Gas Cylinder: సాధారణంగా చాలామంది వంటగదిలో స్థలం తక్కువగా ఉందని లేదా సౌకర్యవంతంగా ఉంటుందని ఫ్రిజ్ పక్కనే గ్యాస్ సిలిండర్ను ఉంచుతుంటారు. అయితే.. ఇది చాలా ప్రమాదకరమైన అలవాటు అని నిపుణులు హెచ్చరిస్తున్నారు. ఫ్రిజ్ దగ్గర గ్యాస్ సిలిండర్ ఎందుకు పెట్టకూడదో, దాని వెనక ఉన్న శాస్త్రీయ కారణాలు భద్రతా పరమైన అంశాల గురించి వివరంగా తెలుసుకుందాం.
1. వేడి ,కంప్రెసర్ :
ఫ్రిజ్ లోపల చల్లగా ఉన్నప్పటికీ.. దాని వెనక భాగంలో ఉండే కంప్రెసర్ నిరంతరం నడుస్తూ వేడిని విడుదల చేస్తుంది. గ్యాస్ సిలిండర్లను ఎప్పుడూ చల్లని, గాలి ఆడే ప్రదేశంలో ఉంచాలి. ఫ్రిజ్ నుంచి వచ్చే వేడి గ్యాస్ సిలిండర్పై పడటం వల్ల సిలిండర్ లోపల ఒత్తిడి పెరిగే అవకాశం ఉంది. ఇది దీర్ఘకాలంలో ప్రమాదాలకు దారితీసే అవకాశం కూడా ఉంటుంది.
2. విద్యుత్ స్పార్క్స్ :
ఫ్రిజ్ అనేది ఒక ఎలక్ట్రానిక్ పరికరం. ఇది ఆటోమేటిక్గా ఆన్, ఆఫ్ అవుతున్నప్పుడు లేదా థర్మోస్టాట్ పనిచేసేటప్పుడు చిన్నపాటి విద్యుత్ స్పార్క్స్ వచ్చే అవకాశం ఉంటుంది. ఒకవేళ గ్యాస్ సిలిండర్ లేదా పైపు నుంచి స్వల్పంగా గ్యాస్ లీక్ అవుతుంటే.. ఫ్రిజ్ నుంచి వచ్చే ఈ చిన్న స్పార్క్ పెద్ద అగ్నిప్రమాదానికి కారణం కావచ్చు.
3. గాలి ప్రసరణ లేకపోవడం :
సాధారణంగా ఫ్రిజ్లను గోడకు ఆనించి లేదా మూలల్లో పెడుతుంటారు. దాని పక్కనే సిలిండర్ ఉంచినప్పుడు, ఆ ప్రదేశంలో గాలి ప్రసరణ సరిగ్గా ఉండదు. గ్యాస్ లీక్ జరిగినప్పుడు గాలి తగిలితే ఆ వాయువు త్వరగా విడిపోతుంది. కానీ ఫ్రిజ్ పక్కన ఇరుకైన సందులో సిలిండర్ ఉంటే.. లీక్ అయిన గ్యాస్ అక్కడే పేరుకు పోయి ప్రమాద తీవ్రతను పెంచుతుంది.
4. అయస్కాంత క్షేత్రం, మోటార్ :
ఫ్రిజ్లోని మోటార్, ఇతర ఎలక్ట్రికల్ భాగాలు పని చేస్తున్నప్పుడు స్వల్ప అయస్కాంత క్షేత్రం ఏర్పడుతుంది. సిలిండర్ రెగ్యులేటర్ లేదా సేఫ్టీ వాల్వ్లు లోహంతో తయారవుతాయి. విద్యుత్ పరికరాల పక్కన ఉండటం వల్ల వీటి పని తీరుపై ప్రభావం పడే అవకాశం ఉందని కొన్ని అధ్యయనాలు చెబుతున్నాయి.
Also Read: పిల్లలు మీ మాట వినడం లేదా? ఇలా.. వారిని దారిలోకి తెచ్చుకోండి!
5. నిపుణుల సూచనలు, జాగ్రత్తలు:
వంటగదిలో భద్రత కోసం ఈ కింది సూచనలు పాటించడం ఉత్తమం.
దూరం పాటించండి: ఫ్రిజ్కు, గ్యాస్ స్టవ్/సిలిండర్కు మధ్య కనీసం 5 నుంచి 6 అడుగుల దూరం ఉండాలి.
గాలి ఆడే చోట: సిలిండర్ను ఎప్పుడూ మూసి ఉన్న ప్రదేశంలో కాకుండా.. గాలి వెలుతురు ఎక్కువగా వచ్చే చోట ఉంచాలి.
పైపులు చెక్ చేయడం: గ్యాస్ పైపు పాతదైతే వెంటనే మార్చాలి. ఫ్రిజ్ వేడి వల్ల పైపులు త్వరగా పాడయ్యే ప్రమాదం ఉంది.
కిటికీలు: వంటగదిలో కనీసం ఒక కిటికీ అయినా తెరిచి ఉంచాలి.
వంటగదిలో సౌకర్యం కంటే భద్రత ముఖ్యం. ఫ్రిజ్ , గ్యాస్ సిలిండర్లను పక్కపక్కన ఉంచడం వల్ల జరిగే ప్రమాదాలు ప్రాణాపాయానికి దారితీయవచ్చు. కాబట్టి.. వెంటనే మీ వంటగది అమరికను సరిచూసుకోండి. ఈ చిన్న జాగ్రత్త పెద్ద ప్రమాదాన్ని తప్పిస్తుంది.
Share
Congress: పల్లె పోరులో హస్తం హవా..
Volkswagen Golf GTI Award: వోక్స్ వ్యాగన్ గోల్ఫ్ GTIకి అరుదైన గుర్తింపు, ప్రతిష్టాత్మక అవార్డు కైవసం!
