Summer Tips: సాధారణంగా సమ్మర్ స్టార్ట్ అయ్యిందంటే.. కొంతమందికి ఎంత నీళ్లు తాగినా మళ్లీ మళ్లీ దాహంతో గొంతు ఎండిపోతుంటుంది. ఇలాంటి నేపథ్యంలో చాలామంది కొబ్బరి నీళ్లు లేదంటే చెరకు రసాన్ని ఎక్కువగా తాగుతుంటారు. అయితే ఈ రెండింటిలో ఏది మన శరీరాన్ని ఎక్కువ సేపు హైడ్రేటెడ్గా ఉంచుతుంది? ఏది ఆరోగ్యానికి ఎక్కువ మేలు చేస్తుంది? అన్న సందేహం కూడా చాలా మందిలో ఉంటుంది. ముఖ్యంగా ఎండలు మండిపోయే ఈ రోజుల్లో మన శరీరానికి కేవలం నీరు మాత్రమే సరిపోదు.. కోల్పోయిన ఖనిజ లవణాలను తిరిగి పొందే పానీయం అవసరం.
ఈ క్రమంలో శరీరాన్ని హైడ్రేటెడ్గా ఉంచాలంటే.. కొబ్బరి నీళ్లు తాగాలా లేక చెరకు రసం తాగితే మంచిదా.. అనే విషయాలు ఇప్పుడు తెలుసుకుందాం.
నిజానికి హైడ్రేషన్ అనగానే మనకు మొదటగా గుర్తుకు రావాల్సింది కొబ్బరి నీళ్లు. ఇందులో పొటాషియం, మెగ్నీషియం, సోడియం వంటి ఎలక్ట్రోలైట్లు సహజ సిద్ధంగా పుష్కలంగా ఉంటాయి. మనం ఎండలో తిరిగినప్పుడు చెమట రూపంలో ఈ లవణాలను
Also Read: బ్యాటరీతో పనిచేసే స్మార్ట్ ప్రొజెక్టర్.. కరెంట్ లేని చోట కూడా సినిమాలు చూసేయొచ్చు!
మరోవైపు చెరకు రసం విషయానికి వస్తే.. ఇది తక్షణ శక్తికి మారుపేరు. ఎండ వల్ల బాగా అలసిపోయి నీరసంగా ఉన్నప్పుడు ఒక గ్లాసు చెరకు రసం తాగితే వెంటనే ఉత్సాహం వస్తుంది. దీనికి కారణం అందులో ఉండే సహజమైన చక్కెరలే. అయితే హైడ్రేషన్ విషయంలో ఇది కొబ్బరి నీళ్లంత ప్రభావవంతంగా ఉండదు. ఎందుకంటే.. ఇందులో చక్కెర శాతం ఎక్కువగా ఉండటం వల్ల ఇది శరీరానికి కేవలం శక్తిని మాత్రమే ఇస్తుంది కానీ ఎక్కువ సేపు డీహైడ్రేషన్ నుండి కాపాడలేదు.
కొబ్బరి నీళ్లలో క్యాలరీలు చాలా తక్కువగా ఉంటాయి. బరువు తగ్గాలనుకునే వారికి లేదా రక్తంలో చక్కెర స్థాయిలను అదుపులో ఉంచుకోవాలనుకునే వారికి బాగా హెల్ప్ అవుతాయి. కానీ చెరకు రసంలో క్యాలరీలు కొంచెం ఎక్కువే. అయితే ఇందులో ఐరన్, యాంటీ ఆక్సిడెంట్స్ వంటి పోషకాలు మన శరీరానికి అదనపు బలాన్ని ఇస్తాయి. ఎనీమియా వంటి సమస్యలతో బాధపడేవారికి చెరకు రసం కొంతవరకు మేలు చేస్తుంది.
ఒకవేళ మీరు ఎండలో ఎక్కువగా ప్రయాణం చేస్తున్నా లేదంటే వ్యాయామం చేసిన తర్వాత అలసిపోయినా కొబ్బరి నీళ్లు తాగడం ఉత్తమం. ఇది శరీర ఉష్ణోగ్రతను తగ్గించి చల్లబరుస్తుంది. ఇక బాగా ఆకలిగా ఉండి వెంటనే శక్తి కావాలనిపిస్తే చెరకు రసాన్ని తీసుకోవచ్చు. అయితే డయాబెటిస్ ఉన్నవారు చెరకు రసానికి దూరంగా ఉండటం మంచిది. అయితే ఈ వేసవిలో శరీరాన్ని హైడ్రేట్గా ఉంచుకోవడానికి కొబ్బరి నీళ్లు తాగడమే ఆరోగ్యం. కానీ అప్పుడప్పుడు రుచి కోసం చెరకు రసాన్ని కూడా ఆస్వాదించడంలో తప్పు లేదు.
Also Read: జేబులో పట్టేంత JBL మినీ స్పీకర్.. అది కూడా స్మార్ట్ AI ఫీచర్లతో, ధర తెలిస్తే వెంటనే కొనేస్తారు!
Share
పోలీసుల ముందే బైక్ స్టంట్స్.. సినిమా స్టైల్లో ఛేజింగ్, చివరికి..
శంషాబాద్ ఎయిర్పోర్టులో భారీ డ్రగ్స్ వేట.. రూ. 25 కోట్ల విలువైన హైడ్రోపోనిక్ గంజాయి సీజ్!
