Migraine: మైగ్రేన్ ఉన్నవారు చేయాల్సిన, చేయకూడని పనులు !

Migraine: ప్రస్తుతం ప్రజల జీవనశైలి వేగంగా మారుతోంది. పెరుగుతున్న పని ఒత్తిడితో పాటు మారుతున్న ప్రజల జీవనశైలిని మన ఆరోగ్యాన్ని ఎక్కువగా ప్రభావితం చేస్తుంది. దీని ప్రభావం శారీరక మానసిక ఆరోగ్యం కూడా పడుతుంది. జీవనశైలిలో మార్పులతో పాటు తప్పుడు ఆహారపు అలవాట్లు కూడా అనేక ఆరోగ్య సమస్యలకు కారణం అవుతాయి. అందులో మైగ్రేన్ కూడా ఒకటి. ప్రస్తుతం చాలా మంది మైగ్రేన్ సమస్యతో ఇబ్బంది పడుతున్నారు. ఇది సాధారణంగా వికారంతో పాటు వాంతులు కాంతిని చూడలేకపోవడం, తలనొప్పికి కారణం అవుతుంది. దీనికి నిర్ధిష్టమైన చికిత్స లేదు కానీ జీవనశైలిలో మార్పుల కారణంగా కూడా మైగ్రేన్‌ను నియంత్రించవచ్చు. అసలు మైగ్రేన్ ఎందుకు వస్తుంది. మైగ్రేన్ తగ్గించే హోం రెమెడీస్‌కు సంబంధించిన గురించిన పూర్తి వివరాలు ఇప్పుడు తెలుసుకుందాం.

టెన్షన్:
ఈ రోజుల్లో జన జీవనం అస్తవ్యస్థంగా మారింది. అంతే కాకుండా ఒత్తిడితో పాటు ఇతర కారణాల వల్ల శారీరక, మానసిక ఆరోగ్యం దెబ్బతింటుంది. దీని కారణంగానే తరుచుగా ఒత్తిడితో పాటు నిరాశకు గురవుతుంటారు. ఇది మైగ్రేన్‌కు కారణం అవుతుంది.

పర్యావరణ కారకాలు:
కొన్ని పార్లు పర్యావరణ కారకాలు కూడా మైగ్రేన్ ను పెంచుతాయి. ప్రకాశవంతమైన కాంతితో పాటు బలమైన వాసన. వాతావరణంలో మార్పులు కూడా మైగ్రేన్ కు కారణం అవుతాయి.

కొన్ని రకాల ఆహార పదార్థాలు:
మైగ్రేన్ నొప్పిని కలిగించే ఆహార పదార్థాలు కూడా ఉన్నాయి. చీజ్, ప్రాసెస్ చేసిన ఆహారాలతో పాటు మాంసాహారం కూడా మైగ్రేన్‌ను ప్రేరేపిస్తాయి.

నిద్రలేమి:
ఆరోగ్యంగా ఉండటానికి నిద్ర చాలా ముఖ్యం.కానీ కొంతమంది తగినంతగా నిద్రపోరు. ఇలాంటి సమయంలోనే పార్శ్వపు నొప్పి కలుగుతుంది. క్రమంగా ఇది మైగ్రేన్ కు కారణం అవుతుంది.

హార్మోన్లలో మార్పులు :
హార్మోన్లలో మార్పులు కూడా మైగ్రేన్‌కు కారణం అవుతాయి. ఈస్ట్రోజన్ హెచ్చుతగ్గుల కారణంగా కూడా మైగ్రేన్ వస్తుంది. మహిళలు పీరియడ్స్ సమయంలో మైగ్రేన్ సమస్యను ఎదుర్కుంటారు.

వీటిని వాడితే మైగ్రేన్ మాయం:

దాల్చిన చెక్క:
మసాలాగా ఉపయోగించే దాల్చినచెక్క, మైగ్రేన్ సమస్య ఉన్న వారికి చాలా ప్రభావవంతంగా పనిచేస్తుంది. మీరు ఈ నొప్పితో నిరంతరం ఇబ్బంది పడుతుంటే, దాల్చిన చెక్కను ఉపయోగించి తగ్గించుకోవచ్చు. ఇందుకోసం రెండు చెంచాల దాల్చిన చెక్క పొడిని నీళ్లలో కలిపి పేస్ట్‌లా చేయాలి. ఇప్పుడు ఈ పేస్ట్‌ను నుదుటిపై 20-25 నిమిషాల పాటు అప్లై చేయాలి. ఇలా చేయడం వల్ల మీరు మైగ్రేన్ నొప్పి నుండి తక్షణ ఉపశమనం పొందుతారు.

నిమ్మ తొక్కలు:
నిమ్మకాయలో విటమిన్ సి పుష్కలంగా ఉంటుంది. ఇది మైగ్రేన్‌ను తగ్గించడంలో చాలా బాగా ఉపయోగపడుతుంది. నిమ్మ తొక్కలు కూడా చాలా ఉపయోగకరంగా ఉంటాయి. మైగ్రేన్ నొప్పిని తగ్గించడానికి మీరు నిమ్మ తొక్కలను కూడా ఉపయోగించవచ్చు. నిమ్మ తొక్కలను గ్రైండ్ చేసి దాని పేస్ట్ ను నుదుటిపై రాయండి. ఈ రెమెడీ ద్వారా మీరు చాలా ఉపశమనం పొందుతారు.

కర్పూరం:
పూజలో ఉపయోగించే కర్పూరం మైగ్రేన్ సమస్యలో కూడా మీకు చాలా ఉపయోగకరంగా ఉంటుంది. కర్పూరం దాని శీతలీకరణ ప్రభావంతో తలనొప్పి నుండి ఉపశమనాన్ని అందిస్తుంది. మీరు మైగ్రేన్ నొప్పితో బాధపడుతున్నట్లయితే కర్పూరాన్ని మెత్తగా చేసి, అందులో కాస్త దేశీ నెయ్యి కలపండి. ఇప్పుడు ఈ పేస్ట్ ను నుదుటిపై అప్లై చేసి తేలికగా మసాజ్ చేయండి. ఇలా చేయడం వల్ల మీరు ఈ సమస్య నుండి ఉపశమనం పొందుతారు.

Also Read: థైరాయిడ్‌ని లైట్ తీసుకుంటే చాలా డేంజర్.. ఎందుకంటే ?

ఆవు నెయ్యి:
ఆవు నెయ్యి మన ఆరోగ్యానికి చాలా రకాలుగా మేలు చేస్తుంది. ఇది మైగ్రేన్ నొప్పికి కూడా చాలా ప్రభావవంతంగా ఉంటుంది. మీరు మైగ్రేన్ నొప్పితో బాధపడుతుంటే ఆవు నెయ్యిని రోటీ, అన్నం లేదా కూరగాయలలో చేర్చి తినవచ్చు. అంతే కాకుండా రెండు చుక్కల ఆవు నెయ్యిని నోట్లో వేసుకుంటే నొప్పి నుండి తక్షణ ఉపశమనం లభిస్తుంది.

Share

• 
• 
• 
• 
• 
•