Recharge plan: విఐ బిజినెస్ ప్లస్ పోస్ట్‌పెయిడ్ ప్లాన్ అసలు ధర 449 రూపాయలు. కానీ ఈ మెగా మాన్సూన్ ఆఫర్‌లో భాగంగా వినియోగదారులు కేవలం 349 రూపాయలకే ఈ ప్లాన్‌ను పొందవచ్చు. అంటే ప్రతి నెలా వంద రూపాయల వరకు సేవ్ చేసుకునే అవకాశం లభిస్తోంది. ఒక సంవత్సర కాలానికి లెక్కేస్తే దాదాపు 1200 రూపాయలు ఆదా అవుతుంది.
ఇదే కాకుండా, విఐ ప్రకటించిన వివరాల ప్రకారం, ఈ ఆఫర్ ద్వారా వినియోగదారులకు దాదాపు 12,000 రూపాయల విలువైన అదనపు ప్రయోజనాలు కూడా లభిస్తాయి. అంటే కేవలం ఫోన్ బిల్లు తగ్గింపే కాదు, వ్యాపార అవసరాలకు ఉపయోగపడే అదనపు విలువైన సర్వీసులు కూడా అందుబాటులో ఉంటాయి.
ముఖ్యంగా చెప్పుకోవలసింది అన్‌లిమిటెడ్ 5జి సదుపాయం. నేటి డిజిటల్ యుగంలో వేగవంతమైన కనెక్టివిటీ వ్యాపారాల విజయానికి కీలకం. డౌన్‌లోడ్, అప్‌లోడ్ స్పీడ్స్ బలంగా ఉండటంతో పాటు, వీడియో కాన్ఫరెన్సులు, ఆన్‌లైన్ మీటింగ్స్, డిజిటల్ ట్రాన్సాక్షన్స్ అన్నీ పనులు ఎలాంటి అంతరాయం లేకుండా సాగుతాయి. విఐ కంపెనీ కూడా తమ లక్ష్యం వేగవంతమైన నెట్‌వర్క్, తక్కువ ఖర్చు, ఎక్కువ ప్రయోజనాలు కల్పించడం ద్వారానే బిజినెస్ అభివృద్ధికి తోడ్పడటం అని స్పష్టంగా తెలిపింది.
Also Read: Tata Sumo 2025: లెజెండరీ టాటా సుమో రీఎంట్రీ.. 2025 మోడల్‌లో ఏం కొత్తగా వచ్చాయో తెలుసా?
కొత్త కస్టమర్లు మాత్రమే కాకుండా ఇప్పటికే విఐ బిజినెస్ సేవలను వినియోగిస్తున్న వారూ ఈ తగ్గింపు ధరను పొందవచ్చు అనేది ఈ ఆఫర్‌లోని మరో ప్రత్యేకత. సాధారణంగా కొత్త కస్టమర్లను ఆకర్షించడానికి మాత్రమే ఇలాంటి ఆఫర్లు వస్తాయి. కానీ ప్రస్తుత వినియోగదారులను కూడా సమానంగా చేర్చడం వల్ల ఈ ఆఫర్‌కి మంచి స్పందన వస్తోందని చెప్పవచ్చు.
ఈ ప్లాన్ వ్యాపార అవసరాలకు తగ్గట్టుగా ప్రత్యేకంగా డిజైన్ చేయబడింది. కేవలం ఫోన్ కాల్స్, డేటా మాత్రమే కాదు, బిజినెస్ వృద్ధికి అవసరమైన డిజిటల్ అనుభవం, నిరంతర కనెక్టివిటీ, అలాగే విలువను పెంచే అదనపు సర్వీసులు కూడా అందించబడతాయి. అంటే వ్యాపార వినియోగదారులు తక్కువ ఖర్చుతో ఎక్కువ ప్రయోజనాలు పొందే అవకాశం ఉంటుంది.
విఐ బిజినెస్ ప్రతినిధులు కూడా ఈ ఆఫర్ పరిమిత కాలం మాత్రమే అందుబాటులో ఉంటుందని స్పష్టం చేశారు. కాబట్టి ఎవరైనా వ్యాపార వినియోగదారులు ఈ అవకాశాన్ని వినియోగించుకోవాలంటే ఆలస్యం చేయకుండా వెంటనే ప్లాన్‌ను యాక్టివేట్ చేసుకోవాలని సూచించారు.
నెలకు 100 రూపాయల వరకు సేవ్ చేసుకోవడం, అపరిమిత 5జి పొందడం, అదనంగా 12,000 రూపాయల విలువైన ప్రయోజనాలు లభించడం. అన్నీ కలిపి చూస్తే ఈ ఆఫర్ నిజంగానే బిజినెస్ వినియోగదారులకు ఒక బంపర్ ఆఫర్‌గా చెప్పుకోవచ్చు. వ్యాపార వినియోగదారుల కోసం తెచ్చిన ఈ ప్రత్యేక పథకం ఎంతవరకు వారికి ఉపయోగ పదడుతుందో రాబోయే రోజుల్లో చూడాలి.
Share
Amaravati: రాజధాని అమరావతిలో.. మలేషియా బృందం పర్యటన
Flipkart Festive Dhamaka: మళ్లీ పండుగ సేల్ ప్రారంభించిన ఫ్లిప్‌కార్ట్.. 5 రోజులు మాత్రమే.. త్వరపడండి
