కిడ్నీ స్టోన్స్‌తో ఇబ్బంది పడుతున్నారా? ఈ 5 డ్రింక్స్‌తో చెక్ పెట్టండి!

Kidney Stones Home Remedies: శరీరంలో నీటి శాతం తగ్గడం, కాల్షియం ఆక్సలేట్ వంటి ఖనిజాలు పేరుకుపోవడం వల్ల కిడ్నీలో రాళ్లు ఏర్పడుతుంటాయి. ఇవి కలిగించే నొప్పి వర్ణనాతీతం. అయితే.. ప్రారంభ దశలో ఉన్న రాళ్లను మనం తీసుకునే డ్రింక్స్ ద్వారా సహజంగానే కరిగించుకోవచ్చు. కేవలం మందుల మీదనే ఆధారపడకుండా.. కిడ్నీలను ఫ్లష్ చేసే కొన్ని సహజ సిద్ధమైన డ్రింక్స్ తీసుకోవడం వల్ల రాళ్లు యూరిన్ ద్వారా బయటకు వెళ్తాయి. ఆ అద్భుతమైన డ్రింక్స్ ఏంటో ఇప్పుడు తెలుసుకుందాం.

కిడ్నీలో రాళ్లు కరగడానికి బెస్ట్ డ్రింక్స్:

1. నిమ్మరసం :
నిమ్మకాయలో ఉండే ‘సిట్రేట్’ కాల్షియం రాళ్లు ఏర్పడకుండా నిరోధిస్తుంది. ఇది ఇప్పటికే ఉన్న చిన్న చిన్న రాళ్లను విచ్ఛిన్నం చేసి.. అవి పెద్దవి కాకుండా చూస్తుంది. ప్రతి రోజూ ఉదయాన్నే గ్లాసు గోరు వెచ్చని నీటిలో అర చెక్క నిమ్మరసం కలుపుకుని తాగడం వల్ల అద్భుత ఫలితం ఉంటుంది.

2. బార్లీ నీళ్లు:
బార్లీ నీళ్లు కిడ్నీ ఆరోగ్యానికి ప్రాచీన కాలం నుంచి వాడుతున్న చిట్కా. ఇది మూత్ర విసర్జనను పెంచుతుంది. దీని వల్ల కిడ్నీలోని వ్యర్థాలు , రాళ్లు త్వరగా బయటకు నెట్టబడతాయి. బార్లీ గింజలను నీటిలో బాగా మరిగించి.. ఆ నీటిని చల్లార్చుకుని తాగాలి.

3. తులసి రసం:
తులసిలో ఎసిటిక్ యాసిడ్ ఉంటుంది. ఇది కిడ్నీలో రాళ్లను కరిగించడమే కాకుండా నొప్పిని తగ్గించడానికి సహాయ పడుతుంది. రోజుకు ఒక టీస్పూన్ తులసి రసాన్ని తేనెతో కలిపి తీసుకోవడం వల్ల కిడ్నీ పనితీరు మెరుగు పడుతుంది.

4. కొబ్బరి నీళ్లు :
కొబ్బరి నీళ్లు శరీరానికి చలువ చేయడమే కాకుండా.. కిడ్నీలను శుభ్రపరచడంలో కీలక పాత్ర పోషిస్తాయి. ఇది యూరిన్‌లో ఉండే క్రిస్టల్స్ సంఖ్యను తగ్గించి, రాళ్లు ఏర్పడకుండా చూస్తుంది. ఇది సహజమైన ఎలక్ట్రోలైట్స్ అందించి శరీరాన్ని హైడ్రేటెడ్‌గా ఉంచుతుంది.

5. ఆపిల్ సైడర్ వెనిగర్ :
ఇందులో ఉండే సిట్రిక్ యాసిడ్ రాళ్లను కరిగించడంలో సహాయ పడుతుంది. అయితే.. దీనిని నేరుగా తీసుకోకూడదు. ఒక గ్లాసు నీటిలో రెండు టేబుల్ స్పూన్ల ఆపిల్ సైడర్ వెనిగర్ కలుపుకుని రోజులో ఒకసారి తాగాలి.

ఎప్పుడు డాక్టరును సంప్రదించాలి?
సహజ డ్రింక్స్ చిన్న రాళ్లకు (5mm లోపు) బాగా పనిచేస్తాయి. అయితే..

నొప్పి భరించలేనంతగా ఉన్నప్పుడు.

యూరిన్‌లో రక్తం పడుతున్నప్పుడు.

జ్వరం లేదా వాంతులు అవుతున్నప్పుడు.

వెంటనే యూరాలజిస్ట్‌ను సంప్రదించి స్కాన్ చేయించుకోవడం బెస్ట్.

కిడ్నీలో రాళ్లు రాకుండా ఉండాలంటే.. శరీరానికి తగినంత నీరు అందించడం ముఖ్యం. పైన చెప్పిన డ్రింక్స్ క్రమం తప్పకుండా తీసుకుంటూ.. ఉప్పు తగ్గించి, లైఫ్ స్టైల్ మార్పులు చేసుకుంటే ఆపరేషన్ అవసరం లేకుండానే కిడ్నీ సమస్యల నుంచి బయటపడవచ్చు.