Tips for healthy eating: ఈ 8 ఆహార నియమాలు పాటిస్తే.. డాక్టరుతో పనే ఉండదు!

Tips for healthy eating: నేటి ఉరుకుల పరుగుల జీవితంలో మనం ఆరోగ్యం పట్ల శ్రద్ధ చూపడం మర్చిపోతున్నాం. మారుతున్న లైఫ్ స్టైల్, జంక్ ఫుడ్ అలవాట్లు మన శరీరానికి మేలు చేయడం కంటే కీడే ఎక్కువ చేస్తున్నాయి. ఆరోగ్యంగా ఉండటం అంటే కేవలం వ్యాయామం చేయడం మాత్రమే కాదు, మనం తీసుకునే ఆహారమే మన ఆరోగ్యాన్ని నిర్ణయిస్తుంది. సమతుల్య ఆహారం తీసుకోవడం ద్వారా మనం దీర్ఘకాలిక వ్యాధుల నుంచి రక్షణ పొందవచ్చు. మీ డైలీ లైఫ్ స్టైల్ లో  చిన్న చిన్న మార్పులు చేసుకోవడం ద్వారా అద్భుతమైన ఆరోగ్యాన్ని ఎలా పొందాలో  ఇప్పుడు తెలుసుకుందాం.

8 ముఖ్యమైన చిట్కాలు:
మనం తీసుకునే ఆహారమే మన శరీరానికి ఇంధనం. సరైన ఇంధనం వేస్తేనే యంత్రం బాగా పనిచేస్తుంది. అలాగే.. పోషకాలతో కూడిన ఆహారం తీసుకుంటేనే మన శరీరం రోగ నిరోధక శక్తిని పెంపొందించుకుని ఉత్సాహంగా ఉంటుంది. ఆరోగ్యంగా ఉండటానికి పాటించాల్సిన 8 చిట్కాలు..

1. సమతుల్య ఆహారం:
మీ ప్లేటులో అన్ని రకాల పోషకాలు ఉండేలా చూసుకోండి. కార్బోహైడ్రేట్లు, ప్రోటీన్లు, ఆరోగ్యకరమైన కొవ్వులు, విటమిన్లు, ఖనిజాలు సరైన మోతాదులో ఉండాలి. కేవలం అన్నం మాత్రమే కాకుండా.. పప్పు దినుసులు, గుడ్లు లేదా మాంసం వంటి ప్రోటీన్ వనరులను కూడా చేర్చుకోవాలి.

2. పండ్లు, కూరగాయలు:
రోజుకు కనీసం రెండు రకాల పండ్లు, మూడు రకాల కూరగాయలు తీసుకోవడం ఉత్తమం. వీటిలో ఫైబర్ (పీచు పదార్థం) అధికంగా ఉంటుంది. ఇది జీర్ణక్రియకు తోడ్పడుతుంది. రంగు రంగుల కూరగాయలలో యాంటీ ఆక్సిడెంట్లు ఎక్కువగా ఉంటాయి. ఇవి శరీరంలోని కణాలను రక్షిస్తాయి.

3. నీరు అధికంగా తాగడం:
చాలా మంది ఆకలిని, దాహాన్ని ఒకేలా భావిస్తారు. దాహం వేసినప్పుడు కూడా ఏదో ఒకటి తినేస్తుంటారు. రోజుకు కనీసం 3-4 లీటర్ల నీరు తాగడం వల్ల శరీరం హైడ్రేటెడ్‌గా ఉంటుంది. ఇది చర్మ సౌందర్యానికి అంతే కాకుండా మెటబాలిజం పెరగడానికి సహాయ పడుతుంది.

4. ఉప్పు, చక్కెర వాడకం తగ్గించండి:
అధిక ఉప్పు రక్తపోటుకు (BP) కారణమవుతుంది. అలాగే.. చక్కెర అధికంగా తీసుకోవడం వల్ల మధుమేహం, ఊబకాయం వంటి సమస్యలు వస్తాయి. ప్రాసెస్ చేసిన ఆహారాలు, కూల్ డ్రింక్స్, స్వీట్లకు వీలైనంత దూరంగా ఉండటం మంచిది.

5. తృణధాన్యాలకు ప్రాధాన్యత:
వైట్ రైస్ లేదా మైదా పిండికి బదులుగా ముడి బియ్యం, జొన్నలు, సజ్జలు, రాగులు వంటి తృణధాన్యాలను మీ డైట్‌లో భాగం చేసుకోండి. ఇవి నెమ్మదిగా జీర్ణమవుతాయి, దీని వల్ల మీకు ఎక్కువ సమయం ఆకలి వేయదు. అంతే కాకుండా రక్తంలో చక్కెర స్థాయిలు స్థిరంగా ఉంటాయి.

6. ప్రోటీన్ల ఆవశ్యకత:
కండరాల నిర్మాణానికి , కణజాల మరమ్మతుకు ప్రోటీన్ చాలా ముఖ్యం. శాఖాహారులు పప్పులు, పనీర్, సోయా, గింజలను తీసుకోవచ్చు. చికెన్, చేపలు లేదా గుడ్లు తీసుకోవచ్చు. ముఖ్యంగా ఉదయం అల్పాహారంలో ప్రోటీన్ ఉండటం వల్ల రోజంతా ఉత్సాహంగా ఉంటారు.

7. మితంగా తినడం:
ఎంత తింటున్నామనేది మాత్రమే కాదు.. ఎలా తింటున్నామనేది కూడా ముఖ్యం. కడుపు నిండా తినేయకుండా, కొంచెం ఖాళీ ఉంచుకోవడం మంచిది. అలాగే ఆహారాన్ని బాగా నమిలి తినాలి. దీని వల్ల మెదడుకు ఆహారం సరిపోయిందనే సంకేతం అందుతుంది. తద్వారా అతిగా తినడం తగ్గుతుంది.

8. రాత్రి భోజనం త్వరగా ముగించడం:
పడుకోవడానికి కనీసం 2-3 గంటల ముందే భోజనం పూర్తి చేయాలి. రాత్రి పూట తేలికపాటి ఆహారం తీసుకోవడం వల్ల నిద్ర బాగా పడుతుంది. అంతే కాకుండా జీర్ణ సమస్యలు తలెత్తవు.

Join WhatsApp Channel

Share

• 
• 
• 
• 
• 
•