Mouth Ulcer: నోటి పుండ్లు మహిళల్లోనే ఎందుకు ఎక్కువగా వస్తాయి? హార్మోన్లు, ఒత్తిడి, పోషకాహార లోపమే కారణమా?

Mouth Ulcer: పురుషుల్లో కంటే మహిళల్లో అధికంగా కనిపించే సమస్య నోటి పుండ్లు(మౌత్ అల్సర్). దీనికి ప్రధాన కారణం ఒత్తిడి, నిద్రలేమి, విటమిన్ లోపంతోపాటు నెలసరి సమయంలో హార్మోన్లలో జరిగే మార్పులు. కారణం ఏదైనా కావొచ్చు గానీ ఈ నోటి అల్సర్లతో తీవ్రమైన నొప్పితోపాటు నీరు తాగడానికి కూడా ఇబ్బంది పడాల్సి ఉంటుంది. అయితే ఈ సమస్యను తగ్గించుకోవడానికి చాలామంది అల్లోపతి మందులను వాడుతుంటారు. ఇక ఆ మందులతో అవసరం లేకుండా.. మన వంటింట్లో ఉండే కొన్ని పదార్థాలతో నోటి పుండ్లకు పరిష్కారం కనుగొనవచ్చు.

⇒ మహిళలు తరచూ ఎదుర్కొంటున్న నోటి అల్సర్లను తగ్గించడంలో తేనె సమర్థవంతంగా పనిచేస్తుంది. తేనెలో యాంటీ మైక్రోబియల్ గుణాలు సమృద్ధిగా ఉంటాయి. దీంతో అల్సర్లను కలిగించే బ్యాక్టీరియాను ఇవి నిర్మూలించడంలో కీలకంగా పనిచేస్తాయి.

Also Read: రోజంతా శరీరం ఉత్సాహంగా ఉండాలంటే.. నిద్రలేవగానే ఈ ఒక్క పనిచేస్తే చాలు!

⇒ నాలుక కింద లేదా దవడల దగ్గర నోటి పుండ్లు అధికంగా ఉన్నప్పుడు.. తరచూ తేనె రాస్తుండాలి. దీంతో కొద్ది రోజుల్లోనే మంచి ఫలితం కనిపిస్తుంది. అలాగే తేనెకు చిటికెడు పసుపు కలిపితే.. మరింత త్వరగా ఉపశమనం లభించే అవకాశం ఉంటుంది.

⇒ అలాగే అల్సర్లను తగ్గించే శక్తి లవంగాలకు ఉన్నాయని చెబుతున్నారు ఆయుర్వేద నిపుణులు. దీని కోసం లవంగాలను నమిలినా లేదా పుండ్లు ఉన్న చోట లవంగాల నూనెను రాసినా.. నోటి అల్సర్లు తగ్గుతాయని అంటున్నారు.

⇒ యాంటి ఇన్‌ఫ్లమేటరీ, యాంటి బ్యాక్టీరియల్‌, యాంటిఆక్సిడెంట్‌తోపాటు ఇమ్యునో మాడ్యులేటరీ లక్షణాలు కలిగి ఉన్న తులసి ఆకులు.. నోటి అల్సర్లకు చాలా త్వరగా పరిష్కారాన్ని చూపెడుతాయి. ఇవి అలర్జీలతోపాటు వివిధ నోటి రుగ్మతలను తగ్గించడంలోనూ ముందుంటాయి. దీని కోసం రోజుకు నాలుగు తులసి ఆకులను నమలడం నోటి ఆరోగ్యానికి మంచిది.

⇒ నోటి పుండ్లు ఉన్న చోట కొద్దిగా కొబ్బరినూనె రాసినా.. మంచి ఫలితం ఉంటుందని చెబుతున్నారు నిపుణులు. లేదా ఎండుకొబ్బరి ముక్కలను నమిలినా అల్సర్లు తగ్గుముఖం పడుతాయట. ఒకవేళ నోటి అల్సర్లు ఎక్కువగా బాధిస్తే.. కొబ్బరినీళ్లు తక్షణ ఉపశమనం కలిగిస్తుంది. దీనివల్ల శరీరంలో వేడి తగ్గడమే కాకుండా.. అల్సర్లు కూడా తగ్గుతాయి.

Also Read: కివీ పండు తొక్కలో ఇంత ఆరోగ్యం దాగుందా? వామ్మో.. ఈ విషయం తెలియక ఇన్నిరోజులూ పడేశాం కదరా!