బాత్‌రూంలో వాష్ బేసిన్ జామ్ అయిందా.. చేతులు పెట్టకుండానే ఇలా క్లీన్ చేయండి

ఇంట్లో చిన్న చిన్న సమస్యలు వస్తూనే ఉంటాయి. కిచెన్‌లో సింక్ జామ్ కావడం, బాత్‌రూంలో వాష్ బేసిన్ జామ్ అయి మురికి నీళ్ల వల్ల దుర్వాసన రావడం జరుగుతుంది. ఈ సమస్యలకు కారణం డ్రెయిన్‌లో అడ్డంకి ఏర్పడడం. దీని వల్ల నీరు సరిగా ప్రవహించవు. ఇలాంటప్పుడు డ్రెయిన్ క్లీన్ చేయాలి. అయితే ఈ డ్రెయిన్‌ క్లీన్ చేయడానికి చాలా మంది తమ చేతులు అందులో పెట్టడానికి ఇష్టపడరు. మురికి నీళ్లలో చేతులు పెట్టడం వారికి అసహ్యంగా అనిపిస్తుంది.

వెంట్రుకలు, సబ్బు, ధూళి.. డ్రెయిన్‌లో కలిసిపోయి నెమ్మదిగా డ్రెయిన్‌ను మూసేస్తాయి. ఇలా చెత్త జామ్ కావడాన్ని నిర్లక్ష్యం చేస్తే పెద్ద ప్లంబింగ్ సమస్యలు వచ్చే అవకాశం ఉంది. ఇంట్లోనే ఉన్న సామగ్రితో సులభంగా డ్రెయిన్‌ను శుభ్రం చేయవచ్చు.

జుట్టు, సబ్బు వల్లే డ్రెయిన్ జామ్ కావడానికి ప్రధాన కారణాలు

బాత్‌రూమ్ డ్రెయిన్‌లో పడే వెంట్రుకలు, సబ్బు, గ్రీజ్ నెమ్మదిగా పేరుకుపోయి నీళ్ల ప్రవాహాన్ని అడ్డుకుంటాయి. దీంతో నీళ్లు ఒకేచోట పేరుకుపోయి దుర్వాసన వస్తుంది. ఈ సమస్యను త్వరగా పరిష్కరించకపోతే పైపులు పూర్తిగా మూసుకుపోవచ్చు.

వేడి నీళ్లతో త్వరగా శుభ్రం చేయండి

చిన్న అడ్డంకులకు వేడి నీళ్లు చాలా పనికొస్తాయి. నీళ్లు మరిగించి డ్రెయిన్‌లో పోయాలి. కొన్ని నిమిషాలు వేచి చూడాలి. నీళ్లు సరిగా పారకపోతే మళ్లీ ప్రయత్నించాలి. ప్లాస్టిక్ పైపులు ఉంటే వేడి నీళ్లు ఉపయోగించకూడదు.

బేకింగ్ సోడా, వెనిగర్ ఉపయోగించండి

డ్రెయిన్ క్లీన్ చేయడానికి బేకింగ్ సోడా, వెనిగర్ కలిపి ఉపయోగించడం ఒక శక్తివంతమైన సహజ పద్ధతి. ముందు డ్రెయిన్‌లో డిష్ వాషింగ్ లిక్విడ్ పోయాలి. తర్వాత ఒక కప్ వెనిగర్ పోసి ఒక నిమిషం వేచి, ఒక కప్ బేకింగ్ సోడా వేయాలి. 15 నిమిషాలు ఉండనివ్వాలి. చివరగా వేడి నీళ్లు పోస్తే అడ్డంకి పూర్తిగా తొలగిపోతుంది.

వైర్ హ్యాంగర్‌తో జుట్టు తీయండి

వెంట్రుకలు డ్రెయిన్‌లో ఎక్కువగా జామ్ అయి ఉంటే వైర్ హ్యాంగర్ ఉపయోగించాలి. హ్యాంగర్‌ను హుక్ ఆకారంలో వంచి డ్రెయిన్‌లోకి నెమ్మదిగా పంపాలి. జుట్టు, మురికిని లాగి తీయాలి. రబ్బర్ గ్లవ్స్ వేసుకుంటే మురికి నీళ్లు తాకాల్సిన అవసరం ఉండదు.

సోప్ గ్రీజ్‌ను త్వరగా కరిగించే వాషింగ్ లిక్విడ్

డిష్ వాషింగ్ లిక్విడ్.. గ్రీజ్,నూనెలను కరిగించి నీళ్ల ప్రవాహాన్ని మెరుగుపరుస్తుంది. వెచ్చని నీళ్లతో కలిపి వాడితే ఫలితం బాగా ఉంటుంది. ఇది చౌకగా, సులభంగా అందుబాటులో ఉంటుంది.

భవిష్యత్తులో అడ్డంకి రాకుండా జాగ్రత్తలు తీసుకోండి

జుట్టు డ్రెయిన్‌లో పడకుండా చూడాలి. డ్రెయిన్ కవర్ ఉపయోగించాలి. క్రమం తప్పకుండా డ్రెయిన్‌ శుభ్రం చేయాలి. ఇలా చేస్తే పెద్ద మరమ్మత్తులు అవసరం లేకుండా ఉంటుంది.

Also Read: ఆరోగ్యంగా ఉన్నవారికి కూడా గుండెపోటు ఎందుకు వస్తోంది? డాక్టర్లు చెబుతున్న కారణాలు ఇవే

కెమికల్ క్లీనర్లు వాడకండి

బలమైన కెమికల్ క్లీనర్లు పైపులను దెబ్బతీస్తాయి. చర్మానికి హాని చేస్తాయి. సహజ పద్ధతులు వాడటం ఎప్పుడూ మంచిది.

వాష్‌బేసిన్ డ్రెయిన్ అడ్డంకి ఇంట్లో అసౌకర్యం కలిగిస్తుంది. కానీ వేడి నీళ్లు, బేకింగ్ సోడా, వెనిగర్, డిష్ సోప్ మరియు వైర్ హ్యాంగర్ వంటి సులభ పద్ధతులతో నీళ్లు తాకకుండా శుభ్రం చేయవచ్చు. క్రమం తప్పకుండా శుభ్రం చేస్తే డ్రెయిన్ ఎప్పుడూ క్లీన్‌గా ఉంటుంది.