Obesity In Children: పిల్లల్లో ఊబకాయం.. కారణాలు తెలిస్తే షాక్ అవుతారు !

Obesity In Children: పిల్లల్లో ఊబకాయం అనేది నేటి సమాజంలో ఆందోళన కలిగిస్తున్న ఒక ప్రధాన ఆరోగ్య సమస్య. దీనిని కేవలం అధిక బరువుగా మాత్రమే కాకుండా.. అనేక దీర్ఘకాలిక ఆరోగ్య సమస్యలకు దారితీసే ఒక వ్యాధిగా పరిగణించాలి. పిల్లల్లో ఊబకాయం అనేది నేటి సమాజంలో ఆందోళన కలిగిస్తున్న ఒక ప్రధాన ఆరోగ్య సమస్య. దీనిని కేవలం అధిక బరువుగా మాత్రమే కాకుండా.. అనేక దీర్ఘకాలిక ఆరోగ్య సమస్యలకు దారితీసే ఒక వ్యాధిగా పరిగణించాలి. శరీరానికి అవసరమైన దానికంటే ఎక్కువ కొవ్వు పేరుకుపోవడం వల్ల ఈ పరిస్థితి ఏర్పడుతుంది. ఈ సమస్యకు సాధారణంగా ఒకే ఒక్క కారణం ఉండదు. జన్యుపరమైన, జీవనశైలి, పర్యావరణ కారకాల కలయిక వల్ల కూడా ఈ సమస్య ఎదురవుతుంది. ఇదెలా ఉంటే పిల్లల్లో ఊబకాయానికి దోహదపడే ముఖ్య కారణాలను గురించిన పూర్తి వివరాలను ఇప్పుడు తెలుసుకుందాం.

అనారోగ్యకరమైన ఆహారపు అలవాట్లు:
పిల్లల్లో ఊబకాయానికి అత్యంత ప్రధాన కారణం ఆహార నియంత్రణ లేకపోవడం అంతే కాకుండా అస్తవ్యస్తమైన ఆహారపు అలవాట్లు.

అధిక కేలరీలు, పోషకాలు తక్కువగా ఉన్న ఆహారం: ఫాస్ట్ ఫుడ్, జంక్ ఫుడ్, ప్యాక్ చేసిన స్నాక్స్, బేకరీ వస్తువులు, చిప్స్ వంటి వాటిలో కేలరీలు, కొవ్వులు, కార్బోహైడ్రేట్లు అధికంగా ఉంటాయి. కానీ అవసరమైన పోషక విలువలు తక్కువగా ఉంటాయి.

డ్రింక్స్ : కూల్ డ్రింక్స్, తియ్యటి పండ్ల రసాలు, ఎనర్జీ డ్రింక్స్ ఎక్కువగా తీసుకోవడం వల్ల అనవసరమైన కేలరీలు శరీరంలో చేరతాయి.

పెద్ద పోర్షన్ సైజులు: ఇంట్లో లేదా రెస్టారెంట్లలో పెద్ద మొత్తంలో ఆహారం తీసుకోవడం కూడా అధిక కేలరీల వినియోగానికి దారి తీస్తుంది.

శారీరక శ్రమ లేకపోవడం:
ఆధునిక జీవనశైలి కారణంగా పిల్లలు ఆటల కంటే.. నిశ్చలంగా ఉండే అలవాట్లకు ఎక్కువ ప్రాధాన్యత ఇస్తున్నారు.

స్క్రీన్ సమయం: టీవీ చూడటం, వీడియో గేమ్‌లు ఆడటం, మొబైల్ ఫోన్లు/కంప్యూటర్‌లకు అతుక్కుపోవడం వల్ల శారీరక శ్రమ గణనీయంగా తగ్గిపోతుంది.

వ్యాయామ లోపం: క్రీడలు, పరుగు, స్విమ్మింగ్ వంటి శారీరక శ్రమ లేకపోవడం వల్ల శరీరంలో చేరిన అదనపు కేలరీలు ఖర్చు కావడం లేదు. అవి కొవ్వుగా మారి పేరుకుపోతున్నాయి.

Also Read: ఏవేవో వాడాల్సిన అవసరమే లేదు, మెంతులు ఇలా వాడితే ఒత్తైన కురులు

జన్యుపరమైన, ఇతర కారకాలు:
కొన్ని సందర్భాల్లో.. ఊబకాయం అనేది కుటుంబ చరిత్ర, వైద్యపరమైన అంశాలపై కూడా ఆధారపడి ఉంటుంది.

జన్యువులు : తల్లిదండ్రులలో ఒకరికి లేదా ఇద్దరికీ ఊబకాయం ఉంటే.. పిల్లలకు కూడా అధిక బరువు వచ్చే అవకాశం 50% నుంచి 80% వరకు ఉంటుంది. కొన్ని అరుదైన జన్యుపరమైన సిండ్రోమ్‌లు (ఉదాహరణకు, ప్రదర్-విల్లీ సిండ్రోమ్) కూడా ఊబకాయానికి దారితీసే అవకాశం కూడా ఉంటుంది.

కుటుంబ వాతావరణం: ఇంట్లో ఆరోగ్యకరమైన ఆహారపు అలవాట్లు, వ్యాయామ వాతావరణం లేకపోతే.. పిల్లలు కూడా అవే అలవాట్లను నేర్చుకుంటారు.

హార్మోన్ల సమస్యలు: థైరాయిడ్ లేదా కొన్ని ఇతర హార్మోన్ల అసమతుల్యత వంటి వైద్య పరమైన కారణాలు కూడా బరువు పెరగడానికి కారణం కావచ్చు.

నిద్ర లేమి: సరిగా నిద్రపోకపోవడం వల్ల కూడా శరీరంలో హార్మోన్ల మార్పులు వచ్చి ఆకలి పెరుగుతుంది. ఇది ఊబకాయానికి దారితీస్తుంది.

Share

• 
• 
• 
• 
• 
•