ఈ రోజుల్లో కాలుష్యం, ఒత్తిడి వల్ల జుట్టు రాలడం, చర్మం పొడిబారిపోవడం వంటి సమస్యలు పెరిగిపోతున్నాయి. వీటికి పరిష్కారంగా మార్కెట్లో లభించే రసాయన ఉత్పత్తుల కంటే సహజసిద్ధమైన అవిసె గింజలు (Flaxseeds) అద్భుతంగా పనిచేస్తుంది. వీటిలో ఉండే ఒమేగా-3 ఫ్యాటీ యాసిడ్స్, విటమిన్ ఇ, మెగ్నీషియం జుట్టుకు కావాల్సిన పోషణను అందించి కుదుళ్లను బలోపేతం చేస్తాయి. అయితే వీటిని ఎలా పడితే అలా కాకుండా సరైన పద్ధతిలో వాడితేనే పూర్తి ప్రయోజనం లభిస్తుంది.
అవిసె గింజల జెల్ తయారీ
జుట్టు కోసం అవిసె గింజలను హెయిర్ జెల్ రూపంలో వాడితే మంచిది. దీని కోసం అర కప్పు అవిసె గింజలను రెండు కప్పుల నీటిలో వేసి మరిగించాలి. నీరు చిక్కబడి జెల్ లాగా మారడం ప్రారంభించినప్పుడు స్టవ్ ఆపివేయాలి. ఆ మిశ్రమం వేడిగా ఉన్నప్పుడే వడకట్టాలి. తర్వాత జెల్ గట్టిపడి గింజల నుండి వేరు చేయడం కష్టమవుతుంది. ఈ జెల్ను చల్లార్చిన తర్వాత ఒక గాజు సీసాలో భద్రపరుచుకోవచ్చు.
Also read: Mosquito bat: టీవీ దగ్గర దోమల బ్యాట్ వాడుతున్నారా? టీవీ పాడయ్యే ఛాన్స్ ఎక్కువ
ఉపయోగించే పద్ధతి
తయారు చేసుకున్న అవిసె గింజల జెల్ను కేవలం జుట్టు పైనే కాకుండా, స్కాల్ప్ (మాడు) నుండి చివర్ల వరకు అప్లై చేయాలి. జుట్టును చిన్న చిన్న భాగాలుగా విడదీసి, జెల్ను రాస్తూ మెల్లగా మసాజ్ చేయాలి. ఇలా చేయడం వల్ల రక్త ప్రసరణ పెరిగి జుట్టు పెరుగుదల వేగవంతం అవుతుంది. ఈ జెల్ను అప్లై చేసిన తర్వాత కనీసం 30 నుండి 45 నిమిషాల పాటు అలాగే ఉంచి, ఆపై సున్నితమైన షాంపూతో తలస్నానం చేయాలి. వారానికి రెండుసార్లు ఇలా చేయడం వల్ల జుట్టు మృదువుగా మారుతుంది.
అవిసె గింజలు జుట్టుకు సహజమైన కండిషనర్గా పనిచేస్తాయి. ఇవి జుట్టు చిట్లిపోకుండా చూస్తాయి. సహజమైన మెరుపును అందిస్తాయి. ముఖ్యంగా ‘కర్లీ హెయిర్’ ఉన్నవారికి ఇది అద్భుతంగా పనిచేస్తుంది. ఎందుకంటే ఇది జుట్టును చిక్కు పడకుండా ఉంచుతుంది. అయితే ఈ జెల్ను ఫ్రిజ్లో ఉంచితే కేవలం ఒకటి నుండి రెండు వారాలు మాత్రమే తాజాగా ఉంటుంది. రంగు లేదా వాసన మారినట్లయితే దాన్ని ఉపయోగించకపోవడమే మంచిది.
Also read: Milk: పాలు విపరీతంగా తాగితే ఆ వ్యాధి వచ్చే ముప్పు పెరిగిపోతుందట, జాగ్రత్త
కేవలం జుట్టుకు అప్లై చేయడమే కాకుండా అవిసె గింజలను రోజువారీ ఆహారంలో చేర్చుకోవడం వల్ల కూడా జుట్టు ఆరోగ్యం మెరుగుపడుతుంది. వేయించిన అవిసె గింజలను పొడి చేసి స్మూతీలు, సలాడ్లు లేదా పెరుగులో కలిపి తీసుకోవచ్చు. లోపల నుండి పోషణ అందినప్పుడు జుట్టు రాలడం గణనీయంగా తగ్గుతుంది. కాబట్టి, బాహ్య సంరక్షణతో పాటు సరైన పోషకాహారం తీసుకోవడం ద్వారా ఒత్తైన, నల్లని కురులను సొంతం చేసుకోవచ్చు.
Share
విజయ్ ఫ్యాన్స్ వార్నింగ్.. 'జన నాయగన్' పైరసీ చూశారో.. ఖబడ్దార్!
పెరగనున్న శాంసంగ్ గెలాక్సీ ఫోన్ల ధరలు.. ఏప్రిల్ 10 నుంచి మరింత భారం!
