దక్షిణ భారతీయులు ఇడ్లి, వడ అంటే ఎంతో ఇష్టంగా తింటారు. సాధారణంగా మినప పప్పుతో వడలు చేస్తారు. అయితే ఇప్పుడు చాలా మంది సులభమైన, త్వరగా తయారయ్యే బంగాళదుంపలు (ఆలు గడ్డ), రవతో తయారు చేసే వడలు ఇష్టపడుతున్నారు. ఇది బాగా క్రిస్పీగా వస్తుంది. ఉదయం టిఫిన్, సాయంత్రం స్నాక్స్‌లో తినడానికి బాగుంటుంది.
ఈ రెసిపీకి తక్కువ పదార్థాలు మాత్రమే అవసరం, పైగా ఉదయం బిజీగా ఉంటే త్వరగా చేసేయవచ్చు. మినప పప్పు నానబెట్టి గ్రైండ్ చేయాల్సిన అవసరం ఉండదు. ఆలూ, రవతో త్వరగా తయారు చేసుకోవచ్చు. బయట క్రిస్పీగా, లోపల మెత్తగా వస్తాయి. పిల్లలు, పెద్దలు అందరూ ఆనందంగా తింటారు.
రెండు ఉడికించిన బంగాళదుంపలు (ఆలు గడ్డలు), ఒక కప్ రవ్వ, తరిగిన పచ్చి మిర్చి, కరివేపాకు, కొత్తిమీర, అల్లం, పెరుగు, ఉప్పు, నల్ల మిరియాలు. కొంతమంది ఉల్లిపాయలు కూడా వేసుకుంటారు. వేయించడానికి నూనె.
ఉడికించిన బంగాళదుంపలను బాగా నున్నగా మెత్తగా చేయాలి. ఎటువంటి గడ్డలు ఉండకూడదు. అందులో రవ్వ కలపాలి. తర్వాత తరిగిన కొత్తిమీర, కరివేపాకు, అల్లం, పచ్చి మిర్చి, ఉప్పు, మిరియాలు వేసి బాగా కలపాలి. కొంచెం పెరుగు వేస్తే ఇంకా మెత్తగా ఉంటుంది.
అన్ని పదార్థాలు కలిపాక రవ్వ, తేమను గ్రహించడానికి 15 నిమిషాలు మూత పెట్టి ఉంచాలి. ఇలా చేస్తే ఈ వడ మిక్స్ పిండి అంటుకోకుండా మంచి ఆకారం వస్తుంది. వడలు కూడా క్రిస్పీగా వస్తాయి.
చిన్న చిన్న ముద్దలు తీసుకొని చేతులకు ముందుగా కాస్త నూనె పూసుకొని గుండ్రంగా చేసి, మధ్యలో చిన్న రంధ్రం పెట్టాలి. చేతులు తడిగా ఉంచుకుంటే అంటుకోదు.
పాన్‌లో నూనె వేడి చేసి, మీడియం ఫ్లేమ్‌పై వడలను వేయాలి. రెండు వైపులా బంగారు రంగు వచ్చేవరకు వేయించి, నూనె తీసి క్రిస్పీ టిష్యూపై ఉంచాలి.
వేడిగా ఉండగానే తినాలి. కొబ్బరి చట్నీ, సాంబార్ లేదా టమాటో పచ్చడితో బాగా సర్వే చేస్తే రుచి ఇంకా బాగుంటుంది. టీ లేదా కాఫీతో చాలా రుచిగా ఉంటుంది.
పిండి మరీ మెత్తగా ఉండకూడదు. మీడియం ఫ్లేమ్‌లోనే వేయించాలి. తాజా రవ్వ వాడటం మంచిది.
చిన్నగా తరిగిన కారెట్ ముక్కలు, క్యాప్సికం, స్వీట్ కార్న్ వేస్తే రుచి, పోషకాలు పెరుగుతాయి.
తాజా పదార్థాలు, తక్కువ ప్రిజర్వేటివ్స్, నూనె, మసాలాలు మనం నియంత్రించవచ్చు. కుటుంబంతో కలిసి చేయడం కూడా ఆనందంగా ఉంటుంది.
Also Read: పొట్ట బయటకు వేలాడుతోందా? కేవలం 21 రోజులు ఇవి తింటే చాలు.. బరువు తగ్గడంతోపాటు ఎన్నో లాభాలు
పాన్‌లో ఎక్కువ వడలు వేయకండి. నూనె సరైన వేడిలో ఉండాలి. ఈ ఆలూ రవ్వ వడల రెసిపీ చాలా ఈజీ, పైగా రుచికరంగా ఉంటాయి. ఇంట్లోనే క్రిస్పీ స్నాక్ తయారు చేసుకోండి.
Share
బెస్ట్ కమర్షియల్ మిక్సీ గ్రైండర్లు..హోటళ్లు, రెస్టారెంట్లు, కేఫ్ల కోసం టాప్ మోడల్స్
టాలీవుడ్లో పర్సంటేజ్ సిస్టమ్ నుంచి మినహాయింపు కోరిన 17 క్రేజీ ప్రాజెక్టులు ఇవే..
