Paneer Cooking Mistakes| పనీర్ అంటే మంచి పోషక విలువలు ఉన్న ఆహారం. ముఖ్యంగా ఇందులో ప్రొటీన్ పుష్కలంగా ఉంటుంది. శాఖాహారులు ప్రొటీన్ కోసం పనీర్ ఇష్టపడతారు. పనీర్ కూరలు, స్నాక్స్, సలాడ్లలో మంచి ఐటెమ్గా ఇష్టపడి తింటారు. 100 గ్రాముల పనీర్లో సుమారు 18 నుంచి 22 గ్రాముల ప్రోటీన్ ఉంటుంది. కానీ వండే సమయంలో చాలా మంది చేసే తప్పుల వల్ల పనీర్లోని పోషక విలువ తగ్గిపోతుంది.
చాలా మంది పనీర్ వండే సమయంలో ఎక్కువ మంట మీద వండేస్తారు. ఇలా చేస్తే పనీర్లోని మెత్తదనం పోయి గట్టిపడుతుంది. లోపలి ప్రోటీన్ నిర్మాణం బిగుసుకుపోయి జీర్ణం కావడం కొంచెం కష్టం అవుతుంది. పన్నీర్ రబ్బర్ లాగా మారి మెత్తదనం కోల్పోతుంది. ఎప్పుడూ తక్కువ లేదా మీడియం వంట మీదనే వండండి.
చాలా వంటల్లో పన్నీర్ డీప్ ఫ్రై చేస్తారు. ఇది రుచిని పెంచుతుందని భావిస్తారు. కానీ ఇలా చేస్తే అనవసరంగా నూనె, కొవ్వు పెరుగుతాయి. ఇది వంటలో పోషక సమతుల్యతను తగ్గిస్తుంది. ఫ్రై చేసే సమయంలో అధిక వేడి ప్రోటీన్ క్వాలిటీనీ కూడా కొంచెం ప్రభావితం చేస్తుంది. ఫుల్ ఫ్రై చేసే బదులు తేలికగా వేయించడం లేదా గ్రిల్ చేయడం మంచిది.
కొందరు పన్నీర్ను గ్రేవీలో చాలా సేపు మరగిస్తారు. ఇలా చేస్తే రుచి బాగా పెరుగుతుందని, ఇందులో మసాలా ఇంకుతుందని అనుకుంటారు. కానీ ఎక్కువసేపు వండితే పనీర్ గట్టిపడి నమలడం కష్టం అవుతుంది. పోషకాలు కూడా క్రమంగా తగ్గుతాయి. పనీర్ వంటకం చివర్లోనే వేయండి. రెండు-మూడు నిమిషాలు మాత్రమే వండండి.
చాలా మంది పనీర్ను ఉప్పు నీళ్లలో నానబెట్టి ఉంచుతారు. కానీ చాలా సేపు నానబెడితే పోషకాలు నీళ్లలోకి వెళ్లిపోతాయి. ఇది ప్రోటీన్ విలువను కొంచెం తగ్గిస్తుంది. అవసరమైతేనే కాసేపు నానబెట్టండి.
కొందరు పన్నీర్ను ఎక్కువసార్లు కడుగుతారు. ఇలా చేస్తే నీటిలో కరిగి పోషకాలు పోతాయి. ఒకేసారి త్వరగా కడగడం చాలు.
పనీర్ను బ్రెడ్ లేదా సాదా అన్నంతో తినడం సరికాదు. ఇలాంటి ఆహారాలు ప్రోటీన్ ప్రయోజనాన్ని తగ్గిస్తాయి. బదులుగా కూరగాయలు లేదా హోల్ గ్రెయిన్స్తో కలిపి తినండి.
పన్నీర్లో ఎక్కువ నీటి శాతం ఉండటం వల్ల త్వరగా చెడిపోతుంది. పనీర్ ప్యాకెట్ ఫ్రిజ్లో లేదా నీళ్లలో ఉంచండి. రెండు-మూడు రోజుల్లో వాడేయండి.
తాజా పనీర్ మాత్రమే తీసుకోండి. తక్కువ వేడి మీద వండాలి. డీప్ ఫ్రై చేయకూడదు. గ్రిల్ లేదా తేలికగా వేయించండి. ఫైబర్ ఎక్కువ ఉన్న ఆహారాలతో కలిపి తినండి. సరిగ్గా నిల్వ చేయండి.
Share
Wedding: పెళ్లి జరుగుతున్న రోజు వర్షం పడితే శుభమా..? అశుభమా..?
ఏయూలో మెగా కల్చరల్ ఫెస్టివల్.. డిప్యూటీ సీఎం పవన్ కీలక వ్యాఖ్యలు, తనకు అర్హత లేదని వ్యాఖ్య
