Percentage System: టాలీవుడ్ చిత్ర పరిశ్రమలో ప్రస్తుతం ఓ సరికొత్త చర్చ జోరందుకుంది. సింగిల్ స్క్రీన్ థియేటర్లలో అమలు చేయాలని భావిస్తున్న “పర్సంటేజ్ విధానం” ఇప్పుడు ఎగ్జిబిటర్లు, డిస్ట్రిబ్యూటర్లు నిర్మాతల మధ్య ప్రధాన చర్చనీయాంశంగా మారింది. అయితే, ఈ కొత్త నిబంధన నుండి తమ రాబోయే భారీ బడ్జెట్ అత్యంత ప్రతిష్టాత్మకమైన 17 చిత్రాలకు మినహాయింపు ఇవ్వాలని నిర్మాతలు కోరుతున్నారు. చిన్న, మీడియం రేంజ్ సినిమాలకు ఈ పర్సంటేజ్ సిస్టమ్ వర్తించినప్పటికీ.. భారీ బిజినెస్ జరుపుకునే క్రేజీ ప్రాజెక్టులకు పాత పద్ధతిలోనే థియేట్రికల్ రన్ ఉండాలని నిర్మాతలు పట్టుబడుతున్నారు. ఈ లిస్ట్లో టాలీవుడ్ టాప్ స్టార్ల చిత్రాలన్నీ ఉండటం గమనార్హం.
Read also-‘పెళ్లి చేసుకున్న మొదటి రోజు నుంచే నరకం చూశాను’.. ఎమోషనల్ అయిన జయం రవి..
Read aklso-గ్రీన్ ఎనర్జీ వైపు ‘అల్లు సినిమాస్’ అడుగులు.. కోకాపేట మల్టీప్లెక్స్లో భారీ సోలార్ ప్రాజెక్ట్!
సాధారణంగా పర్సంటేజ్ సిస్టమ్ వల్ల చిన్న సినిమాలకు థియేటర్లు దొరకడం సులువవుతుంది. కానీ, పైన పేర్కొన్న 17 సినిమాలు వందల కోట్ల బడ్జెట్తో, విపరీతమైన ప్రిలిమినరీ బిజినెస్ మరియు పబ్లిసిటీ కాస్ట్లతో కూడుకున్నవి. ఈ రేంజ్ సినిమాలకు మొదటి వారం వచ్చే కలెక్షన్లు డిస్ట్రిబ్యూటర్లకు, నిర్మాతలకు అత్యంత కీలకం. పర్సంటేజ్ సిస్టమ్ వల్ల లాభాల వాటా తగ్గి, రికవరీ ఆలస్యమయ్యే అవకాశం ఉందని నిర్మాతలు భావిస్తున్నారు. ఈ 17 చిత్రాలకు థియేటర్ల వద్ద ఉండే క్రేజ్ వేరు. కాబట్టి వీటికి పాత పద్ధతిలోనే ఫిక్స్డ్ రెంట్లు లేదా అడ్వాన్స్ బేసిస్లోనే బిజినెస్ జరగాలని నిర్మాతల మండలి గట్టిగా కోరుతోంది.
ప్రస్తుతం ఈ 17 సినిమాల లిస్ట్ టాలీవుడ్ వర్గాల్లో హాట్ టాపిక్గా మారింది. ఎగ్జిబిటర్లు ఈ ప్రతిపాదనకు ఎలా స్పందిస్తారు, ఇండస్ట్రీ పెద్దలు కూర్చొని ఎలాంటి సయోధ్య కుదుర్చుకుంటారు అనేది రాబోయే రోజుల్లో తేలనుంది. ఏదేమైనా ఈ సినిమాల బిజినెస్ సమీకరణాలు టాలీవుడ్ థియేట్రికల్ రన్ను ఒక కొత్త మలుపు తిప్పనున్నాయి.
Share
బంగాళదంపలతో క్రిస్పీ వడ.. టిఫిన్ కోసం సులభంగా ఇలా చేయండి
శంషాబాద్కు గట్టి పోటీ.. స్మార్ట్ టెర్మినల్, 2.5 కి.మీ భారీ రన్వే.. వరంగల్ ఎయిర్పోర్ట్ విశేషాలివే!
