Best Summer Drinks: కొద్ది రోజులుగా భానుడి ప్రతాపం మామూలుగా లేదు. వేడిగాలులు, ఉక్కపోత, బయట అడుగు పెట్టలేని పరిస్థితి ఏర్పడింది. అంతలా మునుపెన్నడూ లేని విధంగా ఎండలు మండిపోతున్నాయి. ఇలాంటి తీవ్రమైన వాతావరణంలో మన శరీరం త్వరగా అలసిపోవడమే కాకుండా.. డీహైడ్రేషన్ బారిన పడుతుంది. ముఖ్యంగా పిల్లలు, వృద్ధులు ఈ ఎండల వల్ల తీవ్ర ఇబ్బందులు ఎదుర్కొంటారు. అందుకే ఈ కాలంలో మనం తీసుకునే ఆహారం, పానీయాల పట్ల చాలా జాగ్రత్తగా ఉండాలని వైద్యులు హెచ్చరిస్తున్నారు. కృత్రిమ కూల్డ్రింక్స్ జోలికి వెళ్లకుండా.. ఇంట్లోనే లభించే సహజ పానీయాలతో ఆరోగ్యాన్ని ఎలా కాపాడుకోవచ్చో ఇప్పుడు చూద్దాం.
వేసవిలో మన శరీరానికి తక్షణ శక్తినిచ్చే సహజ పానీయాల్లో కొబ్బరినీళ్లు మొదటి స్థానంలో ఉంటాయి. ఎండ తీవ్రత వల్ల మన ఒంట్లోని లవణాలు చెమట రూపంలో బయటకు పోతాయి. కొబ్బరినీళ్లు ఆ ఎలక్ట్రోలైట్లను తిరిగి భర్తీ చేసి, శరీరంలో నీటి శాతాన్ని సమతుల్యంగా ఉంచుతాయి. మధ్యాహ్నం పూట ఒక గ్లాసు కొబ్బరినీళ్లు తాగితే అలసట మాయమై, శరీరం రీఛార్జ్ అవుతుంది.
మన పెద్దల కాలం నాటి సాంప్రదాయ పానీయం మజ్జిగకు ఈ రోజుల్లో మళ్లీ ఆదరణ పెరుగుతోంది. కేవలం దాహం తీర్చడమే కాకుండా.. శరీర వేడిని తగ్గించడంలో మజ్జిగ అద్భుతంగా పనిచేస్తుంది. చల్లటి మజ్జిగలో కొద్దిగా జీలకర్ర పొడి, పుదీనా, కరివేపాకు వేసుకుని తాగితే జీర్ణక్రియ మెరుగవుతుంది. లంచ్ సమయంలో రసాయనాలతో కూడిన సాఫ్ట్ డ్రింక్స్ తాగే బదులు, ఈ మజ్జిగను అలవాటు చేసుకోవడం ఎంతో మంచిది.
Also Read: 30 ఏళ్లు దాటాయా? ఈ హెల్త్ చెకప్స్ చేయించుకోకపోతే ఆ ‘సైలెంట్’ రోగాలు గ్యారెంటీ!
ఇంట్లోనే చాలా సులువుగా చేసుకోగలిగే నిమ్మరసం, సబ్జా గింజల కాంబినేషన్ వేసవికి బెస్ట్ ఛాయిస్. నిమ్మరసంలోని విటమిన్-సి శరీరానికి రోగనిరోధక శక్తిని ఇస్తే, సబ్జా గింజలు ఒంటికి చలవ చేస్తాయి. ప్రిజర్వేటివ్స్, ఆర్టిఫిషియల్ స్వీట్నర్స్ ఉండే ప్యాకేజ్డ్ జ్యూస్‌ల కంటే ఇలాంటి తాజా నిమ్మరసం ఆరోగ్యానికి ఎంతో రక్షణ ఇస్తుంది.
ఎండలో తిరిగొచ్చి చల్లగా ఉందని సోడాలు, చక్కెర ఎక్కువగా ఉండే కూల్డ్రింక్స్, కాఫీ, టీలు ఎక్కువగా తాగడం అస్సలు మంచిది కాదు. ఇవి తాత్కాలికంగా దాహం తీర్చినట్లు అనిపించినా.. శరీరాన్ని మరింత డీహైడ్రేషన్‌కు గురిచేస్తాయి. వీటికి బదులు చక్కెర లేని తాజా పండ్ల రసాలు, ఇంట్లో చేసిన పానీయాలను ఎంచుకుంటే వేసవి తాపాన్ని తట్టుకుని హాయిగా, ఆరోగ్యంగా ఉండవచ్చు.
Also Read: ఎండల తీవ్రతకు ఐస్ క్రీమ్స్ లాగించేస్తున్నారా? ఈ ఆరోగ్య సమస్యలు ఉన్నవారు జాగ్రత్త!
Share
ఓర్మాక్స్ 2026 రిపోర్ట్.. బాలీవుడ్కు మైండ్ బ్లాంక్.. దేశంలోనే నంబర్ 1 స్టార్గా రెబల్ స్టార్ రేంజ్!
పెద్ది’ ప్రీ-రిలీజ్ ఈవెంట్కు చీఫ్ గెస్ట్ గా బాలయ్య ?
