Tata Sumo 2025: భారత రోడ్లపై ఒకప్పుడు రాజుగా దూసుకెళ్లిన టాటా సుమో ఇప్పుడు మళ్లీ కొత్త రూపంలో రాబోతోంది. 90వ దశకంలో, ముఖ్యంగా 1994లో వచ్చిన టాటా సుమో, అప్పటి మధ్యతరగతి కుటుంబాలకు ఒక కలల వాహనం. పెద్ద సైజు, బలమైన బాడీ, ఎక్కువ మంది కూర్చోవడానికి సౌకర్యం, అలాగే తక్కువ ధర ఈ వాహనాన్ని దేశ వ్యాప్తంగా అత్యంత పాపులర్ SUVగా నిలిపాయి. కానీ కాలక్రమేణా కొత్త మోడల్స్, కొత్త టెక్నాలజీలు మార్కెట్లోకి రావడంతో సుమో ప్రాధాన్యం తగ్గిపోయింది. ఇప్పుడు టాటా మోటార్స్ మరోసారి ఈ లెజెండరీ వాహనాన్ని 2025 వెర్షన్‌లోకి తీసుకొచ్చే ప్రయత్నం చేస్తోంది.
SUV లుక్‌తో డిజైన్‌
కొత్త టాటా సుమోలో డిజైన్‌లో గణనీయమైన మార్పులు తీసుకొచ్చారు. బాక్సీ షేప్ కొనసాగుతున్నా, ముందు భాగంలో LED హెడ్‌లైట్స్, స్టైలిష్ గ్రిల్, ఆధునిక బంపర్లు, సైడ్ లుక్‌లో పెద్ద విండోలు, బలమైన వీల్ ఆర్చ్‌లు వాహనానికి మరింత ఆకర్షణను తెచ్చాయి. మొత్తంగా పాత సుమోకు గౌరవం ఇస్తూనే, ఆధునిక SUV లుక్ ఇచ్చే ప్రయత్నం కనిపిస్తోంది.
లీటర్‌కు 28 కి.మీ వరకు మైలేజ్
ఇంజిన్ విషయానికి వస్తే, కొత్త సుమోలో 2.0 లీటర్ డీజిల్ ఇంజిన్ ఉంటుందని బలమైన అంచనాలు వినిపిస్తున్నాయి. పనితీరు పరంగా బలంగా ఉండే ఈ ఇంజిన్, మైలేజ్ విషయంలో కూడా ఆశ్చర్యపరిచేలా ఉండొచ్చని మీడియా రిపోర్టులు చెబుతున్నాయి. కొన్ని వర్గాల ప్రకారం ఇది లీటర్‌కు 28 కి.మీ వరకు మైలేజ్ ఇస్తుందని సమాచారం. ఇది నిజమైతే, SUV సెగ్మెంట్‌లో టాటా సుమో మళ్లీ ఒక బెస్ట్ చాయిస్‌గా మారడం ఖాయం.
Also Read: Pregnancy tourism: ప్రెగ్నెన్సీ టూరిజం గురించి ఎప్పుడైనా విన్నారా! ఆ ప్రాంతం ఎక్కడ ఉందంటే?
సేఫ్టీ ఫీచర్లలో నో కాంప్రమైజ్
సేఫ్టీ ఫీచర్లలో కూడా టాటా మోటార్స్ ఎలాంటి కాంప్రమైజ్ చేయనట్లు తెలుస్తోంది. డ్యూయల్ ఎయిర్‌బ్యాగ్స్, ABS తో కలిపిన EBD, రియర్ పార్కింగ్ సెన్సార్లు, బలమైన బాడీ స్ట్రక్చర్ వంటి ఫీచర్లు వాహనాన్ని మరింత భద్రతతో ఉంచనున్నాయి. అలాగే, ఇన్ఫోటైన్మెంట్ సిస్టమ్, టచ్ స్క్రీన్ డిస్‌ప్లే, బ్లూటూత్ కనెక్టివిటీ, ఆధునిక డాష్‌బోర్డ్ లాంటి ఫీచర్లు కూడా ఇందులో ఉండే అవకాశం ఉంది.
EMI 13 వేల రూపాయల వరకు
ధర విషయంలో టాటా ఇంకా ఎలాంటి అధికారిక ప్రకటన చేయలేదు. అయితే మార్కెట్ అంచనాల ప్రకారం కొత్త సుమో ప్రారంభ ధర 4 లక్షల నుండి 7 లక్షల రూపాయల మధ్య ఉండొచ్చని ఊహిస్తున్నారు. కొన్ని రిపోర్టుల ప్రకారం, ఈ వాహనం కోసం డౌన్ పేమెంట్ సుమారు 2 లక్షల రూపాయల వద్ద ఉండొచ్చని, అలాగే EMIలు 13 వేల రూపాయల వరకు ప్రారంభమయ్యే అవకాశం ఉందని సమాచారం. కానీ ఇవన్నీ ఇంకా అధికారికంగా నిర్ధారణ కాలేదు. టాటా సుమో 2025 మళ్లీ ఒకసారి ప్రజల హృదయాలను గెలుచుకోవడానికి సిద్ధంగా ఉంది. పాత సుమోలో ఉన్న బలాన్ని, కొత్త సుమోలో ఆధునిక టెక్నాలజీని కలిపి టాటా మోటార్స్ మార్కెట్లో మళ్లీ హిట్ కొట్టేలా ఉంది. SUV మార్కెట్లో ఇప్పటికే పోటీ తీవ్రమైన సందర్భంలో, టాటా సుమో రీఎంట్రీ ఆటోమొబైల్ రంగంలో పెద్ద చర్చగా మారింది.
Share
Aishwarya -Abhishek: వారి పై రూ. 4 కోట్ల పరువు నష్టం దావా వేసిన ఐశ్వర్య దంపతులు..ఇదే కారణమా?
Free Fuel: భలే ఆఫర్.. బికినీలో వస్తే పెట్రోల్ ఉచితం, ఆ తర్వాత జరిగింది తెలిస్తే నవ్వు ఆగదు!
