Mahesh Babu: దర్శక ధీరుడు రాజమౌళి తెరకెక్కిస్తున్న చిత్రం ‘వారణాసి’ విడుదల కోసం దేశవ్యాప్తంగానే కాదు.. ప్రపంచవ్యాప్తంగా ఉన్న తెలుగువాళ్లు కూడా ఆసక్తిగా ఎదురుచూస్తున్నారు. అయితే ఈ చిత్రంలో కథానాయకుడు సూపర్ స్టార్ మహేశ్ బాబు లుక్ను ఇప్పటికే విడుదల చేసిన విషయం తెలిసింది. వారణాసి చిత్రం కోసం ప్రాచీన భారత యుద్ధ కళ కలరిపయట్టు నేర్చుకుంటున్నారు హీరో మహేష్.
తాజాగా ఆయనకు శిక్షణ ఇచ్చిన ట్రైనర్ పెట్టిన పోస్ట్తో ఈ విషయం ఇప్పుడు సోషల్ మీడియాలో హాట్ టాపిక్గా మారింది. పవర్ఫుల్ పాత్ర కోసం కలరిపయట్టు నేర్చుకుంటున్నట్లు చర్చ నడుస్తోంది. ఇక ఈ యుద్ధవిద్యను ఒక్క మహేష్ బాబు మాత్రమే కాదు.. ఇప్పటికే చాలామంది ప్రముఖులు, నటీనటులు కూడా నేర్చుకుంటున్నారు. ముఖ్యంగా శరీరాకృతి, మెదడు చురుకుదనం కోసం నేర్చుకుంటున్న ఈ కలరిపయట్టు ఫిట్నెస్కి ఎలా ఉపయోగపడుతుందో ఇప్పుడు తెలుసుకుందాం.
Also Read: ఔషధాల కంటే మిన్నగా పనిచేసే ద్రాక్షపండ్లు.. గుండె నుంచి మెదడు వరకు ఫుల్ బెనిఫిట్స్!
కేరళ రాష్ట్రంలో ఆవిర్భవించిన ఈ కళను కలరిపయట్టు లేదా కళరి అని పిలుస్తారు. ఈ విద్యను ప్రపంచంలోనే అత్యంత పురాతనమైన యుద్ధ క్రీడగా చెబుతారు. ఈ యుద్ధవిద్యను ముఖ్యంగా కేరళ, తమిళనాడు, శ్రీలంక, మలేషియాలో ఉండే మలయాళీలు తప్పకుండా నేర్చుకుంటారట. ఈ విద్య వేగవంతమైన కదలికలు ప్రతిచర్యలు, కంటి-చేతి ఏకీకరణ వంటివి ప్రాథమిక మోటార్ నైపుణ్యాలను మెరుగుపరుస్తాయి. దీంతోపాటు.. శరీరం, మనస్సును అప్రమత్తంగా, యాక్టివ్గా ఉంచడంలో ఈ కలరిపయట్టు కీలక పాత్ర పోషిస్తుంది.
⇒ ఈ కలరిపయట్టు ట్రైనింగ్లో బలం, ఓర్పు ప్రాముఖ్యతను నేర్చుకోవచ్చు. ఇది మన శరీరాన్ని దృఢంగా ఉంచడంలో ఉపకరిస్తుంది. అలాగే గుండె ఆరోగ్యం మెరుగుపడుతుంది.
⇒ ఈ యుద్ధవిద్యలో ఉండే వేగవంతమైన ఏరోబిక్ కదలికలు, శక్తివంతమైన మూవ్మెంట్స్ హార్ట్ రేటును పెంచుతాయి. దీంతోపాటు రక్త ప్రసరణను మెరుగుపరుస్తుంది.
⇒ కలరిపయట్టు ఊపిరితిత్తుల సామర్థ్యాన్ని పెంచడంలో సహాయపడుతుంది. అలాగే దీర్ఘకాలం పాటు శరీరాన్ని దృఢంగా ఉంచుకోవడానికి ఎంతగానో దోహదం చేస్తుంది.
⇒ నరాల సమస్యలతో బాధపడేవారికి కలరిపయట్టుని నిపుణుల సమక్షంలో శిక్షణ పొందితే.. మంచి ఫలితం ఉంటుందట. అలా పలువురి విషయంలో నిరూపితమైంది కూడా.
⇒ ఈ ప్రాచీన యుద్ధవిద్య పనిలో ఏకాగ్రత, నైపుణ్యాన్ని మెరుగుపరచడమే కాకుండా.. ఎన్ని ఆరోగ్య ప్రయోజనాలను అందిస్తుంది. మీరూ కలరియపట్టుని నేర్చుకుని..ఆరోగ్యకరమైన జీవితాన్ని సొంతం చేసుకోండి.
Also Read: మిగిలిపోయిన అన్నంతో గార్లిక్ ఫ్రైడ్ రైస్.. ఒక్కసారి తింటే మళ్లీ మళ్లీ కావాలనిపించే రుచి!
Share
2026 Budjet : బడ్జెట్ బొనాంజ?.. ఏపీ, తెలంగాణలో చిగురిస్తున్న ఆశలు!
Paayal Rajput: గోల్డ్ కలర్ డ్రెస్ లో పాయల్ స్టన్నింగ్ లుక్.. వొంగి అందాలతో రచ్చ..
