ఏసీ వెంట వెంటనే ఆన్ ఆఫ్ చేయడం వల్లే కరెంట్ బిల్లు పెరుగుతుందా.. నిజమేంటి?

వేసవి వేడి కారణంగా చాలామంది ఎయిర్ కండీషనర్ (ఏసీ) ఉపయోగిస్తుంటారు. అయితే ఏసీ వల్ల ఎక్కువ కరెంట్ బిల్లు ఎక్కువగా వస్తుంది. అందుకోసమే చాలా మంది విద్యుత్ ఆదా చేయడానికి ఏసీని తరచుగా ఆన్, ఆఫ్ చేస్తుంటారు. కానీ ఈ అలవాటు విద్యుత్ వాడకాన్ని తగ్గించకుండా పెంచవచ్చు. సరైన విధంగా ఏసీ వినియోగిస్తే సౌకర్యం పెరిగి, బిల్లు కూడా తగ్గుతుంది.

ఏసీను తరచుగా ఆన్ ఆఫ్ చేయడం ఎందుకు ఎక్కువ విద్యుత్ వాడుతుంది?

ఏసీ ప్రారంభమైనప్పుడు కంప్రెసర్ ఎక్కువ పవర్ వాడుతుంది. పదే పదే ఆన్ ఆఫ్ చేస్తే కంప్రెసర్‌పై మళ్లీ మళ్లీ ఒత్తిడి పెరుగుతుంది. అప్పుడు కంప్రెసర్ మరింత హార్డ్‌గా పని చేయాల్సి వస్తుంది. దీని వల్ల విద్యుత్ వాడకం పెరుగుతుంది. అందుకే నిరంతరం స్థిరంగా నడపడం మంచిది.

కంప్రెసర్ ఎక్కువ ఒత్తిడికి గురవుతుంది

ఏసీలో కంప్రెసర్ చాలా ముఖ్యమైన భాగం. దీన్ని తరచుగా ఆన్ ఆఫ్ చేస్తే అదనపు ఒత్తిడి పడి, మెషీన్ సామర్థ్యం తగ్గుతుంది. స్థిరంగా నడపడం వల్ల కంప్రెసర్ సాఫీగా పని చేస్తుంది.

స్థిరమైన ఉష్ణోగ్రత ఉంచండి

గది ఉష్ణోగ్రతను స్థిరంగా ఉంచడం వల్ల ఏసీ ఎక్కువగా పని చేయాల్సిన అవసరం తగ్గుతుంది. 24 నుంచి 26 డిగ్రీల మధ్య ఉష్ణోగ్రతను సెట్ చేయండి. ఇది సౌకర్యం, విద్యుత్ ఆదా రెండింటినీ ఇస్తుంది.

చాలా తక్కువ ఉష్ణోగ్రత సెట్ చేయకండి

మరీ తక్కువ ఉష్ణోగ్రతలో ఏసీని నడపడం వల్ల కంప్రెసర్ ఎక్కువగా పని చేసి విద్యుత్ ఎక్కువ వినియోగమవుతుంది. అందుకే ఏసీని మీడియం టెంపరేచర్‌లోనే సౌకర్యవంతంగా ఉంటుంది.

రాత్రి సమయంలో స్లీప్ మోడ్ వాడండి

ఆధునిక ఏసీల్లో స్లీప్ మోడ్ ఉంటుంది. ఇది రాత్రి సమయంలో ఉష్ణోగ్రతను ఆటోమేటిక్‌గా సర్దుబాటు చేసి విద్యుత్ ఆదా చేస్తుంది. ఇది నిద్రకు కూడా సౌకర్యం ఇస్తుంది.

తలుపులు, కిటికీలు మూసి ఉంచండి

కిటికీలు లేదా తలుపులు తెరిచి ఉంచితే చల్లని గాలి బయటకు వెళ్లి, వేడి గాలి లోపలికి వస్తుంది. దీని వల్ల ఏసీ ఎక్కువగా పని చేయాల్సి వస్తుంది. గదిని మూసి ఉంచడం వల్ల విద్యుత్ ఆదా అవుతుంది.

ఏసీ ఫిల్టర్లను క్రమం తప్పకుండా శుభ్రం చేయాలి

మురికి ఫిల్టర్లు గాలి ప్రసరణను అడ్డుకుంటాయి. దీని వల్ల ఏసీ ఎక్కువ శక్తి వాడుతుంది. నెలకొకసారి ఫిల్టర్లను శుభ్రం చేయండి.

ఫ్యాన్‌తో కలిపి వాడండి

సీలింగ్ ఫ్యాన్ గాలిని గది అంతటా ప్రసరింపజేస్తుంది. దీని వల్ల ఏసీను తక్కువ టెంపరేచర్‌లో నడపాల్సిన అవసరం తగ్గుతుంది.

Also Read: రీల్స్ చూస్తూ నిద్ర రావడం లేదా? జీవితంలో ప్రశాంతత కోసం డిజిటల్ డిటాక్స్ ఇలా చేయండి

ఏసీను క్రమం తప్పకుండా సర్వీస్ చేయించండి

క్రమం తప్పకుండా సర్వీస్ చేయించడం వల్ల ఏసీ సామర్థ్యం మెరుగుపడి, విద్యుత్ ఆదా అవుతుంది.

ఏసీను తరచుగా ఆన్ ఆఫ్ చేయడం వల్ల విద్యుత్ బిల్లు పెరుగుతుంది. స్థిరమైన ఉష్ణోగ్రత, సరైన నిర్వహణ, ఫ్యాన్‌తో కలిపి వాడటం వంటి అలవాట్లు.. కరెంట్ వినియోగం ఆదా చేసి, సౌకర్యం కలిగిస్తాయి. చిన్న చిన్న జాగ్రత్తల వల్ల కరెంట్ బిల్లు తగ్గడమే కాకుండా ఏసీ జీవితకాలం కూడా పెరుగుతుంది.