోలు చేసి 5, 7 లేదా 8 సంవత్సరాలు ఈఎంఐ వాయిదాలు చెల్లించవచ్చు. జీరో డౌన్ పేమెంట్‌తో టయోటా ఫార్చ్యూనర్ కారును కొనుగోలు చేస్తే వాయిదా ఎంత ఉంటుందో తెలుసుకుందాం.

రూ.40 లక్షల రుణం

టయోటా ఫార్చ్యూనర్ సాధారణంగా ఖరీదైన కారు. దీని ఆన్ రోడ్ ధర రూ.38 లక్షల నుండి రూ.50 లక్షల వరకు ఉంటుంది. నగరాలను బట్టి వీటి ధరలో కాస్త వ్యత్యాసం ఉంటుంది. మీరు కారును ఏ నగరంలో కొనుగోలు చేస్తారనే దానిపై కారు ధర ఆధారపడి ఉంటుంది. మీరు కారును జీరో డౌన్ పేమెంట్‌తో అంటే ఒక్క రూపాయి కూడా ముందుగా చెల్లించకుండా కొనుగోలు చేస్తే.. అందుకు మీరు 40 లక్షల రుణం తీసుకోవాల్సి ఉంటుంది. అలాంటప్పుడు మీరు ముందుగా వడ్డీ రేటును అర్థం చేసుకోవాలి.

Also Read: Tata Sierra 2025: సరికొత్తగా టాటా సియెర్రా.. జస్ట్ 11 లక్షల నుంచే అందుబాటులోకి!

ఈఎంఐ వాయిదాలు ఎంత?

ఈ వడ్డీ రేటు మీరు తీసుకున్న లోన్, తిరిగి చెల్లించే వ్యవధిపై ఆధారపడి ఉంటుంది. మీరు 5, 7 లేదా 8 సంవత్సరాలకు రుణం తీసుకోవచ్చు. 5 సంవత్సరాలకు లోన్ తీసకుంటే.. నెలవారీ ఈఎంఐ రూ.85,000 నుంచి రూ.90,000 వరకు ఉంటుంది. 7 సంవత్సరాలకు అయితే నెలకు రూ.65,000 నుండి రూ.70,000 వరకు ఈఎంఐ చెల్లించాల్సి ఉంటుంది. 8 సంవత్సరాలకు రుణం తీసుకుంటే మీరు రూ.55,000 నుండి రూ.60,000 వరకు వాయిదా కట్టాలి. ప్రాసెసింగ్ ఫీజులు, ఇన్సూరెన్స్, ఆర్టీవో ఛార్జీలు వీటిల్లో ఉంటాయి. మీరు కారు మొత్తం ధరను ఈఎంఐ వాయిదాల ద్వారా చెల్లిస్తారు.

Share

• 
• 
• 
• 
• 
•