గర్భివతి మహిళలు తినే ఆహారం.. తల్లి, బిడ్డ ఆరోగ్యానికి చాలా ముఖ్యం. సమతుల్యమైన, పోషకాలు నిండిన ఆహారం తీసుకుంటే గర్భంలో బిడ్డ సరైన విధంగా, ఆరోగ్యంగా పెరుగుతుంది. కావాల్సిన పోషకాలు లభిస్తే శరీరంలో ఎనర్జీ లెవెల్స్, రోగనిరోధక శక్తి పెరుగుతాయి.
తాజా పండ్లలో విటమిన్లు, యాంటీఆక్సిడెంట్లు ఉంటాయి. నారింజ, ఆపిల్, అరటి, స్ట్రాబెర్రీ, దానిమ్మ వంటి పండ్లు రోజూ తినాలి. వీటిలో ‘విటమిన్ సి’ చర్మాన్ని కాంతివంతంగా చేయడంతో పాటు రోగనిరోధక శక్తిని పెంచుతుంది. జీర్ణక్రియ మెరుగుపడి, శరీరం హైడ్రేటెడ్గా ఉంటుంది.
పాలకూర, బ్రోకలీ, మెంతికూర వంటి ఆకు కూరలు ఐరన్, కాల్షియం, ఫోలిక్ యాసిడ్ అందిస్తాయి. ఫోలిక్ యాసిడ్ బిడ్డ మెదడు, వెన్నుపాము సరైన విధంగా అభివృద్ధి చెందడానికి సహాయపడుతుంది. రక్తహీనత తగ్గుతుంది.
పాలు, పెరుగు, పన్నీర్ కాల్షియం,, ప్రోటీన్ అందిస్తాయి. ఇవి బిడ్డ ఎముకలు, దంతాలు బలంగా పెరగడానికి సహాయపడతాయి. తల్లి ఎముకల ఆరోగ్యానికి కూడా మంచివి. లో ఫ్యాట్ డైరీ ఉత్పత్తులు ఎంచుకోవడం మంచిది.
బాదం, వాల్నట్, ఖర్జూరం, ఎండు ద్రాక్ష వంటివి ఆరోగ్యకరమైన కొవ్వులు, ప్రోటీన్ అందిస్తాయి. ఇవి శక్తిని పెంచడానికి, బిడ్డ మెదడు అభివృద్ధికి సహాయపడతాయి. మధ్యాహ్నం ఆకలి అయినప్పుడు తినడానికి మంచి స్నాక్స్ గా తినొచ్చు.
గుడ్డు, పప్పులు, బీన్స్, చేపలు, చికెన్, సోయా వంటి ఆహారాలు ప్రోటీన్ అందిస్తాయి. ఇవి బిడ్డ అవయవాలు, కణజాలాలు బలంగా పెరగడానికి తోడ్పడతాయి. తల్లికి శక్తి కూడా అందుతుంది.
గర్భావస్థలో ఎక్కువ నీళ్లు తాగడం చాలా అవసరం. ఇది శరీరం సరిగా పని చేయడానికి, రక్తప్రసరణ మెరుగుపరచడానికి సహాయపడుతుంది. కొబ్బరి నీళ్లు, తాజా జ్యూస్లు కూడా మంచివి. మలబద్ధకం, అలసట తగ్గుతాయి.
జంక్ ఫుడ్, ప్రాసెస్డ్ ఆహారాలు, ఎక్కువ ఉప్పు, చక్కెర ఉన్నవి తగ్గించాలి. ఇంటి వంటలు, తాజా ఆహారాలు ఎక్కువగా తినాలి.
Also Read: తల్లిదండ్రులు ఈ తప్పులు అసలు చేయకూడదు.. పిల్లలు మనసులో ద్వేష భావన కలుగుతుంది
అవకాడో, నట్స్, విత్తనాలు, ఆలివ్ ఆయిల్ వంటివి మంచి కొవ్వులు అందిస్తాయి. ఇవి బిడ్డ మెదడు అభివృద్ధికి సహాయపడతాయి.
పండ్లు, కూరగాయలు, నీళ్లు తగినంత తీసుకుంటే తల్లి చర్మం కూడా మెరుగ్గా ఉంటుంది.
గర్భావస్థ సమయంలో ప్రతి వ్యక్తి ఆరోగ్య పరిస్థితులు వేరుగా ఉంటాయి. డాక్టర్ సలహా మేరకు ఆహారం, పోషాకాల్లో మార్పులు చేసుకోవాలి. క్రమం తప్పకుండా చెకప్లు చేయించుకోవాలి.
Share
సీక్రెట్ మొబైల్ యాప్ వలలో చిన్న పిల్లలు... మెంటలెక్కించే సైకలాజికల్ మైండ్ గేమ్
కారణం లేకుండా మాయమయ్యే జనాలు... మిగిలిన వాళ్ళ పరిస్థితి ఘోరం... నరాలు తెగే ఉత్కంఠ
