ఉదయం నిద్ర లేచిన తరువాత అందరూ ఫ్రెష్‌గా ఫీలవుతారు. ఆ సమయంలో ఏదైనా పనిచేస్తే ఏకాగ్రతతో చేయగలరు. కానీ చాలా మంది గంటల తరబడి నిద్రపోయినా బలహీనంగా, అలసటగానే ఫీలవుతారు. ఈ రోజువారీ అలసట మూడ్, ఎనర్జీ, మొత్తం ఆరోగ్యాన్ని దెబ్బతీస్తుంది. స్లీప్ డాక్టర్లు రాత్రి పడుకోవడానికి ముందు మీ అలవాట్లు నిద్ర నాణ్యతను ఎక్కువగా ప్రభావితం చేస్తాయని చెబుతున్నారు. రాత్రి సమయంలో మీ చెడు అలవాట్లు.. శరీరం సహజ నిద్ర చక్రాన్ని దెబ్బతీస్తాయి. మంచి నిద్ర అలవాట్లు శరీరాన్ని తాజాగా, చురుకుగా ఉంచుతాయి.
అమెరికాకు చెందిన ప్రముఖ నిద్ర నిపుణులు డాక్టర్ క్రిస్టోఫర్ అల్లెన్ ప్రకారం.. ప్రతి రోజు వేర్వేరు సమయాల్లో నిద్రపోతే శరీరంలో ఉండే అంతర్గత గడియారం (నిద్ర చక్రం) గందరగోళంలో పడుతుంది. దీంతో గాఢ నిద్ర లభించదు, శరీరం సరిగా రిపేర్ కాదు. అందుకే ప్రతిరోజూ ఒకే సమయంలో నిద్రపోవడం, నిద్రలేవడం అలవాటు చేసుకోవాలి. స్థిరమైన సమయం నిద్ర క్వాలిటీని మెరుగుపరుస్తుంది.
చాలా మంది నిద్రపోయే ముందు ఫోన్ చూస్తారు. ఫోన్ స్క్రీన్ వెలుగు మెలటోనిన్ హార్మోన్‌ను తగ్గిస్తుంది. ఈ హార్మోన్ మంచి నిద్రకు సహాయపడుతుంది. ఫోన్ వల్ల నిద్ర ఆలస్యమవుతుంది. డాక్టర్లు నిద్రకు ముందు కనీసం 30 నిమిషాల ముందు ఫోన్ పక్కన పెట్టాలని చెబుతారు. బదులుగా పుస్తకం చదవడం లేదా ప్రశాంతమైన సంగీతం వినడం మంచిది.
మానసిక ఒత్తిడి, ఆందోళన నిద్రపోకుండా చేస్తాయి. పడుకున్నా ఆలోచనలు తగ్గవు. డాక్టర్లు స్ట్రెస్‌ను ఉదయం అలసటకు ప్రధాన కారణంగా చెబుతున్నారు. యోగా ధ్యానం, లోతైన శ్వాస వ్యాయామాలు మనసును శాంతపరుస్తాయి.
రాత్రి ఎక్కువ ఆహారం తినడం వల్ల జీర్ణక్రియ కొనసాగుతుంది. మసాలా, నూనెలు ఎక్కువగా ఉంటే యాసిడిటీ వస్తుంది. డాక్టర్లు నిద్రకు కనీసం రెండు గంటల ముందు భోజనం పూర్తి చేయాలని సూచిస్తారు. తేలికపాటి ఆహారం మంచి నిద్రకు సహాయపడుతుంది.
శారీరక శ్రమ లేకపోతే శరీరం సహజంగా అలసట చెందదు. అందుకే ప్రతి రోజూ వాకింగ్ చేయడం లేదా వ్యాయామం చేయడం వల్ల రాత్రి మంచి నిద్ర వస్తుంది. అయితే నిద్రకు ముందు భారీ వ్యాయామాలు చేయకూడదు.
బెడ్‌రూంలో ఎక్కువగా శబ్దం, వెలుతురు ఉన్న గదిలో మంచి నిద్ర రాదు. గదిని చీకటిగా, చల్లగా, నిశ్శబ్దంగా ఉంచాలి. పడుకునే బెడ్, పరుపు, దిండు అన్నీ సౌకర్యంగా ఉండడం ముఖ్యం.
Also Read: ఇంట్లో వంటలు తిన్నా క్యాన్సర్ వచ్చే ప్రమాదం.. డాక్టర్లు ఏం చెబుతున్నారంటే
కాఫీ, టీ, ఎనర్జీ డ్రింక్స్‌లో ఉండే కెఫీన్ నిద్రను ఆలస్యం చేస్తుంది. నిద్రకు కొన్ని గంటల ముందు ఈ కెఫీన్ డ్రింక్స్ తాగడం మానుకోవాలి. వెచ్చని పాలు లేదా హెర్బల్ టీ మంచి ప్రత్యామ్నాయాలు.
ఉదయం అలసట, రాత్రి అలవాట్ల వల్లే వస్తుంది. స్థిరమైన నిద్ర సమయం, ఫోన్ తగ్గించడం, రిలాక్సేషన్, సరైన ఆహారం, వ్యాయామం, మంచి నిద్ర వాతావరణం ద్వారా ఆరోగ్యకరమైన నిద్ర సాధ్యమవుతుంది. చిన్న మార్పులు రోజంతా శక్తినిస్తాయి.
Share
Rakul Preet Singh: కొంటె చూపులతో కసిగా కవ్విస్తున్న రకుల్.. ఫోటోలు వైరల్!
నిద్రలేని రాత్రుల్లో నాకు తోడుగా నిలిచేది అదే.. అమితాబ్ బచ్చన్ ఎమోషనల్..
