Pregnancy Baby’Heartbeat Foetus Gender| ప్రెగ్నెన్సీ సమయంలో బిడ్డ హార్ట్బీట్ వినడం తల్లిదండ్రులకు ఎంతో ప్రత్యేకమైన అనుభూతినిస్తుంది. అయితే, ఈ హార్ట్బీట్ చుట్టూ ఎన్నో నమ్మకాలు కూడా ఉన్నాయి. బిడ్డ హార్ట్బీట్ వేగంగా ఉంటే అమ్మాయి పుడుతుందని కొందరు చెబుతారు. అదే హార్ట్బీట్ నెమ్మదిగా ఉంటే అబ్బాయి పుడతాడని మరికొందరు నమ్ముతారు. బిడ్డ హార్ట్బీట్ ప్రధానంగా ఆరోగ్యం, ఎదుగుదలను తెలుసుకోవడానికి ఉపయోగపడుతుంది. అయితే హార్ట్బీట్తో పుట్టబోయేది బాబు లేదా పాప అనేది ముందుగానే తెలుసుకోవచ్చా? ఈ ప్రశ్నకు వైద్యపరంగా డాక్టర్లు సమాధానం ఇచ్చారు.
ప్రెగ్నెన్సీలో హార్ట్బీట్ ఆధారంగా బిడ్డ లింగాన్ని తెలుసుకోవచ్చని చాలామంది భావిస్తారు. కానీ ప్రముఖ గైనకాలజిస్ట్ డాక్టర్ వైదేహి మరాఠే ప్రకారం.. ఈ నమ్మకం వైద్యపరంగా సరైనది కాదు. హార్ట్బీట్ బిడ్డ ఆరోగ్యం, ఎదుగుదల గురించి ముఖ్యమైన సమాచారాన్ని అందిస్తుంది. కానీ హార్ట్బీట్ను మాత్రమే చూసి పుట్టబోయేది మగబిడ్డ లేదా ఆడబిడ్డ అని కచ్చితంగా నిర్ధారించలేము. అందుకే తల్లిదండ్రులు హార్ట్బీట్ నంబర్లతో.. గర్భంలో బిడ్డ లింగాన్ని అంచనా వేయకూడదు.
హార్ట్బీట్ 140 కంటే ఎక్కువగా ఉంటే అమ్మాయి అని కొందరు చెబుతారు. అదే 140 కంటే తక్కువగా ఉంటే అబ్బాయి అని మరికొందరు అంటారు. అయితే ఈ పద్ధతికి ఎలాంటి శాస్త్రీయ ఆధారం లేదు. ప్రెగ్నెన్సీ సమయంలో బిడ్డ హార్ట్బీట్ వివిధ కారణాల వల్ల మారతూ ఉంటుంది. కాబట్టి ఒక్కసారి వచ్చిన హార్ట్బీట్ ఆధారంగా ఎలాంటి నిర్ణయం తీసుకోకూడదు.
ప్రెగ్నెన్సీ సమయంలో బిడ్డ ఆరోగ్యాన్ని పరిశీలించడానికి డాక్టర్లు హార్ట్బీట్ను చెక్ చేస్తారు. దీని ద్వారా బిడ్డ ఎదుగుదల, ఆరోగ్యం, పరిస్థితిని అంచనా వేయవచ్చు. అలాగే స్కాన్ల సమయంలో ఇతర ముఖ్యమైన అంశాలను కూడా వైద్యులు పరిశీలిస్తారు.
ఈ పరీక్షల ప్రధాన లక్ష్యం ప్రెగ్నెన్సీ సరిగ్గా కొనసాగుతుందో తెలుసుకోవడం. బిడ్డ లింగాన్ని తెలుసుకోవడం హార్ట్బీట్ పరీక్ష ఉద్దేశం కాదు.
బిడ్డ హార్ట్బీట్ ఎప్పుడూ ఒకే స్థాయిలో ఉండదు. బిడ్డ కదలికలు, విశ్రాంతి సమయాలు హార్ట్బీట్పై ప్రభావం చూపవచ్చు. బిడ్డ ఎక్కువగా కదిలినప్పుడు హార్ట్బీట్లో మార్పులు కనిపించవచ్చు. అలాగే విశ్రాంతి సమయంలో మరో రీడింగ్ రావచ్చు. అందువల్ల వేర్వేరు చెకప్లలో హార్ట్బీట్ మారితే భయపడాల్సిన అవసరం లేదు.
అల్ట్రాసౌండ్లో బిడ్డ హార్ట్బీట్ మాత్రమే పరిశీలించరు. బిడ్డ ఎదుగుదల, శరీర అభివృద్ధి, కదలికలు, మొత్తం ఆరోగ్యాన్ని కూడా పరిశీలిస్తారు. అలాగే ప్రెగ్నెన్సీ ఎలా కొనసాగుతోందో తెలుసుకోవడానికి ఇతర అంశాలను కూడా చెక్ చేస్తారు. కాబట్టి హార్ట్బీట్ను బిడ్డ లింగం అంచనా వేసే సాధనంగా చూడకూడదు.
బిడ్డ హార్ట్బీట్ వేగంగా ఉండటం అమ్మాయి అని నిర్ధారించదు. అదే విధంగా నెమ్మదిగా ఉండటం అబ్బాయి అని కూడా చెప్పదు.
హార్ట్బీట్ సహజంగానే వివిధ పరిస్థితుల్లో మారుతూ ఉంటుంది. అందుకే తల్లిదండ్రులు పుకార్లను కాకుండా వైద్యుల సలహాను నమ్మాలి.
Also Read: అదృష్టాన్ని కాదు కష్టాన్ని నమ్ముకుంటారు.. ఈ తేదీల్లో పుట్టినవారు ఎన్ని కష్టాలొచ్చినా వెనకడుగు వేయరు
ప్రెగ్నెన్సీ సమయంలో ఎన్నో సందేహాలు రావడం సహజం. అయితే బిడ్డ ఆరోగ్యమే తల్లిదండ్రుల ప్రధాన దృష్టిగా ఉండాలి. హార్ట్బీట్పై ఏదైనా సందేహం ఉంటే వెంటనే వైద్యులను సంప్రదించాలి. సోషల్ మీడియా పోస్టులు, పాతకాలపు నమ్మకాల ఆధారంగా నిర్ణయాలు తీసుకోకూడదు. సరైన వైద్య పర్యవేక్షణతో ప్రెగ్నెన్సీని కొనసాగించడం ఎంతో ముఖ్యం.
Also Read: ఈ వీకెండ్ అలవాట్లు ఉన్నవారిలో క్యాన్సర్ ముప్పు.. అతిగా ఎంజాయ్ చేస్తే యమ డేంజర్
Share
అసెంబ్లీని బహిష్కరించిన మాజీ సీఎంలు.. ప్రతిన బూని మళ్లీ సీఎంగానే అడుగుపెట్టి.. ! జయలలిత ఎపిసోడ్ టోటల్ డిఫరెంట్..
ఖమ్మం జిల్లాలో చైనా సైబర్ గ్యాంగ్ దందా కలకలం.. 52 మంది యువకులు అరెస్ట్!
