Chia Seeds: నేటి కాలంలో ఒత్తిడి, కాలుష్యం, పోషకాహార లోపం వల్ల జుట్టు రాలడం అనేది ఒక పెద్ద సమస్యగా మారింది. ఈ సమస్యకు ప్రకృతి సిద్ధమైన పరిష్కారం చియా విత్తనాలు. వీటిలో ఉండే ఒమేగా-3 ఫ్యాటీ యాసిడ్స్, ప్రోటీన్ ,యాంటీ ఆక్సిడెంట్లు జుట్టు కుదుళ్లను బలోపేతం చేస్తాయి. అయితే.. ఏదైనా ఆహారం తీసుకునే సమయం దాని ప్రభావాన్ని నిర్ణయిస్తుంది. జుట్టు గరిష్టంగా పెరగడానికి చియా విత్తనాలను ఏ సమయంలో తీసుకోవాలి. ఎలా తీసుకోవాలి అనే పూర్తి సమాచారం ఇప్పుడు తెలుసుకుందాం.
చియా విత్తనాలు చూడటానికి చిన్నగా ఉన్నా.. వాటిలో అద్భుతమైన పోషకాలు ఉన్నాయి. జుట్టు పెరుగుదలకు కావలసిన ముఖ్యమైన మూలకాలు వీటిలో పుష్కలంగా లభిస్తాయి.
జుట్టు పెరుగుదలకు చియా విత్తనాలు ఎందుకు మేలు చేస్తాయి ?
చియా విత్తనాలలో దాదాపు 20% ప్రోటీన్ ఉంటుంది. మన జుట్టు ‘కెరాటిన్’ అనే ప్రోటీన్‌తో తయారవుతుంది. కాబట్టి వీటిని తీసుకోవడం వల్ల జుట్టుకు అవసరమైన నిర్మాణాత్మక బలం లభిస్తుంది. అలాగే.. ఇందులోని ఒమేగా-3 ఫ్యాటీ యాసిడ్స్ తల చర్మాన్ని తేమగా ఉంచి, జుట్టు పొడిబారకుండా చూస్తాయి.
మంచి ఫలితాల కోసం..
జుట్టు ఆరోగ్యానికి, శరీరానికి పోషకాలు వేగంగా అందాలంటే ఉదయం పరగడుపున లేదా అల్పాహారం సమయంలో చియా విత్తనాలను తీసుకోవడం అత్యుత్తమ సమయం.
పరగడుపున: ఉదయాన్నే వీటిని తీసుకోవడం వల్ల శరీరం లోపల పేరుకుపోయిన వ్యర్థాలు తొలగిపోయి, పోషకాలను గ్రహించే శక్తి పెరుగుతుంది. ఇది నేరుగా జుట్టు కుదుళ్లపై ప్రభావం చూపుతుంది.
బ్రేక్ ఫాస్ట్ : స్మూతీలు లేదా ఓట్స్‌లో కలిపి తీసుకోవడం వల్ల రోజంతా శరీరానికి కావలసిన శక్తి అందడమే కాకుండా.. రక్త ప్రసరణ మెరుగు పడి జుట్టు పెరుగుదలను ప్రోత్సహిస్తుంది.
జుట్టు కోసం చియా విత్తనాలు:
జుట్టు రాలడం తగ్గుతుంది: వీటిలో ఉండే ఐరన్, కాపర్ రక్త ప్రసరణను పెంచి, జుట్టు కుదుళ్లకు ఆక్సిజన్‌ను చేర వేస్తాయి. దీని వల్ల జుట్టు రాలడం గణనీయంగా తగ్గుతుంది.
మెరుపును ఇస్తుంది: ఇందులోని జింక్ , మెగ్నీషియం జుట్టుకు సహజమైన మెరుపును ఇస్తాయి.
చివర్లు పగలడం నివారిస్తుంది: జుట్టు చివర్లు పగిలిపోవడాన్ని అరికట్టి, జుట్టు దృఢంగా ఉండేలా చేస్తుంది.
స్కాల్ప్ ఆరోగ్యం: యాంటీ ఇన్‌ఫ్లమేటరీ గుణాలు ఉండటం వల్ల తల చర్మంపై వచ్చే ఇన్ఫెక్షన్లను తగ్గిస్తుంది.
స్థితిస్థాపకత : చియా విత్తనాలు జుట్టును స్థితిస్థాపకంగా ఉంచి, సులభంగా విరిగిపోకుండా చేస్తాయి.
ఎలా తీసుకోవాలి ?
చియా విత్తనాలను ఎప్పుడూ నేరుగా డ్రైగా తినకూడదు. వాటిని కనీసం 20-30 నిమిషాల పాటు నీటిలో నానబెట్టాలి. అవి జెల్ లాగా మారిన తర్వాతే వాడాలి.
చియా వాటర్: ఒక గ్లాసు నీటిలో ఒక స్పూన్ చియా విత్తనాలు నానబెట్టి, కొంచెం నిమ్మరసం కలిపి తాగవచ్చు.
పుడ్డింగ్: పాలు లేదా పెరుగులో కలిపి రాత్రంతా ఫ్రిజ్‌లో ఉంచి, ఉదయాన్నే పండ్లతో కలిపి తీసుకోవచ్చు.
హెయిర్ మాస్క్: వీటిని ఆహారంగా తీసుకోవడమే కాకుండా.. వీటి జెల్‌ను జుట్టుకు ప్యాక్‌లా కూడా వేసుకోవచ్చు.
చియా విత్తనాలు శరీరంలోని నీటిని ఎక్కువగా పీల్చుకుంటాయి. కాబట్టి.. మీరు వీటిని తీసుకునేటప్పుడు రోజంతా పుష్కలంగా నీరు తాగడం మర్చిపోవద్దు. అలాగే.. రోజుకు 1-2 టేబుల్ స్పూన్ల కంటే ఎక్కువ తీసుకోకూడదు.
Share
IAS Transfers: తెలంగాణ పాలనా యంత్రాంగంలో భారీ మార్పులు.. 45 మంది ఐఏఎస్ అధికారుల బదిలీ
DGP Shivadhar Reddy: గోదావరి పుష్కరాల ఏర్పాట్లపై డీజీపీ సమీక్ష.. ఈ సారీ జరిగే మార్పులివే..!
