Natural Perfumes: మారుతున్న కాలంతో పాటు మనుషులు కూడా తమ అలవాట్లు, అభిరుచులు, ధరించే దుస్తులు.. ఇలా ఒకటేమిటీ అన్ని విధాలుగా ట్రెండ్ను ఫాలో అయిపోతున్నారు. కాలేజీకి వెళ్లాలన్నా, ఆఫీసు లేదా ఏదైనా పార్టీ, ఫంక్షన్లకు వెళ్లాలన్నా అందరికీ ముందుగా గుర్తొచ్చేది మంచి పెర్ఫ్యూమ్ మాత్రమే. ఎందుకంటే.. పదిమందిలో ప్రత్యేకంగా నిలవాలంటే మంచి వస్త్రధారణతో పాటు సువాసన కూడా చాలా ముఖ్యం. అయితే పెర్ఫ్యూమ్స్ కోసం కొంతమంది వేలల్లో డబ్బులు ఖర్చుపెడుతుంటారు. దీనివల్ల మంచి వాసనతో పాటు రోగాలు కూడా వస్తాయనే విషయాన్ని మర్చిపోతున్నారు. కాబట్టి.. నేచురల్ పద్ధతిలో ఇంట్లోనే పెర్ఫ్యూమ్ ఎలా తయారు చేసుకోవచ్చో ఇప్పుడు తెలుసుకుందాం.
ఇంట్లో పెర్ఫ్యూమ్ తయారు చేయడం మీరు అనుకున్నంత కష్టం ఏమీకాదు. పైగా దీనికి ఎక్కువ పదార్థాలు అవసరం కూడా లేదు. కేవలం కొన్ని సాధారణ వస్తువులతోనే మీరు నాణ్యమైన సువాసన వెదజల్లే పెర్ఫ్యూమ్ను తయారు చేసుకోవచ్చు. దీని కోసం కాస్త సమయం, ఓపిక ఉంటే చాలు.
Also Read: ప్రపంచాన్ని వణికిస్తున్న సూక్ష్మజీవి.. ‘బ్రెయిన్ ఈటింగ్ అమీబా’తో 99% మందికి ప్రాణాంతకం!
ముందుగా పెర్ఫ్యూమ్బేస్ తయారీ మీకు నచ్చిన బేస్ ఆయిల్ను ఎంచుకోండి. దీనికి జోజోబా ఆయిల్ లేదా గ్రేప్సీడ్ ఆయిల్ కూడా ఉపయోగించవచ్చు. ఇవి సువాసనను ఎక్కువసేపు నిలిపి ఉంచుతాయి. తర్వాత ఎసెన్షియల్ ఆయిల్స్లో మీరు ఇష్టపడే సువాసనలను వీటిలో ఎంచుకోవచ్చు. అంటే.. లావెండర్, రోజ్, జాస్మిన్, సిట్రస్, వెనిల్లా, ప్యాచౌలి వంటి ఆయిల్స్ మంచి స్మెల్ను వెదజల్లుతాయి. ఇక చివరిగా పెర్ఫ్యూమ్ ఆల్కహాల్ లేదా అవోవిన్ తీసుకోవాలి. ఒకవేళ మీకు తేలికపాటి సువాసన కావాలంటే.. కొద్దిగా డిస్టిల్డ్ వాటర్ కూడా కలుపుకోవచ్చు.
పెర్ఫ్యూమ్లో మూడు రకాల సువాసన స్థాయిలు ఉంటాయి. వాటినే టాప్ నోట్స్, మిడిల్ నోట్స్, బేస్ నోట్స్ అంటారు. టాప్ నోట్స్ అంటే.. పెర్ఫ్యూమ్ వేసిన వెంటనే వచ్చే వాసన. ఇవి సాధారణంగా నిమ్మ, నారింజ వంటి తాజా సువాసనలను కలిగి ఉంటాయి. ఇక మిడిల్ నోట్స్ అంటే.. టాప్ నోట్స్ తగ్గిన తర్వాత కనిపిస్తాయి. ఇవి లావెండర్, రోజ్ వంటి పూల వాసనలు కలిగి ఉంటాయి. బేస్ నోట్స్ ఎక్కువసేపు నిలిచే వాసనలు. ఇవి వెనిల్లా, గంధం, కస్తూరి వంటి లోతైన సువాసనలను ఇస్తాయి.
మీకు ఎక్కువ సమయం నిలిపి ఉంచే మంచి పెర్ఫ్యూమ్ కావాలంటే.. మీరు తీసుకున్న పదార్థాలు సరైన పరిమాణంలో ఉండాలి. సాధారణంగా 30 శాతం టాప్ నోట్స్, 50 శాతం మిడిల్ నోట్స్, 20 శాతం బేస్ నోట్స్ కలపాలి. ముందుగా ఒక చిన్న గాజు బాటిల్లో పెర్ఫ్యూమ్ ఆల్కహాల్ తీసుకుని, ఎంపిక చేసిన ఆయిల్స్ను జోడించాలి. అవసరమైతే కొద్దిగా నీరు కలిపి బాటిల్ను బాగా కుదిపేయాలి. ఆ తర్వాత ఆ బాటిల్ను మూసి, చల్లని ప్రదేశంలో 2 నుంచి 3 రోజులు ఉంచాలి. ఈ సమయంలో సువాసనలు బాగా కలుస్తాయి. ఆ తర్వాత మీరు తయారు చేసిన పెర్ఫ్యూమ్ను వాడుకోవచ్చు.
Also Read: వారణాసి కోసం మహేష్ బాబు స్పెషల్ ట్రైనింగ్.. ప్రాచీన యుద్ధకళ ‘కలరిపయట్టు’తో సూపర్ బెనిఫిట్స్!
Share
Hotel Rooms: సంక్రాంతి పండగ ఎఫెక్ట్.. కోడి పందెం రాయుళ్ల రాకతో హోటల్ యజమానుల జేబులు ఫుల్
Sarvam Maya OTT : థియేటర్లలో సంచలనం సృష్టించిన మలయాళం హారర్ ఫాంటసీ మూవీ ఓటీటీలోకి... ఎప్పుడు, ఎక్కడ చూడొచ్చు ?
